ຂ່າວຫຼ້າສຸດ

ທລຍ ແຂວງຊຽງຂວາງ ກຽມວຽກງານໄລຍະ 2

4.410 27 ມີ.ນ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ທ້າຍ​ເດືອນ​ກຸມ­ພາ 2011 ທີ່​ຜ່ານ​ມາ ຢູ່​ທີ່​ຫ້ອງ​ວ່າ­ການ​ປົກ­ຄອງ​ແຂວງ​ຊຽງ​ຂວາງ ໄດ້​ຈັດ​ກອງ​ປະ­ຊຸມ​ປະ­ກອບ​ຄຳ​ເຫັນ​ກ່ຽວ​ກັບ​ວຽກ​ງານ ທລຍ ໄລ­ຍະ​ສອງ ໂດຍ​ມີ​ທ່ານ ຄຳ​ປ່ຽນ ສີ​ນວນ​ທອງ ຮອງ​ເຈົ້າ­ແຂວງ​ຊຽງ​ຂວາງ ກຳ­ມະ­ການ​ສະ­ພາ​ບໍ­ລິ­ຫານ ທລຍ ທັງ​ເປັນ​ຜູ້​ຊີ້​ນຳ​ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ​ຂັ້ນ​ແຂວງ ໃນ​ກອງ​ປະ­ຊຸມ​ມີ​ຜູ້​ເຂົ້າ​ຮ່ວມ​ທັງ​ໝົດ 45 ທ່ານ ຍິງ 7 ທ່ານ ເຊິ່ງ​ມາ​ຈາກ​ຫຼາຍ​ພາກ­ສ່ວນ ຄື: ຕາງ­ໜ້າ​ຫ້ອງ­ການ​ຄະ­ນະ​ພັດ­ທະ­ນາ​ຊົນ­ນະ­ບົດ ແລະ ລຶ­ບລ້າງ​ຄວາມ­ທຸກ​ຍາກ​ແຫ່ງ​ຊາດ ຫ້ອງ­ການ ທລຍ ສູນ​ກາງ ທລຍ ແຂວງ ທລຍ ເມືອງ ຫົວ­ໜ້າ ຮອງ​ຫົວ­ໜ້າ​ກໍ່­ສ້າງ​ຮາກ​ຖານ ແຂວງ​ຫຼວງ​ພະ​ບາງ ບໍ​ລິ​ຄຳ​ໄຊ ຫົວ­ພັນ  ຊຽງ​ຂວາງ ແລະ ບັນ­ດາ​ພະ­ແນກ­ການ​ອ້ອມ​ຂ້າງ​ແຂວງ ເຈົ້າ­ເມືອງ ຮອງ​ເຈົ້າ­ເມືອງ ກໍ່­ສ້າງ​ຮາກ​ຖານ​ຂັ້ນ​ເມືອງ​ມາ​ຈາກ 4 ເມືອງ ຄື: ເມືອງ​ໜອງ​ແຮດ ຄູນ ທ່າ​ໂທມ ແລະ ເມືອງ​ໝອກ.</p> <p style="text-align: justify;"> ໃນ​ກອງ​ປະ­ຊຸມ ທລຍ ສູນ​ກາງ​ໄດ້​ທົບ​ທວນ­ຄືນ​ກ່ຽວ​ກັບ​ຈຸດ­ປະ­ສົງ 7 ຫຼັກ­ການ​ຂອງ ທລຍ ລາຍ​ງານ​ວຽກ​ງານ​ການ­ຈັດ­ຕັ້ງ​ປະ­ຕິ­ບັດ ທລຍ ແຕ່​ໃນ​ໄລ­ຍະ​ເລີ່ມ​ຕົ້ນ ຈົນ​ຮອດ​ປັດ­ຈຸ­ບັນ ໃນ​ນັ້ນ ກອງ​ປະ­ຊຸມ​ໄດ້​ປຶກ­ສາ​ຫາ­ລື​ນຳ​ກັນ ກ່ຽວ​ກັບ​ການ​ເປັນ​ເອ­ກະ​ພາບ​ກັນ ເລື່ອງ​ການ​ຄັດ​ເລືອກ​ເອົາ​ກຸ່ມ​ບ້ານ ເມືອງ​ທີ່ ທລຍ ຈະ​ສືບ­ຕໍ່​ໃຫ້​ທຶນ​ສະ­ໜັບ­ສະ­ໜູນ ໃນ​ການ­ຈັດ­ຕັ້ງ​ປະ­ຕິ­ບັດ​ໃນ​ໄລ­ຍະ​ທີ​ສອງ ເຊັ່ນ: ແຂວງ​ຊຽງ​ຂວາງ ແມ່ນ​ມີ 3 ເມືອງ ຄື: ເມືອງ​ໜອງ​ແຮດ ທ່າ​ໂທມ ແລະ ເມືອງ​ໝອກ (ສຳ­ລັບ​ເມືອງ​ໝອກ​ເປັນ​ເມືອງ​ທີ່​ເພີ່ມ​ໃໝ່) ເມືອງ​ຄູນ​ແມ່ນ​ທາງ ທລຍ ສູນ​ກາງ ຈະ​ນຳ​ເອົາ​ໄປ​ພິ­ຈາ­ລະ­ນາ​ອີກ ແລ້ວ​ຈະ​ໃຫ້​ຄຳ​ຕອບ​ພາຍ­ຫຼັງ​ການ​ຄົ້ນ​ຄ້ວ​າ​ຢູ່​ສູນ​ກາງ ແຂວງ​ຫຼວງ​ພະ​ບາງ ແມ່ນ​ມີ 5 ເມືອງ ແຂວງ​ຫົວ­ພັນ ມີ 5 ເມືອງ ແລະ ແຂວງ​ບໍ​ລິ​ຄຳ​ໄຊ ມີ 2 ເມືອງ.</p> <p style="text-align: justify;"> ສຳ­ລັບ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ໄລ­ຍະ​ສອງ ຈະ​ໄດ້​ປະ­ກອບ​ມີ​ທຶນ​ຊ່ວຍ­ເຫຼືອ​ລ້າ​ຈາກ​ຫຼາຍ​ພາກ­ສ່ວນ ເຊັ່ນ: ລັດ­ຖະ­ບານ 10 ລ້ານ​ໂດ​ລາ ທະ­ນາ­ຄານ​ໂລກ 25 ລ້ານ​ໂດ​ລາ ອົງ­ການ​ຊ່ວຍ­ເຫຼືອ​ດ້ານ​ການ​ພັດ­ທະ­ນາ​ຂອງ​ປະ­ເທດ​ອົດ​ສະ​ຕຣາ​ລີ 12 ລ້ານ​ໂດ​ລາ ອົງ­ການ​ເພື່ອ​ການ​ພັດ­ທະ­ນາ ແລະ ຮ່ວມ​ມື​ຂອງ​ປະ­ເທດ​ສະ​ວິດ​ເຊີ​ແລນ 10 ລ້ານ​ໂດ​ລາ ແລະ ກອງ​ທຶນ​ເພື່ອ​ການ​ພັດ­ທະ­ນາ​ດ້ານ​ສັງ­ຄົມ​ຂອງ​ປະ­ເທດ​ຍີ່­ປຸ່ນ 2,6 ກ່ວ​າ​ລ້ານ​ໂດ​ລາ ລວມ​ທຶນ​ທັງ​ໝົດ 59,6 ກ່ວ​າ​ລ້ານ​ໂດ​ລາ​ສະ­ຫະ­ລັດ ທຶນ​ດັ່ງ­ກ່າວ ແມ່ນ​ຈະ​ສຸມ​ໃສ່ 14 ແຂວງ 43 ເມືອງ 295 ກຸ່ມ​ບ້ານ​ໃຫ້​ປະ­ກົດ​ຜົນ​ເປັນ​ຈິງ.</p> <p style="text-align: justify;"> <strong>ໂດຍ: ທລຍ ຊຽງ​ຂວາງ</strong></p>

ຂ່າວທີ່ກ່ຽວຂ້ອງ