ຂ່າວຫຼ້າສຸດ

ນ້ຳໃຈສະມາຄົມອະດີດນັກສຶກສາລາວ ຈາກປະເທດຍີ່ປຸ່ນ

2.126 27 ມ.ສ. 2011 ສຶກສາ

<p style="text-align: justify;"> ຈາກ​ເຫດ­ການ​ແຜ່ນ­ດິນ​ໄຫວ​ຄັ້ງ​ໃຫຍ່ ຕາມ​ດ້ວຍ​ຄື້ນ​ທະ­ເລ​ຊຸ​ນາ​ມິ ທີ່​ເກີດ​ຂຶ້ນ​ໃນ​ວັນ​ທີ 11 ມີ­ນາ 2011 ທີ່​ຜ່ານ​ມາ ອັນ​ໄດ້​ເຮັດ​ໃຫ້​ພໍ່​ແມ່​ປະ­ຊາ­ຊົນ​ຊາວ​ຍີ່­ປຸ່ນ​ຈຳ­ນວນ ຫຼວງ­ຫຼາຍ ໄດ້​ຮັບ​ເຄາະ​ຮ້າຍ​ຈາກ​ເຫດ­ການ​ດັ່ງ­ກ່າວ.</p> <p style="text-align: justify;"> ທາງ​ສະ­ມາ­ຄົມ​ອະ­ດີດ​ນັກ​ສຶກ​ສາ​ລາວ ຈາກ​ປະ­ເທດ​ຍີ່­ປຸ່ນ ກໍ​ໄດ້​ປະ­ກອບ­ສ່ວນ​ສ້າງ­ສັນ​ກິດ­ຈະ­ກຳ ເພື່ອ​ຫາ​ລາຍ​ໄດ້​ສົມ­ທົບ​ທຶນ​ຊ່ວຍ­ເຫຼືອ ປະ­ຊາ­ຊົນ​ຍີ່­ປຸ່ນ​ທີ່​ປະ­ສົບ​ເຄາະ​ຮ້າຍ​ໃນ​ຄັ້ງ​ນີ້ ເຊິ່ງ​ເລີ່ມ​ແຕ່​ວັນ​ທີ 15 ມີ­ນາ 2011 ທາງ​ສະ­ມາ­ຄົມ​ອະ­ດີດ​ນັກ​ສຶກ​ສາ ຈາກ​ປະ­ເທດ​ຍີ່­ປຸ່ນ ເຊິ່ງ​ເປັນ​ສະ­ມາ­ຊິກ​ລວມ​ໝູ່ ຂອງ​ສະ­ມາ­ຄົມ​ມິດ­ຕະ­ພາບ​ລາວŒຍີ່­ປຸ່ນ ສູນ​ກາງ​ໄດ້​ຈັດ​ງານ​ຮັບ​ບໍ­ລິ­ຈາກ ຈາກ​ສະ­ມາ­ຊິກ​ຂອງ​ສະ­ມາ­ຄົມ​ຄອບ­ຄົວ ແລະ ໝູ່​ເພື່ອນ​ຂອງ​ສະ­ມາ­ຊິກ ແລະ ປະ­ຊາ­ຊົນ​ລາວ​ທົ່ວ​ໄປ ເພື່ອ​ຊ່ວຍ­ເຫຼືອ​ຜູ້​ປະ­ສົບ​ໄພ​ທຳ​ມະ​ຊາດ​ຢູ່​ຍີ່­ປຸ່ນ.</p> <p style="text-align: justify;"> ຜ່ານ​ການ​ຮັບ​ບໍ­ລິ­ຈາກ​ຕົວ​ຈິງ ສາ­ມາດ​ລວມ​ຍອດ​ເງິນ​ບໍ­ລິ­ຈາກ​ໄດ້​ທັງ​ໝົດ 51.892.000 ກີບ ແລະ ຕອນ​ບ່າຍ​ຂອງ​ວັນ​ທີ 8 ມີ­ນາ 2011 ທີ່​ຜ່ານ​ມາ ຢູ່​ທີ່​ຄະ­ນະ​ພົວ­ພັນ​ຕ່າງ­ປະ­ເທດ​ສູນ​ກາງ​ພັກ ທາງ​ສະ­ມາ­ຄົມ ກໍ​ໄດ້​ນຳ​ເງິນ​ຈຳ­ນວນ​ດັ່ງ­ກ່າວ ມາ​ມອບ​ໃຫ້​ສະ­ມາ­ຄົມ​ມິດ​ຕະ​ພາ​ລາວŒຍີ່­ປຸ່ນ ເພື່ອ​ນຳ­ໄປ​ມອບ​ຕໍ່­ໃຫ້​ປະ­ຊາ­ຊົນ​ຍີ່­ປຸ່ນ ຜູ້​ທີ່​ປະ­ສົບ​ໄພ​ທຳ​ມະ​ຊາດ​ຈາກ​ແຜ່ນ­ດິນ​ໄຫວ​ຮຸນ​ແຮງ ແລະ ຄື້ນ​ຊຸ​ນາ​ມິ​ຂະ­ໜາດ​ໃຫຍ່ ທີ່​ປະ­ເທດ​ຍີ່­ປຸ່ນ ເຊິ່ງ​ເປັນ​ກຽດ​ຮັບ​ໂດຍ​ທ່ານ ດຣ. ປອນ​ເມກ ດາ­ລາ​ລອຍ ລັດ­ຖະ­ມົນ­ຕີ​ວ່າ­ການ​ກະ­ຊວງ​ສາ­ທາ­ລະ­ນະ​ສຸກ ປະ­ທານ​ສະ­ມາ­ຄົມ​ມິດ­ຕະ­ພາບ ລາວŒຍີ່­ປຸ່ນ.</p> <p style="text-align: justify;"> ຍັງ​ບໍ່​ພຽງ​ເທົ່າ​ນັ້ນ ເພື່ອ​ສືບ­ຕໍ່​ໃຫ້­ການ​ຊ່ວຍ­ເຫຼືອ​ທາງ​ສະ­ມາ­ຄົມ​ອະ­ດີດ​ນັກ​ສຶກ​ສາ ຈາກ​ປະ­ເທດ​ຍີ່­ປຸ່ນ ຍັງ​ໄດ້​ຈັດ­ການ​ແຂ່ງ­ຂັນ​ກີ­ລາ​ເຕະ­ບານ​ມິດ­ຕະ­ພາບ ລະ­ຫວ່າງ​ອະ­ດີດ​ນັກ​ສຶກ​ສາ​ລາວ​ຈາກ​ຍີ່­ປຸ່ນ ຈາກ​ພາກ​ເໜືອ ແລະ ພາກ​ໃຕ້​ຂອງ​ປະ­ເທດ​ຍີ່­ປຸ່ນ ເພື່ອ​ລະ­ດົມ​ທຶນ​ບໍ­ລິ­ຈາກ​ຊ່ວຍ­ເຫຼືອ ແລະ ປັດ­ຈຸ­ບັນ ທາງ​ສະ­ມາ­ຄົມ​ອະ­ດີດ​ນັກ​ສຶກ​ສາ​ຈາກ​ຍີ່­ປຸ່ນ ກຳ­ລັງ​ດຳ­ເນີນ​ກິດ­ຈະ­ກຳ​ຂາຍ​ເສື້ອ ເພື່ອ​ນຳ​ທຶນ​ສົມ­ທົບ ເຊິ່ງ​ໄລ­ຍະ​ຜ່ານ​ມາ ກິດ­ຈະ­ກຳ​ຂາຍ​ເສື້ອ​ໃຫ້​ແກ່​ສະ­ມາ­ຊິກ ແລະ ປະ­ຊາ­ຊົນ​ທົ່ວ​ໄປ ຂາຍ​ເສື້ອ​ໃນ​ງານ​ປະ­ກາດ​ຜົນ​ລາ­ງວັນ​ຜົນ­ງານ​ເພງ​ດີ­ເດັ່ນ​ປະ­ຈຳ​ປີ ງານ​ລະ­ດົມ​ການ​ບໍ­ລິ­ຈາກ​ເພື່ອ​ຊ່ວຍ­ເຫຼືອ​ຜູ້​ປະ­ສົບ​ໄພ​ທຳ​ມະ​ຊາດ ຢູ່​ປະ­ເທດ​ຍີ່­ປຸ່ນ ກິດ­ຈະ­ກຳ​ຂາຍ​ເສື້ອ​ດັ່ງ­ກ່າວ ຈະ​ດຳ­ເນີນ​ໄປ​ຈົນ​ຮອດ​ທ້າຍ​ດື​ອນ​ເມ­ສາ 2011 ຈາກ​ນັ້ນ ຈຶ່ງ​ຈະ​ໄດ້​ນຳ​ເງິນ​ດັ່ງ­ກ່າວ​ທັງ​ໝົດ​ມາ​ມອບ​ເພີ່ມ​ເຕີມ ເພື່ອ​ນຳ­ໄປ​ຊ່ວຍ­ເຫຼືອ​ຜູ້​ປະ­ສົບ​ໄພ​ທຳ​ມະ​ຊາດ ທີ່​ປະ­ເທດ​ຍີ່­ປຸ່ນ​ອີກ​ຄັ້ງ​ໜຶ່ງ ສະ­ມາ­ຄົມ​ອະ­ດີດ​ນັກ​ສຶກ​ສາ​ລາວ​ຈາກ​ປະ­ເທດ​ຍີ່­ປຸ່ນ ໄດ້​ເລີ່ມ​ສ້າງ­ຕັ້ງ​ຂຶ້ນ​ໃນ​ປີ 2003 ມາ​ເຖິງ​ປັດ­ຈຸ­ບັນ ກໍ​ມີ​ສະ­ມາ­ຊິກ 300 ກ່ວ​າ​ຄົນ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ