ອາຊີບເລື່ອນລອຍ ຍັງເປັນບັນ¬ຫາໃນການລົບລ້າງຄວາມທຸກຍາກ

4.748 01 ມ.ສ. 2011 ຫຼຸດຜ່ອນຄວາມທຸກຍາກ
ອາຊີບເລື່ອນລອຍ ຍັງເປັນບັນ¬ຫາໃນການລົບລ້າງຄວາມທຸກຍາກ

<p style="text-align: justify;"> ເປັນ​ເລື່ອງ​ທີ່​ປະ­ຕິ­ເສດ​ບໍ່​ໄດ້ ໃນ​ທຸກໆ​ສັງ­ຄົມ​ທີ່​ພັດ­ທະ­ນາ​ແລ້ວ ແຕ່​ກໍ​ຍັງ​ມີ​ບາງ​ສິ່ງ​ທີ່​ບໍ່​ສາ­ມາດ​ພັດ­ທະ­ນາ​ໄປ​ພ້ອມໆ​ກັນ ນັ້ນ​ກໍ​ຄື ຄົນ​ເຮົາ​ນັ້ນ​ເອງ ທີ່​ຍັງ​ມັກ­ງ່າຍ ບໍ່​ກະ​ຕື​ລື​ລົ້ນ ເພື່ອ​ຊອກ​ຫາ​ວຽກ​ເຮັດ​ງານ​ທຳ ເພື່ອ​ປັບ­ປຸງ​ຊີ­ວິດ​ການ​ເປັນ​ຢູ່​ຂອງ​ຕົນ​ເອງ ເຮັດ​ໃຫ້​ສັງ­ຄົມ​ທີ່​ພັດ­ທະ­ນາ​ແລ້ວ ຍັງ​ມີ​ຄອບ­ຄົວ​ທີ່​ທຸກ​ຍາກ​ຢູ່ ທັງໆ​ທີ່​ວ່າ ໄດ້​ເອົາ­ໃຈ­ໃສ່​ໃນ​ການ​ລຶ­ບລ້າງ​ຄວາມ­ທຸກ​ຍາກ​ຢ່າງ​ຈິງ​ຈັງ.</p> <p style="text-align: justify;"> ເມື່ອ​ເວົ້າ​ເຖິງ​ບັນ­ຫາ​ດັ່ງ­ກ່າວ​ນີ້ ນະ­ຄອນ­ຫຼວງ​ວຽງ​ຈັນ ກໍ​ແມ່ນ​ຕົວ​ເມືອງ​ທີ່​ໄດ້​ຮັບ​ການ​ພັດ­ທະ­ນາ​ໃນ​ທຸກ​ດ້ານ ເຊິ່ງ​ເຮັດ​ໃຫ້​ຊີ­ວິດ​ການ​ເປັນ​ຢູ່ ຂອງ​ພໍ່​ແມ່​ປະ­ຊາ­ຊົນ​ບັນ­ດາ­ເຜົ່າ ໃນ​ຂອບ​ເຂດ 4 ຕົວ​ເມືອງ​ໃນ ໄດ້​ຮັບ​ການ​ປັບ­ປຸງ​ໃຫ້​ດີ​ຂຶ້ນ ສະ­ເລ່ຍ​ລາຍ​ຮັບ​ຕໍ່​ຫົວ​ຄົນ ແມ່ນ​ໄດ້​ຫຼາຍ​ລ້ານ​ກີບ​ຕໍ່​ປີ ຖ້າ​ເບິ່ງ​ລວມ​ແລ້ວ ແມ່ນ​ສາ­ມາດ​ລຶ­ບລ້າງ​ຄວາມ­ທຸກ​ຍາກ​ໄດ້​ໂດຍ​ພື້ນ­ຖານ ແຕ່​ຖ້າ​ເບິ່ງ​ໃນ​ຫຼາຍໆມູມ​ມອງ ຍັງ​ມີ​ຄົນ​ຈຳ­ນວນ​ຫຼາຍ​ທີ່​ຍັງ​ບໍ່​ມີ​ວຽກ​ເຮັດ​ງານ​ທຳ ຊີ­ວິດ​ການ​ເປັນ​ຢູ່​ບໍ່​ໄດ້​ຮັບ​ການ​ປັບ­ປຸງ ຕາມ​ການ​ພັດ­ທະ­ນາ​ຕົວ​ເມືອງ ຍ້ອນ​ຄົນ​ເຫຼົ່າ­ນັ້ນ ຍັງ​ມົວ­ເມົາ​ຫຼົງ​ໄປ​ໃນ​ທາງ​ທີ່​ບໍ່​ຄວນ ຫຼາຍໆ​ຄົນ​ຍັງ​ມີ​ຄວາມ​ຫວັງ​ເລື່ອນ­ລອຍ ອາ­ໄສ​ການ​ຫຼິ້ນ​ເບ້ຍ ເຈ້ຍ​ໄພ້ ຫຼິ້ນ​ເລກ ຫຼິ້ນ​ຫວຍ ແລະ ສິ່ງ​ອື່ນໆ​ທີ່​ບໍ່​ຖືກ​ກົດ­ໝາຍ ຊຶ່ງ​ສິ່ງ​ດັ່ງ­ກ່າວ​ນັ້ນ ລ້ວນ​ແຕ່​ບໍ່​ແມ່ນ​ອາ­ຊີບ​ທີ່​ໝັ້ນ­ຄົງ ແຕ່​ເຂົາ­ເຈົ້າ​ກໍ​ຍັງ​ພາ­ກັນ​ເຮັດ ເພື່ອ​ແລກ​ກັບ​ເງິນ​ຈຳ­ນວນ​ເລັກ​ໜ້ອຍ ບາງ​ຄັ້ງ​ກໍ​ຖືກ​ເຈົ້າ​ໜ້າ­ທີ່​ຈັບ​ກຸມ ຊຶ່ງ​ສິ່ງ​ດັ່ງ­ກ່າວ​ນັ້ນ ລ້ວນ​ແລ້ວ​ເປັນ​ບັນ­ຫາ​ໃຫ້​ແກ່​ການ​ລຶ­ບລ້າງ​ຄວາມ­ທຸກ​ຍາກ.</p> <p style="text-align: justify;"> ຕໍ່​ກັບ​ບັນ­ຫາ​ດັ່ງ­ກ່າວ ທ່ານ ຂັນ­ແກ້ວ ສຸດ­ທິ​ວົງ ນາຍ­ບ້ານ​ເມືອງ​ວາ​ທົ່ງ ກ່າວ​ວ່າ: ບ້ານ​ເມືອງ​ວາ​ທົ່ງ​ຂອງ​ພວກ​ຂ້າ­ພະ­ເຈົ້າ ຖື​ໄດ້​ວ່າ​ເປັນ​ໜຶ່ງ​ໃນ​ຈຳ­ນວນ​ຫຼາຍໆ​ບ້ານ ທີ່​ນອນ​ຢູ່​ໃນ​ເຂດ​ເທດ­ສະ­ບານ​ຂອງ​ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ປະ­ຊາ­ຊົນ​ພາຍ​ໃນ​ບ້ານ​ສ່ວນ​ຫຼາຍ ແມ່ນ​ມີ​ອາ­ຊີບ​ຄ້າ­ຂາຍ ຖ້າ​ເບິ່ງ​ໂດຍ​ລວມ​ແລ້ວ ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ພາຍ​ໃນ​ບ້ານ ແມ່ນ​ໄດ້​ຮັບ​ການ​ປັບ­ປຸງ​ດີ​ຂຶ້ນ ແຕ່​ກໍ​ຍັງ​ມີ​ບາງ​ຄອບ­ຄົວ ບາງ​ຄົນ​ທີ່​ຍັງ​ບໍ່​ມີ​ວຽກ​ເຮັດ​ງານ​ທຳ ບໍ່​ສາ­ມາດ​ສ້າງ​ລາຍ​ຮັບ​ໃຫ້​ແກ່​ຄອບ­ຄົວ ທັງໆ​ທີ່​ເຫື່ອ­ແຮງ​ຍັງ​ມີ ຈົນ​ກາຍ­ເປັນ​ຄອບ­ຄົວ​ທຸກ​ຍາກ ໃນ​ໄລ­ຍະ​ຜ່ານ​ມາ ກໍ​ໄດ້​ມີ​ຫຼາຍ​ພາກ­ສ່ວນ​ສະ­ເໜີ ເພື່ອ​ມາ​ຊ່ວຍ­ເຫຼືອ ແຕ່​ມາ​ເບິ່ງ​ຕົວ​ຈິງ​ແລ້ວ ເງື່ອນ­ໄຂ​ບໍ່​ສົມ​ກັບ​ໄດ້​ຮັບ​ການ​ຊ່ວຍ­ເຫຼືອ ເພາະ​ກຸ່ມ​ຄົນ​ດັ່ງ­ກ່າວ ບໍ່​ມີ​ຄວາມ​ກະ​ຕື​ລື​ລົ້ນ ເພື່ອ​ຊອກ​ຫາ​ວຽກ​ເຮັດ​ງານ​ທຳ ໃຊ້​ເວ­ລາ​ຫຼິ້ນ​ແຕ່​ການ​ພະ­ນັນ ຂີ້­ຄ້ານ​ມັກ­ງ່າຍ ບໍ່​ສົນ­ໃຈ​ກັບ​ຄຳ​ຕິ​ເຕືອນ​ຂອງ​ອຳ­ນາດ​ການ​ປົກ­ຄອງ​ບ້ານ ຍິ່ງ​ໄປ​ກ່ວ​າ​ນັ້ນ ຍັງ​ກາຍ­ເປັນ​ບັນ­ຫາ​ໃນ​ການ​ລຶ­ບລ້າງ​ຄວາມ­ທຸກ​ຍາກ​ພາຍ​ໃນ​ບ້ານ ທັງໆ​ທີ່​ບ້ານ​ຂອງ​ພວກ​ເຮົາ ຕັ້ງ​ຢູ່​ເຂດ​ເທດ­ສະ­ບານ​ເມືອງ ທີ່​ໄດ້​ຮັບ​ການ​ພັດ­ທະ­ນາ.</p> <p style="text-align: justify;"> <strong>ເມັດຝົນ</strong></p>

ຂ່າວທີ່ກ່ຽວຂ້ອງ