ຂ່າວຫຼ້າສຸດ

ສ ອາ​ເມ​ຣິ​ກາ ຂຶ້ນ​ພາສີ​ອີກ​ກັບ​ຜະລິດ​ຕະ​ພັນ​ເຫຼັກ​ກ້າ ແລະ ອາ​ລູ​ມີ​ນຽມ​ນຳ​ເຂົ້າ

729 28 ມ.ກ. 2020 ຂ່າວຕ່າງປະເທດ
ສ ອາ​ເມ​ຣິ​ກາ ຂຶ້ນ​ພາສີ​ອີກ​ກັບ​ຜະລິດ​ຕະ​ພັນ​ເຫຼັກ​ກ້າ ແລະ  ອາ​ລູ​ມີ​ນຽມ​ນຳ​ເຂົ້າ

    ເມື່ອ​ວັນ​ທີ 24 ມັງກອນ​ທີ່​ຜ່ານ​ມາ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ໄດ້​ລົງ​ນາມ​ຖະແຫຼງການ​ກ່ຽວ​ກັບ​ການ​ຂຶ້ນ​ລະດັບ​ພາສີ ກັບ​ບັນດາ​ຜະລິດ​ຕະ​ພັນ​ເຫຼັກ​ກ້າ ແລະ  ອາ​ລູ​ມີ​ນຽມ ທີ່​ນຳ​ເຂົ້າ​ຈາກ​ບາງ​ປະເທດ ຊຶ່ງ​ຕາມ​ນັ້ນແລ້ວ​ແມ່ນ​ຈະ​ຂຶ້ນ​ພາສີ​ຕື່ມ​ອີກ 25% ກັບ​ເຫຼັກ​ກ້າ ແລະ  10% ກັບ​ອາ​ລູ​ມີ​ນຽມ ເມື່ອ​ທຽບໃສ່​ລະດັບ​ໃນ​ປັດຈຸບັນ​ທີ່ 25% ແລະ  10% ຕາມ​ລຳດັບ. ຕາມ​ແຜນການ​ແລ້ວ ລະດັບ​ພາສີ​ໃໝ່​ນັ້ນ ຈະ​ມີ​ຜົນ​ບັງຄັບ​ໃຊ້ ນັບ​ແຕ່​ວັນ​ທີ 8 ກຸມພາ​ໜ້າ​ນີ້​ເປັນຕົ້ນ​ໄປ.

    ເຖິງ​ຢ່າງໃດ​ກໍ​ຕາມ ສຳລັບ​ເຫຼັກ​ກ້າ​ທີ່​ນຳ​ເຂົ້າ​ນັ້ນ ປະທານາທິບໍດີ ທຣຳ ພັດ​ຖະແຫຼງ​ວ່າ ຍົກເວັ້ນ​ການ​ຂຶ້ນ​ພາສີ​ກັບ​ບາງ​ປະເທດ ເຊັ່ນ ອາກ​ຊັງ​ຕິນ ອົດ​ສະ​ຕຣາ​ລີ ບຣາ​ຊີ​​ລ ກາ​ນາ​ດາ ເມັກ​ຊິກ ແລະ  ສ ເກົາຫຼີ. ສຳລັບ​ອາ​ລູ​ມີ​ນຽມ​ທີ່​ນຳ​ເຂົ້າ​ນັ້ນ ອາກ​ຊັງ​ຕິນ ອົດ​ສະ​ຕຣາ​ລີ ກາ​ນາ​ດາ ແລະ ເມັກ​ຊິກ ແມ່ນ​ໄດ້​ຮັບ​ການ​ຍົກເວັ້ນ​ໃນ​ສ່ວນ​ລະດັບ​ຂຶ້ນ​ພາສີ​ເພີ່ມ​ເຕີມ​ໃນ​ເທື່ອ​ນີ້.

    ປະທານາທິບໍດີ ທຣຳ ເວົ້າ​ວ່າ ບັນດາ​ລະດັບ​ພາສີ​ດັ່ງກ່າວ ແມ່ນ​ເພື່ອ​ຊ່ວຍເຫຼືອ​ໃນ​ການ​ເພີ່ມ​ທະວີ​ການ​ຜະລິດ​ຢູ່​ພາຍ​ໃນ​ປະເທດ ຊຶ່ງ​ເປັນ​ບັນຫາ​ໜຶ່ງ​ທີ່​ທ່ານ​ເຫັນ​ວ່າ ຈະ​ເປັນ​ຜົນ​ກະທົບ​ຕໍ່​ຄວາມ​ໝັ້ນຄົງ​ຂອງ​ປະເທດ​ຊາດ.

ຂ່າວທີ່ກ່ຽວຂ້ອງ