ຂ່າວຫຼ້າສຸດ

ປີຜ່ານມານະຄອນຫຼວງ ແກ້ໄຂຄວາມທຸກຍາກໄດ້ 172 ຄອບຄົວ

3.338 18 ມີ.ນ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ການ​ກໍ່­ສ້າງ​ຮາກ​ຖານ​ສ້າງ​ບ້ານ ແລະ ກຸ່ມ​ບ້ານ​ພັດ­ທະ­ນາ ຢູ່​ນະ­ຄອນ­ຫຼວງ​ວຽງ​ຈັນ ແມ່ນ​ໄດ້​ສຸມ​ໃສ່​ປະ­ຕິ­ບັດ 4 ເນື້ອ​ໃນ 4 ຄາດ­ໝາຍ ຕາມ​ຄຳ​ສັ່ງ​ເລກ​ທີ 09 ຂອງ​ກົມ​ການ­ເມືອງ​ສູນ​ກາງ​ພັກ ຄຳ​ຂວັນ 6 ສ ມະ­ຕິ 226 ຂອງ​ຄະ­ນະ​ປະ­ຈຳ​ພັກ​ນະ­ຄອນ­ຫຼວງ​ວຽງ​ຈັນ.</p> <p style="text-align: justify;"> ສົກ​ປີ 2009-2010 ຜ່ານ​ມາ ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ດັ່ງ­ກ່າວ ຢູ່​ນະ­ຄອນ­ຫຼວງ​ວຽງ​ຈັນ ແມ່ນ​ໄດ້​ຮັບ​ຜົນ­ສຳ­ເລັດ​ຫຼາຍ​ຂົງ­ເຂດ​ວຽກ​ງານ ໃນ​ນັ້ນ​ກໍ​ມີ​ຂົງ­ເຂດ​ເສດ­ຖະ­ກິດ​ຄື: ໄດ້​ເອົາ­ໃຈ­ໃສ່​ຍູ້​ຂະ​ບວນ​ການ​ປະ­ຕິ­ບັດ​ຕົວ​ເລກ​ຄາດ­ໝາຍ ລຶ­ບລ້າງ​ຄວາມ­ທຸກ​ຍາກ​ຂອງ​ສະ­ຫັດ​ສະ​ວັດ ແຕ່ 2011-2015 ໂດຍ​ສະ­ເພາະ​ແມ່ນ ສຸມ​ໃສ່​ແກ້​ໄຂ​ຄວາມ­ທຸກ​ຍາກ​ໃຫ້​ໄດ້​ຕາມ​ມາດ­ຖານ​ດຳ­ລັດ 285 ຂອງ​ທ່ານ​ນາ­ຍົກ­ລັດ­ຖະ­ມົນ­ຕີ​ວາງ​ອອກ ໂດຍ​ສະ­ເພາະ​ແມ່ນ ສຸມ​ໃສ່​ແກ້​ໄຂ​ຄອບ­ຄົວ​ທຸກ​ຍາກ 278 ຄອບ­ຄົວ ທີ່​ມີ​ຢູ່​ໃນ​ນະ­ຄອນ­ຫຼວງ​ດ້ວຍ​ຫຼາຍ​ວິ­ທີ​ການ ເປັນ­ຕົ້ນ​ຍູ້​ຂະ​ບວນ​ການ​ສ້າງ​ເສດ­ຖະ­ກິດ​ຄອບ­ຄົວ ໃຫ້​ກາຍ­ເປັນ​ສິນ­ຄ້າ​ຕົ້ນ­ຕໍ ແມ່ນ​ສຸມ​ໃສ່​ການ​ຜະ­ລິດ​ດ້ານ​ກະ­ສິ­ກຳ ປູກ­ຝັງ ລ້ຽງ­ສັດ ຫັດ­ຖະ­ກຳ ການ​ອົບ­ຮົມ​ວິ­ຊາ​ຊີບ ອົບ­ຮົມ​ເຕັກ­ນິກ​ວິ­ທະ­ຍາ­ສາດ​ໃຫ້​ຜູ້​ຜະ­ລິດ ແລະ ຄອບ­ຄົວ​ທຸກ​ຍາກ ການ​ປຸງ​ແຕ່ງ​ຈາກ​ກະ­ສິ­ກຳ​ໃຫ້​ກາຍ­ເປັນ​ສິນ­ຄ້າ ການ­ຈັດ­ຕັ້ງ​ກຸ່ມ​ການ​ຜະ­ລິດ ການ​ຈັດ​ຫາ​ຕະ­ຫຼາດ ການ​ຊອກ​ວຽກ​ເຮັດ​ງານ​ທຳ​ໃຫ້​ແກ່​ຜູ້​ວ່າງ​ງານ ແລະ ຜູ້​ທຸກ​ຍາກ ບັນ­ດາ​ເມືອງ​ຕ່າງໆ ໄດ້​ສົມ­ທົບ​ກັບ​ໂຮງ​ຈັກ ໂຮງ­ງານ ສົມ­ທົບ​ກັບ​ຄະ­ນະ​ພັກ ອຳ­ນາດ​ການ​ປົກ­ຄອງ​ບ້ານ ເພື່ອ​ເກັບ​ກຳ​ຂໍ້​ມູນ​ຜູ້​ທີ່​ທຸກ​ຍາກ ແລະ ຜູ້​ວ່າງ​ງານ ເພື່ອ​ຮັບ​ເຂົ້າ​ເຮັດ​ວຽກ​ຢູ່​ໂຮງ​ຈັກ ໂຮງ­ງານ ຕາມ​ຄວາມ​ເໝາະ​ສົມ​ຂອງ​ແຕ່­ລະ­ຄົນ ສົມ­ທົບ​ກັບ​ນັກ­ທຸ­ລະ­ກິດ ເພື່ອ​ຊ່ວຍ­ເຫຼືອ​ໃນ​ການ​ລົງ­ທຶນ​ໃສ່​ການ​ຜະ­ລິດ ດ້ານ​ການ​ຕະ­ຫຼາດ ແລະ ອື່ນໆ ພ້ອມ​ກັນ​ນີ້ ຄະ­ນະ​ພັກ ແລະ ອຳ­ນາດ​ການ​ປົກ­ຄອງ​ນະ­ຄອນ­ຫຼວງ ໄດ້​ຖື​ເປັນ​ສຳ­ຄັນ​ໃນ​ການ​ເຮັດ​ວຽກ​ງານ​ການ­ເມືອງ-ແນວ​ຄິດ ໃຫ້​ຄອບ­ຄົວ​ທຸກ​ຍາກ ໃຫ້​ເຂົາ­ເຈົ້າ​ຮັບ​ຮູ້ ແລະ ເຂົ້າ­ໃຈ​ສ້າງ​ຄວາມ​ເຂັ້ມ­ແຂງ​ດ້ວຍ​ຕົນ​ເອງ ທາງ​ດ້ານ​ຈິດ­ໃຈ ແລະ ທຶນ­ຮອນ ເພື່ອ​ແກ້​ໄຂ​ຄວາມ­ທຸກ​ຍາກ ຈຶ່ງ​ຈະ​ມີ​ຄວາມ​ຍືນ​ຍົງ ຄຽງ​ຄູ່​ກັນ​ນີ້ ກໍ​ໄດ້​ຊ່ວຍ­ເຫຼືອ​ວັດ­ຖຸ ແລະ ທຶນ​ຈຳ­ນວນ​ໜຶ່ງ ໃຫ້​ແກ່​ຄອບ­ຄົວ​ທຸກ​ຍາກ ເພື່ອ​ປຸກ​ສ້າງ​ເຮືອນ​ຢູ່ ໄດ້​ແກ້​ໄຂ​ຄອບ­ຄົວ​ຖາງ​ປ່າ​ເຮັດ​ໄຮ່​ສຳ­ເລັດ 75 ຄອບ­ຄົວ ໄດ້​ປະ­ກາດ​ການ​ຖາງ​ປ່າ​ເຮັດ​ໄຮ່​ແບບ​ເລື່ອນ­ລອຍ ສຳ­ເລັດ 37 ບ້ານ ຈັດ​ສັນ​ພູມ­ລຳ­ເນົາ ບ່ອນ​ທຳ​ມາ​ຫາ​ກິນ ອາ­ຊີບ​ຄົງ​ທີ່​ຖາ­ວອນ ໃຫ້​ປະ­ຊາ­ຊົນ​ເມືອງ​ສັງ​ທອງ 537 ຄອບ­ຄົວ ໄດ້​ຊຸກ­ຍູ້​ປູກ​ພືດ​ຜັກ​ປອດ​ສານ­ພິດ ໃຫ້​ກາຍ­ເປັນ​ສິນ­ຄ້າ ມີ 20 ກຸ່ມ 239 ຄອບ­ຄົວ ສາ­ມາດ​ສົ່ງ​ຂາຍ​ອອກ​ຕ່າງ­ປະ­ເທດ.</p> <p style="text-align: justify;"> ໄດ້​ສ້າງ​ເສັ້ນ­ທາງ​ໃຫ້​ກຸ່ມ​ທີ່​ທຸກ​ຍາກ​ຢູ່​ເມືອງ​ສັງ​ທອງ ເພື່ອ​ສາ­ມາດ​ທຽວ​ໄດ້ 2 ລະ­ດູ (ແຕ່​ບ້ານ​ຫ້ວຍ​ລ້າ ຫາ​ບ້ານ​ຊໍ້ ມີ​ຄວາມ​ຍາວ 15.100 ແມັດ ກ້ວ​າງ 5 ແມັດ ມູນ​ຄ່າ 538 ລ້ານ​ກີບ ໄດ້​ເອົາ​ໄຟ­ຟ້າ​ເຂົ້າ​ບ້ານ​ໃຫ້​ປະ­ຊາ­ຊົນ​ຢູ່​ກຸ່ມ​ບ້ານ​ຊໍ້ ມາ​ເຖິງ​ປັດ­ຈຸ­ບັນ ທຸກ​ຄອບ­ຄົວ​ແມ່ນ​ໄດ້​ນຳ​ໃຊ້​ໄຟ­ຟ້າ ໄດ້​ປະ­ກາດ​ບ້ານ​ຢຸດ­ຕິ​ການ​ຖາງ​ປ່າ​ເຮັດ​ໄຮ່ ຢູ່​ເມືອງ​ສັງ​ທອງ​ສຳ­ເລັດ​ແລ້ວ 31 ບ້ານ​ຂອງ 4 ກຸ່ມ ແລະ ກຳ­ລັງ​ກະ­ກຽມ​ປະ­ກາດ​ອີກ 1 ກຸ່ມ.</p> <p style="text-align: justify;"> ໃນ​ໜຶ່ງ​ປີ­ຜ່ານ­ມາ ນະ­ຄອນ­ຫຼວງ​ສາ­ມາດ​ແກ້​ໄຂ​ຄອບ­ຄົວ​ທຸກ​ຍາກ​ໄດ້ 172 ຄອບ­ຄົວ ຍັງ 174 ຄອບ­ຄົວ ທຽບ​ກັບ​ມາດ­ຖານ 285/ນຍ (ມີ​ຈຳ­ນວນ​ພົນ 1.134 ຄົນ) ຖ້າ​ທຽບ​ກັບ​ຄາດ­ໝາຍ​ສະ­ຫັດ​ສະ​ວັດ ອັດ­ຕາ​ສ່ວນ​ຄົນ​ທຸກ​ຍາກ​ແມ່ນ​ບໍ່​ໃຫ້​ເກີນ 24% ຂອງ​ພົນ­ລະ­ເມືອງ​ທັງ​ໝົດ ສະ­ນັ້ນ ສຳ­ລັບ​ນະ­ຄອນ­ຫຼວງ​ວຽງ​ຈັນ ມາ​ເຖິງ​ປັດ­ຈຸ­ບັນ ອັດ­ຕາ​ສ່ວນ​ຄົນ​ທີ່​ທຸກ​ຍາກ​ຍັງ​ເຫຼືອ​ພຽງ​ແຕ່ 0,15% ຂອງ​ພົນ­ລະ­ເມືອງ​ທັງ​ໝົດ 743.467 ຄົນ ແລະ ມາ​ເຖິງ​ປັດ­ຈຸ­ບັນ ນະ­ຄອນ­ຫຼວງ​ກຳ­ລັງ​ກະ­ກຽມ​ປະ­ກາດ​ເມືອງ​ສັງ​ທອງ ເປັນ​ເມືອງ​ຫຼຸດ​ພົ້ນ​ອອກ​ຈາກ​ເມືອງ​ທຸກ​ຍາກ.</p>

ຂ່າວທີ່ກ່ຽວຂ້ອງ