ຂ່າວຫຼ້າສຸດ

ຄູສອນຜູ້ຫ້າວຫັນ

2.667 16 ມີ.ນ. 2011 ສຶກສາ
ຄູສອນຜູ້ຫ້າວຫັນ

<p style="text-align: justify;"> ຄຳ​ວ່າ <strong>ຄູ​ສອນ​ຜູ້​ຫ້າວ­ຫັນ ຫຼື​ວ່າ​ຜູ້​ດຸ­ໝັ່ນ </strong>ຟັງ​ແລ້ວ​ຄື​ທຳ​ມະ​ດາ ແຕ່​ໃນ​ຄວາມ​ເປັນ​ຈິງ ຄູ-ອາ­ຈານ ຈຳ­ນວນ​ຫຼວງ­ຫຼາຍ ແມ່ນ​ລ້ວນ​ແຕ່​ຫ້າວ­ຫັນ ດຸ­ໝັ່ນ ອົດ­ທົນ ຕ່າງ​ແຕ່​ວ່າ​ຈະ​ສະ­ແດງ​ອອກ​ທາງ​ດ້ານ​ໃດ​ດ້ານ​ໜຶ່ງ ອາດ​ຈະ​ເປັນ​ການ​ຄົ້ນ​ຄ້ວ​າ​ຮ່ຳ­ຮຽນ ການ​ຊອກ​ຢູ່​ທຳ​ກິນ ເຮັດ​ການ​ຜະ­ລິດ ສ້າງ​ເສດ­ຖະ­ກິດ​ຄອບ­ຄົວ ແລະ ອື່ນໆ ແຕ່​ສິ່ງ​ຈະ​ຍົກ​ມາ​ເປັນ​ແບບ­ຢ່າງ​ໃນ​ບົດ​ນີ້ ພັດ​ແຕກ​ຕ່າງ​ຈາກ​ຄູ​ຄົນ​ອື່ນໆ.</p> <p style="text-align: justify;"> ທ່ານ​ນາງ ສາຍ​ຄຳ ສຸ­ວັນ­ນະ​ກຸມ­ມານ ອາ­ຈານ​ສອນ​ວິ­ຊາ​ເຄ​ມີ​ສາດ​ຊັ້ນ ມໍ4 ໂຮງ­ຮຽນ​ມັດ­ທະ­ຍົມ​ສຶກ​ສາ​ສົມ­ບູນ​ນາ​ວົງ ເມືອງ​ປາກ​ງື່ມ ນະ­ຄອນ­ຫຼວງ​ວຽງ​ຈັນ ເຊິ່ງ​ເປັນ​ແບບ­ຢ່າງ​ຄູ​ຜູ້​ຫ້າວ­ຫັນ​ທີ່​ຜູ້​ຂຽນ​ໄດ້​ໄປ​ພົບ­ພໍ້ ສຳ­ພາດ​ຕົວ​ຈິງ​ຢູ່​ເຮືອນ​ຂອງ​ຄູ​ສາຍ​ຄຳ​ເອງ ເຊິ່ງ​ໃນ​ເບື້ອງ​ຕົ້ນ​ກໍ​ບໍ່​ໄດ້​ຮູ້​ວ່າ​ເພິ່ນ​ເປັນ​ຄູ​ສອນ ເພາະ​ເດີນ­ທາງ​ໄປ​ບ້ານ​ທ່າ​ຊ້າງ​ໃນ​ວັນ​ເສົາ ກໍ​ເລີຍ​ເຫັນ​ເພິ່ນ​ນັ່ງ​ຕ່ຳ­ຫູກ​ຢູ່​ບ້ານ ແຕ່​ພໍ­ໄດ້​ຖາມ​ເຖິງ​ທີ່​ໄປ​ທີ່​ມາ ກໍ​ເລີຍ​ຮູ້​ວ່າ ເພິ່ນ​ເປັນ​ຄູ​ສອນ​ມາ​ໄດ້​ສອງ​ປີ​ແລ້ວ ພາຍ­ຫຼັງ​ທີ່​ຮຽນ​ຈົບ​ຈາກ​ໂຮງ­ຮຽນ​ສ້າງ​ຄູ​ບ້ານ​ເກິນ ເພິ່ນ​ບໍ່​ພຽງ​ສອນ​ຢູ່​ໃນ​ໂຮງ­ຮຽນ​ເທົ່າ​ນັ້ນ ຍັງ​ໄດ້​ເປັນ​ຄູ​ອາ­ສາ​ສະ­ໝັກ​ສອນ​ໂຮງ­ຮຽນ​ບຳ­ລຸງ ໃຫ້​ແກ່​ພໍ່​ແມ່​ປະ­ຊາ­ຊົນ​ພາຍ​ໃນ​ເມືອງ ກໍ​ຄື​ພາຍ​ໃນ​ບ້ານ​ຂອງ​ເພິ່ນ​ເອງ.</p> <p style="text-align: justify;"> ນອກ​ນີ້​ເວ­ລາ​ຫວ່າງ ເພິ່ນ​ກໍ​ໄດ້​ເຮັດ​ວຽກ​ຊ່ວຍ​ຄອບ­ຄົວ​ນຳ​ອີກ ເຊັ່ນ: ເຮັດ​ສວນ ເຮັດ​ນາ ເກືອບ​ເວົ້າ​ໄດ້​ວ່າ ບໍ່​ໄດ້​ປະ​ເວ­ລາ​ໃຫ້​ເສຍ​ຖິ້ມ​ໄປ​ລ້າໆ ວຽກ​ທີ່​ເພິ່ນ​ຖະ­ໜັດ ກໍ​ແມ່ນ​ການ​ຕ່ຳ­ຫູກ ເຊິ່ງ​ເປັນ​ງານ​ສີ­ມື​ທີ່​ສືບ​ທອດ​ກັນ​ມາ​ດົນ​ນານ​ແລ້ວ ຈົນ​ເພິ່ນ​ກໍ​ບໍ່​ຮູ້​ວ່າ​ດົນ​ປານ­ໃດ ພໍ​ຮູ້​ຄວາມ​ເພິ່ນ​ກໍ​ເລີ່ມ​ຮຽນ​ຕ່ຳ­ຫູກ ເຊິ່ງ​ປັດ­ຈຸ­ບັນ ສາ­ມາດ​ຕ່ຳ​ໄດ້​ອາ­ທິດ​ລະ​ສອງ​ຜືນ.</p> <p style="text-align: justify;"> ທ່ານ​ນາງ ສາຍ​ຄຳ ກ່າວ​ວ່າ: ຍ້ອນ​ມີ​ຄວາມ​ຮັກ​ມັກ​ເລື່ອງ​ການ​ສຶກ​ສາ ພໍ​ຮຽນ​ຈົບ ມໍ​ປາຍ ກໍ​ເຂົ້າ​ຮຽນ​ຕໍ່​ຄູ ເພາະ​ເຫັນ​ວ່າ​ມີ​ຄວາມ​ຈຳ­ເປັນ ແລະ ສຳ­ຄັນ​ຫຼາຍ ໂດຍ​ສະ­ເພາະ​ເຫັນ​ສະ­ພາບ​ຂອງ​ໝູ່​ເພື່ອນ​ຈຳ­ນວນ​ຫຼາຍ​ພາຍ​ໃນ​ບ້ານ ບໍ່​ຄ່ອຍ​ມີ​ໃຜ​ສົນ­ໃຈ​ຮຽນ​ຕໍ່​ພໍ​ປານ­ໃດ ຮຽນ​ຮອດ​ປະ­ຖົມ ມັດ­ທະ­ຍົມ ກໍ​ພາ­ກັນ​ອອກ​ໂຮງ­ຮຽນ ເພາະ​ຫຼາຍ​ຄົນ​ຄິດ​ວ່າ ບໍ່​ຮູ້​ຈະ​ຮຽນ​ໄປ​ເຮັດ​ຫຍັງ ອອກ​ມາ​ຫາ​ເງິນ​ຫາ​ຄຳ​ດີ​ກ່ວ​າ ເຊິ່ງ​ໃນ​ຄວາມ​ເປັນ​ຈິງ​ແລ້ວ ຖ້າ​ຫາກ​ເຮົາ​ດຸ­ໝັ່ນ​ແທ້ ທັງ​ຮຽນ​ທັງ​ເຮັດ​ວຽກ​ໄປ​ນຳ ເຊິ່ງ​ນອກ­ຈາກ​ຈະ​ໄດ້​ຄວາມ​ຮູ້ ມາ​ປັບ­ປຸງ​ພັດ­ທະ­ນາ​ວິ­ທີ​ການ​ທຳ​ມາ​ຫາ​ກິນ​ແລ້ວ ກໍ​ຍັງ​ຊ່ວຍ​ແບ່ງ​ເບົາ​ພາ­ລະ​ຄອບ­ຄົວ​ຫາ​ລາຍ​ໄດ້ ໃຫ້​ຕົນ​ເອງ​ຕື່ມ​ອີກ.</p> <p style="text-align: justify;"> ພໍ​ມີ​ໂອ­ກາດ​ໂຊກ​ດີ​ໄດ້​ເປັນ​ຄູ ກໍ​ເລີຍ​ໃຊ້​ເວ­ລາ​ທີ່​ມີ​ຢູ່​ທັງ​ໝົດ​ໃຫ້​ເປັນ​ປະ­ໂຫຍດ ເປັນ​ການ­ສະ­ແດງ​ໃຫ້​ຫັນ​ວ່າ​ເປັນ​ຄູ​ແລ້ວ ກໍ​ຍັງ​ສາ­ມາດ​ເຮັດ​ວຽກ​ງານ ປະ­ກອບ­ສ່ວນ​ຫຼາຍ​ຢ່າງ ບໍ່​ວ່າ​ຈະ​ເປັນ​ວຽກ​ພາຍ​ໃນ​ຄອບ­ຄົວ ກໍ​ຄື​ວຽກ​ການ­ຈັດ­ຕັ້ງ​ເອົາ​ເປັນ​ວ່າ: <strong>ວຽກ​ຫຼວງ​ບໍ່​ໃຫ້​ຂາດ ວຽກ​ລາດ​ບໍ່​ໃຫ້​ເສຍ </strong>ພ້ອມ​ດຽວ​ກັນ ກໍ​ເປັນ​ແບບ­ຢ່າງ​ອັນ​ໜຶ່ງ ໃຫ້​ແກ່​ນ້ອງ​ນັກ­ຮຽນ ໃຫ້​ມີ​ຄວາມ​ກະ​ຕື​ລື​ລົ້ນ ໃນ​ການ​ຊອກ​ຮູ້​ຮ່ຳ­ຮຽນ ບໍ່​ທໍ້­ຖອຍ​ຕໍ່​ອຸ­ປະ­ສັກ ຄິດ​ຢາກ​ຮ່ຳ­ຮຽນ​ສຶກ​ສາ​ຄົ້ນ​ຄ້ວ​າ​ຕໍ່ ບໍ່​ປະ­ລະ​ການ​ຮຽນ ຫຼື ຮຽນ​ແບບ​ຕາມ​ມີ​ຕາມ ເກີດ​ເປັນ​ການ​ຊີ້​ທິດ​ທາງ​ໃນ​ການ​ສຶກ​ສາ​ທີ່​ຖືກ­ຕ້ອງ ຄື: ການ​ຮຽນ​ຕ້ອງ​ຄຽງ​ຄູ່​ກັບ​ການ​ປະ­ຕິ­ບັດ​ຕົວ​ຈິງ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ