ຂ່າວຫຼ້າສຸດ

ແມ່ຍິງລາວ ກຳແໜ້ນວຽກງານສຶກສາອົບຮົມ ການເມືອງ-ແນວຄິດ

2.833 10 ມ.ກ. 2011 ພັດທະນານະຄອນຫຼວງ

<p> ຄະນະສະຫະພັນແມ່ຍິງລາວແຕ່ລະຂັ້ນ ໄດ້ຖືສຳຄັນຕໍ່ການສຶກສາອົບຮົມ ການເມືອງ-ແນວຄິດ ໃຫ້ຖັນແຖວສະມາຊິກແມ່ຍິງລາວບັນດາເຜົ່າ ດ້ວຍຫຼາຍຮູບແບບ ແລະ ຫຼາຍວິທີ ທີ່ສອດຄ່ອງກັບແຕ່ລະກຸ່ມເປົ້າໝາຍ ໃນຂອບເຂດທົ່ວປະເທດ ໂດຍໄດ້ພ້ອມກັນຈັດຕັ້ງຮ່ຳຮຽນ ເຊື່ອມຊຶມແນວທາງນະໂຍບາຍຂອງພັກ ລະບຽບກົດໝາຍຂອງ ລັດ ມະຕິຄຳສັ່ງ ຂໍ້ກຳນົດກົດລະບຽບຕ່າງໆ ເປັນຕົ້ນແມ່ນ ມະຕິກອງປະຊຸມໃຫຍ່ ຜູ້ແທນແມ່ຍິງລາວ ທົ່ວປະເທດ ຄັ້ງທີ V.</p> <p> ຜ່ານການຈັດຕັ້ງປະຕິບັດຕົວຈິງ ເຫັນວ່າສະມາຊິກສະຫະພັນແມ່ຍິງຈຳນວນຫຼາຍ ໄດ້ຮັບການຍົກລະດັບທິດສະດີການເມືອງ ໃນລະດັບສູງ ໄດ້ຮັບການຝຶກອົບຮົມ ສຳມະ ນາ ກ່ຽວກັບດ້ານພິທີ ການມາລະຍາດໃນສັງຄົມ ການອະນຸຮັກສົ່ງເສີມມູນເຊື້ອວັດທະນະທຳ ການນຸ່ງຖືຂອງແມ່ຍິງ ຕິດພັນກັບການແກ້ໄຂບັນຫາຫຍໍ້ທໍ້ ການຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ VIIIຂອງພັກ ກ່ຽວກັບວຽກງານກໍ່ສ້າງຖັນແຖວພະນັກງານເພດຍິງ ໂດຍສູນກາງສະຫະພັນແມ່ຍິງລາວ ໄດ້ສົມທົບກັບຄະນະໂຄ ສະນາອົບຮົມ ສູນກາງພັກ ຄົ້ນຄ້ວາ ຮຽບຮຽງເອກະສານ ເພື່ອອົບຮົມໃຫ້ແກ່ແມ່ຍິງບັນດາເຜົ່າ ທັງສ້າງເງື່ອນໄຂໃຫ້ເອື້ອຍນ້ອງແມ່ຍິງ ໄດ້ໄປທັດສະນະສຶກສາ ຖອດຖອນບົດຮຽນຕົວຈິງ ທັງພາຍໃນ ແລະ ຕ່າງປະເທດ ຄຽງຄູ່ກັນນັ້ນ ການເຮັດວຽກງານສື່ມວນຊົນ ຂອງສະຫະພັນແມ່ຍິງຢູ່ບັນດາແຂວງ ທົ່ວປະເທດ ໄດ້ຝຶກອົບຮົມຍົກລະດັບ ຄວາມຮູ້ ຄວາມ ສາມາດ ດ້ານວິຊາການ ປັບປຸງເຕັກນິກຮູບແບບວິທີການໂຄສະນາ ຜ່ານໜັງສືພິມ ວາລະສານ ວິທະຍຸ ໂທລະພາບ ໂດຍມີເປົ້າໝາຍເພື່ອໂຄສະນາ ເຜີຍແຜ່ແນວທາງ ນະໂຍບາຍຂອງພັກ ລະບຽບກົດໜໝາຍຂອງລັດ ມູນເຊື້ອວັດທະນະທຳອັນດີງາມຂອງຊາດ ຜົນການເຄື່ອນໄຫວຂອງສະຫະພັນແມ່ຍິງ ແລະ ແມ່ຍິງບັນດາເຜົ່າ ໃນການ ຈັດຕັ້ງປະຕິບັດ ຂໍ້ແຂ່ງຂັນ 3 ດີ ການສ້າງກອງທຶນບ້ານພັດທະນາ ບຸກຄົນດີເດັ່ນ ແລະ ຄອບຄົວຕົວແບບ ໃນການສ້າງເສດຖະກິດ ຜະລິດເປັນສິນຄ້າ ພິເສດ ໃນໂອ ກາດສະເຫຼີມສະຫຼອງ ວັນສ້າງຕັ້ງສະຫະພັນແມ່ຍິງ ຄົບຮອບ 55 ປີ ສະມາຊິກສະຫະພັນແມ່ຍິງ ໄດ້ປະກອບສ່ວນດ້ານວັດຖຸພັນ ຂໍ້ມູນ ແລະ ທຶນຮອນ ຈຳນວນ 200 ກ່ວາລ້ານກີບ ເພື່ອປັບປຸງຫ້ອງມູນເຊື້ອສະຫະພັນແມ່ຍິງລາວ ແລະ ບູລະນະຫ້ອງການ ຂອງສະມາຄົມແມ່ຍິງລາວຮັກຊາດ ຢູ່ເມືອງວຽງໄຊ ແຂວງຫົວພັນ ສຳເລັດ ແລະ ໄດ້ຈັດພິທີເປີດບໍລິການໃຫ້ແຂກເຂົ້າຊົມ ຢ່າງເປັນທາງການ ພ້ອມກັນນັ້ນ ສູນກາງສະຫະພັນແມ່ຍິງລາວ ຍັງໄດ້ສ້າງຟິມເອກະສານ ແລະ ປຶ້ມມູນເຊື້ອຂອງສະຫະພັນແມ່ ຍິງລາວ ແຕ່ອະດີດຈົນເຖິງປັດຈຸບັນ ອອກສູ່ສັງຄົມຕື່ມອີກ.</p> <p> <strong>ໂດຍ: ດາວວອນ</strong></p>

ຂ່າວທີ່ກ່ຽວຂ້ອງ