ຂ່າວຫຼ້າສຸດ

ທະນາຄານໂລກ ແລະ ອົງການສາກົນ ໃຫ້ທຶນແກ້ໄຂຄວາມທຸກຍາກ

4.417 28 ມີ.ນ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ໃນ​ໄລ­ຍະ​ຜ່ານ​ມາ ທະ­ນາ­ຄານ​ໂລກ ອົງ­ການ​ຮ່ວມ​ມື​ເພື່ອ​ການ​ພັດ­ທະ­ນາ​ປະ­ເທດ ສະ​ວິດ​ເຊີ​ແລນ ແລະ ອົງ­ການ​ຜູ້​ໃຫ້​ທຶນ​ອື່ນໆ ໄດ້​ສະ­ໜັບ­ສະ­ໜູນ​ຊ່ວຍ­ເຫຼືອ​ດ້ານ​ທຶນ­ຮອນ ເພື່ອ​ລຶ­ບລ້າງ​ຄວາມ­ທຸກ​ຍາກ ຂອງ​ປະ­ຊາ­ຊົນ​ລາວ​ບັນ­ດາ­ເຜົ່າ ເປັນ​ເງິນ​ຈຳ­ນວນ 40 ລ້ານ​ໂດ​ລາ​ສະ­ຫະ­ລັດ ໂດຍ​ແບ່ງ​ອອກ​ເປັນ​ສອງ​ໄລ­ຍະ ຄື: ໄລ­ຍະ​ເງິນ​ກູ້​ດອກ​ເບ້ຍ​ຕ່ຳ ຈາກ​ທະ­ນາ­ຄານ​ໂລກ ຈຳ­ນວນ 19,3 ລ້ານ​ໂດ​ລາ ແລະ ໄລ­ຍະ​ກະ­ກຽມ​ໂຄງ­ການ​ສືບ­ຕໍ່​ຊ່ວຍ­ເຫຼືອ​ລ້າ ຈຳ­ນວນ 21,2 ລ້ານ​ໂດ​ລາ ໃນ​ນີ້​ຈາກ​ທະ­ນາ­ຄານ​ໂລກ 15 ລ້ານ​ໂດ​ລາ ແລະ ບັນ­ດາ​ອົງ­ການ​ຮ່ວມ​ມື​ປະ­ເທດ​ສະ​ວິດ​ເຊີ​ແລນ 6,2 ລ້ານ​ໂດ​ລາ​ສະ­ຫະ­ລັດ.</p> <p style="text-align: justify;"> ໂຄງ­ການ​ແກ້​ໄຂ​ຄວາມ­ທຸກ​ຍາກ​ດັ່ງ­ກ່າວ ແມ່ນ​ໄດ້​ນຳ​ໃຊ້​ຮູບ​ແບບ​ການ​ພັດ­ທະ­ນາ ທີ່​ມີ​ສ່ວນ​ຮ່ວມ​ຂອງ​ປະ­ຊາ­ຊົນ ຕິດ­ຕາມ​ການ​ແບ່ງ​ຂັ້ນ​ຄຸ້ມ​ຄອງ ທີ່​ຖື​ເອົາ​ບ້ານ​ເປັນ​ຫົວ­ໜ່ວຍ​ຈັດ​ຕັ້ງ​ປະ­ຕິ­ບັດ ໂດຍ​ສຸມ​ໃສ່​ພັດ­ທະ­ນາ ພື້ນ­ຖານ​ໂຄງ​ລ່າງ​ບໍ­ລິ­ຫານ​ລັດ​ໃຫ້​ແກ່​ຊຸມ​ຊົນ ໄປ​ຄຽງ​ຄູ່​ກັບ​ການ​ສ້າງ​ຄວາມ​ເຂັ້ມ­ແຂງ ໃຫ້​ແກ່​ອຳ­ນາດ​ການ​ປົກ­ຄອງ​ທ້ອງ­ຖິ່ນ ພ້ອມ​ທັງ​ສ້າງ​ຂີດ​ຄວາມ​ສາ­ມາດ ແລະ ມອບ​ສິດ​ໃຫ້​ຊຸມ​ຊົນ​ແຕ່​ຫົວ­ທີ​ໂລດ ໃນ​ການ​ວາງ​ແຜນ​ຕັດ­ສິນ ຈັດ​ຕັ້ງ​ປະ­ຕິ­ບັດ ແລະ ຄຸ້ມ​ຄອງ.</p> <p style="text-align: justify;"> ພາຍ­ຫຼັງ​ຈັດ​ຕັ້ງ​ປະ­ຕິ­ບັດ ໂຄງ­ການ​ແກ້​ໄຂ​ຄວາມ­ທຸກ​ຍາກ ເຫັນ​ວ່າ ສາ­ມາດ​ເຮັດ​ໃຫ້ 28 ເມືອງ​ຂອງ 6 ແຂວງ ຄື: ຫົວ­ພັນ ຫຼວງ​ນ້ຳ​ທາ ຊຽງ​ຂວາງ ສະ­ຫວັນ​ນະ​ເຂດ ສາ­ລະ​ວັນ ແລະ ອັດ​ຕະ​ປື ໄດ້​ຮັບ​ການ​ພັດ­ທະ­ນາ​ເປັນ​ລຳ­ດັບ​ມາ ສ່ວນ​ດ້ານ​ພື້ນ­ຖານ​ໂຄງ​ລ່າງ​ຢູ່​ຊົນ­ນະ­ບົດ ກໍ​ໄດ້​ຮັບ​ການ​ກໍ່­ສ້າງ ແລະ ສ້ອມ­ແປງ​ຄືນ­ໃໝ່ ເຊິ່ງ​ມີ​ຫຼາຍ​ກ່ວ​າ 900.000 ຄົນ ໃນ 2.000 ກ່ວ​າ​ບ້ານ ທີ່​ໄດ້​ຮັບ​ຜົນ​ປະ­ໂຫຍດ​ໂດຍ​ກົງ ແລະ ທາງ​ອ້ອມ​ຈາກ​ໂຄງ­ການ ອັນ​ໄດ້​ເຮັດ​ໃຫ້​ມີ​ເສັ້ນ­ທາງ ທະ­ລຸ​ເຂົ້າ​ຫາ​ບ້ານ​ແຕ່​ລະ​ບ້ານ ໃນ​ເຂດ​ຫ່າງ​ໄກ​ສອກ­ຫຼີກ ທັງ​ເປັນ​ການ​ເປີດ​ກ້ວ​າງ​ການ​ຈໍ​ລະ​ຈອນ​ສິນ­ຄ້າ ເປີດ​ກ້ວ​າງ​ການ​ຜະ­ລິດ​ກັບ​ຕະ­ຫຼາດ ການ​ຕິດ​ຈອດ​ລະ­ຫວ່າງ​ບ້ານ​ຕໍ່​ບ້ານ ແລະ ບ້ານ​ຕໍ່​ເມືອງ ທັງ​ເປັນ​ການ​ສ້າງ​ເງື່ອນ­ໄຂ ໃຫ້​ແກ່​ການ​ດຳ­ລົງ​ຊີ­ວິດ​ຂອງ​ປະ­ຊາ­ຊົນ​ໃນ​ເຂດ​ດັ່ງ­ກ່າວ ນັບ​ມື້​ນັບ​ດີ​ຂຶ້ນ.</p> <p style="text-align: justify;"> ນອກ­ຈາກ​ນີ້ ດ້ານ​ສຸກ­ສາ­ລາ ໂຮງ­ຮຽນ​ປະ­ຖົມ ມັດ­ທະ­ຍົມ ຄູ ແພດ​ທ້ອງ­ຖິ່ນ ນ້ຳ​ລິນ ຕະ­ຫຼາດ​ຊຸມ​ຊົນ ວັງ​ສະ­ຫງວນ ປ່າ​ສະ­ຫງວນ ກຸ່ມ​ທ້ອນ ການ​ເຝິກ­ອົບ­ຮົມ ກິດ­ຈະ­ກຳ​ສ້າງ​ລາຍ​ຮັບ ເຊິ່ງ​ທັງ​ໝົດ​ເຫຼົ່າ​ນີ້ ໄດ້​ເປັນ​ເງື່ອນ­ໄຂ​ພື້ນ­ຖານ​ອັນ​ດີ ໃຫ້​ແກ່​ການ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ.</p>

ຂ່າວທີ່ກ່ຽວຂ້ອງ