ຂ່າວຫຼ້າສຸດ

ການແກ້ໄຂຄວາມທຸກຍາກ ໄລຍະ 2 ຢູ່ແຂວງຫຼວງນ້ຳທາ

4.493 29 ມີ.ນ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ລະ­ຫວ່າງ​ຕົ້ນ​ເດືອນ​ມີ­ນາ 2011 ທີ່​ຜ່ານ​ມາ ທີ່​ສະ­ໂມ­ສອນ​ຂອງ​ເມືອງ​ລອງ ແຂວງ​ຫຼວງ​ນ້ຳ​ທາ ໄດ້​ມີ​ກອງ​ປະ­ຊຸມ​ປຶກ­ສາ​ຫາ­ລື ແລກ­ປ່ຽນ​ຄຳ​ຄິດ​ເຫັນ​ກ່ຽວ​ກັບ ທລຍ ໄລ­ຍະ​ທີ 2 ແຕ່​ປີ 2011-2015 ໂດຍ​ການ​ເປັນ​ປະ­ທານ​ຂອງ​ທ່ານ ບຸນ​ຈັນ ຫອມ​ກິ່ນ​ແກ້ວ ກຳ­ມະ­ການ​ປະ­ຈຳ​ພັກ​ເມືອງ ຮອງ​ເຈົ້າ­ເມືອງ ທ່ານ ຈິດ ທະ­ວີ​ໄສ ຮອງ​ຫົວ­ໜ້າ​ຫ້ອງ­ການ ຄະ­ນະ​ຊີ້​ນຳ​ພັດ­ທະ­ນາ​ຊົນ­ນະ­ບົດ ແລະ ລົບ​ລ້າງ​ຄວາມ­ທຸກ​ຍາກ​ແຫ່ງ​ຊາດ ຜູ້­ຕາງ­ໜ້າ​ຈາກ ທລຍ ຂັ້ນ​ສູນ​ກາງ ທີມ​ງານ​ຈາກ​ທະ­ນາ­ຄານ​ໂລກ ຜູ້­ຕາງ­ໜ້າ​ຈາກ​ອົງ­ການ​ຊ່ວຍ­ເຫຼືອ ຂອງ​ປະ­ເທດ​ສະ​ວິດ​ເຊີ​ແລນ ພ້ອມ​ດ້ວຍ​ພາກ­ສ່ວນ​ທີ່​ກ່ຽວ­ຂ້ອງ ຈາກ​ຂັ້ນ​ແຂວງ ແລະ ເມືອງ​ເຂົ້າ​ຮ່ວມ.</p> <p style="text-align: justify;"> ໃນ​ກອງ​ປະ­ຊຸມ ທ່ານ ສີ­ວິ­ໄລ ວໍ­ລະ​ຈັກ ຫົວ­ໜ້າ​ໜ່ວຍ​ງານ​ຕິດ­ຕາມ ແລະ ປະ​ເມີນ​ຜົນ​ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ ຂັ້ນ​ສູນ​ກາງ ໄດ້​ນຳ​ສະ­ເໜີ​ສະ­ພາບ​ລວມ ຂອງ​ວຽກ​ງານ​ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ ໃນ​ໄລ­ຍະ​ຜ່ານ​ມາ ເປັນ­ຕົ້ນ​ແມ່ນ​ຄວາມ​ເປັນ​ມາ​ຂອງ ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ​ບັນ­ດາ 3 ຈຸດ­ປະ­ສົງ​ໃຫຍ່ ແລະ 7 ຫຼັກ­ການ​ພື້ນ­ຖານ​ຂອງ ທລຍ ບາງ​ຜົນ­ສຳ­ເລັດ​ໃນ​ການ­ຈັດ­ຕັ້ງ​ປະ­ຕິ­ບັດ​ຂອງ ທລຍ ໃນ​ໄລ­ຍະ​ທີ 1 ຜ່ານ​ມາ ພ້ອມ​ນີ້​ກໍ​ໄດ້​ນຳ​ສະ­ເໜີ​ກ່ຽວ​ກັບ ຂອບ​ການ​ດຳ­ເນີນ​ໂຄງ­ການ​ຂັ້ນ​ຕອນ ແລະ ວິ­ທີ​ການ​ວາງ​ແຜນ​ຂອງ ທລຍ ໃນ​ໄລ­ຍະ​ທີ 2 ເຊິ່ງ​ຈະ​ໄດ້​ເລີ່ມ​ແຕ່​ປີ 2011-2015 ໂດຍ​ຈະ​ໄດ້​ນຳ​ໃຊ້​ທຶນ​ທັງ​ໝົດ 60 ລ້ານ​ກ່ວ​າ​ໂດ​ລາ​ສະ­ຫະ­ລັດ ເຊິ່ງ​ໃນ​ນີ້ ໄດ້​ຮັບ​ການ​ຊ່ວຍ­ເຫຼືອ​ຈາກ​ລັດ­ຖະ­ບານ ແຫ່ງ ສປປ ລາວ ທະ­ນາ­ຄານ​ໂລກ ອົງ­ການ​ເພື່ອ​ການ​ພັດ­ທະ­ນາ ແລະ ການ​ຮ່ວມ​ມື​ຂອງ​ປະ­ເທດ​ສະ​ວິດ​ເຊີ​ແລນ ອົງ­ການ​ຊ່ວຍ­ເຫຼືອ​ດ້ານ​ການ​ພັດ­ທະ­ນາ ຂອງ​ປະ­ເທດ​ອົດ​ສະ​ຕຣາ​ລີ ກອງ​ທຶນ​ເພື່ອ​ການ​ພັດ­ທະ­ນາ​ດ້ານ​ສັງ­ຄົມ ຂອງ​ປະ­ເທດ​ຍີ່­ປຸ່ນ ແລະ ພາກ­ສ່ວນ​ອື່ນໆ​ອີກ.</p> <p style="text-align: justify;"> ໂອ­ກາດ​ນີ້ ຜູ້​ເຂົ້າ​ຮ່ວມ​ກອງ​ປະ­ຊຸມ ກໍ​ໄດ້​ພ້ອມ​ກັນ​ປະ­ກອບ​ຄຳ​ຄິດ​ຄຳ​ເຫັນ ຍົກ​ເອົາ​ດ້ານ​ອ່ອນ ແລະ ຂໍ້­ຄົງ­ຄ້າງ​ໃນ​ໄລ­ຍະ​ຜ່ານ​ມາ ເພື່ອ​ພ້ອມ​ກັນ​ຊອກ​ຫາ​ວິ­ທີ ປັບ­ປຸງ​ແກ້​ໄຂ​ໃຫ້​ດີ​ຂຶ້ນ​ໃນ­ຕໍ່­ໜ້າ ເປັນ­ຕົ້ນ​ແມ່ນ​ໃນ 4 ຂະ­ແໜງ­ການ​ຫຼັກ ຄື: ສຶກ​ສາ ສາ­ທາ­ລະ­ນະ​ສຸກ ກະ­ສິ­ກຳ-ປ່າ­ໄມ້ ແລະ ໂຍ­ທາ​ທິ​ການ-ຂົນ­ສົ່ງ.</p> <p style="text-align: justify;"> ຕອນ​ທ້າຍ​ກອງ​ປະ­ຊຸມ ທ່ານ ບຸນ​ຈັນ ຫອມ​ກິ່ນ​ແກ້ວ ກໍ​ໄດ້​ສະ­ແດງ​ຄວາມ​ຍ້ອງ­ຍໍ​ຊົມ­ເຊີຍ ຕໍ່​ກັບ​ຜົນ­ສຳ­ເລັດ​ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ ທລຍ ຢູ່​ພາຍ​ໃນ​ເມືອງ​ລອງ ໄລ­ຍະ​ຜ່ານ​ມາ ເຊິ່ງ​ເປັນ​ໄລ­ຍະ​ສືບ­ຕໍ່ 3 ປີ ແຕ່​ປີ 2009-2011 ສຳ­ເລັດ​ແລ້ວ 2 ຮອບ​ວຽນ ຄື: ຮອບ​ວຽນ​ທີ 6 ແລະ ຮອບ​ວຽນ​ທີ 7 ສ່ວນ​ຮອບ​ວຽນ​ທີ 8 ສົກ​ປີ 2010-2011 ແມ່ນ​ກຳ­ລັງ​ຈັດ​ຕັ້ງ​ປະ­ຕິ­ບັດ ໂດຍ​ມີ 9 ກຸ່ມ​ບ້ານ ມີ 70 ບ້ານ ພົນ­ລະ­ເມືອງ 33 ພັນ​ກ່ວ​າ​ຄົນ​ໄດ້​ຮັບ​ຜົນ​ປະ­ໂຫຍດ.</p> <p style="text-align: justify;"> ທ່ານ ບຸນ​ຈັນ ໄດ້​ກ່າວ​ເນັ້ນ​ຕື່ມ​ວ່າ: ຫວັງ​ຢ່າງ​ຍິ່ງ​ວ່າ ການ­ຈັດ­ຕັ້ງ​ປະ­ຕິ­ບັດ​ວຽກ​ງານ ທລຍ ໃນ​ໄລ­ຍະ​ທີ 2 ແຕ່​ປີ (2011-2015) ພາກ­ສ່ວນ​ຕ່າງໆ​ທີ່​ກ່ຽວ­ຂ້ອງ ຈະ​ພ້ອມ​ກັນ​ສຸມ​ໃສ່​ຈັດ​ຕັ້ງ​ປະ­ຕິ­ບັດ ໃຫ້​ສຳ­ເລັດ​ຕາມ​ລະ­ດັບ​ຄາດ­ໝາຍ.</p> <p style="text-align: justify;"> <strong>ໂດຍ: ທລຍ ຫຼວງ​ນ້ຳ​ທາ</strong></p>

ຂ່າວທີ່ກ່ຽວຂ້ອງ