ຂ່າວຫຼ້າສຸດ

ສ ເກົາຫຼີ ຊະນະ ຊາ​ອຸ ສ້າງ​ປະຫວັດສາດ​ຄວ້າ​ແຊັມ U-23 ອາຊີ 2020

356 28 ມ.ກ. 2020 ວົງຈອນກີລາ
ສ ເກົາຫຼີ ຊະນະ ຊາ​ອຸ ສ້າງ​ປະຫວັດສາດ​ຄວ້າ​ແຊັມ U-23 ອາຊີ 2020

   ການ​ແຂ່ງຂັນ​ເຕະບານ​ຊາຍ ຮຸ່ນ​ອາຍຸ​ບໍ່​ເກີນ 23 ປີ ຊີງ​ແຊັມ​ອາຊີ 2020 ທີ່​ປະເທດ​ໄທ ເປັນ​ເຈົ້າພາບ ໃນ​ລະຫວ່າງ​ວັນ​ທີ 8–26 ມັງກອນ 2020 ນັດ​ຊີງ​ຊະນະ​ເລີດ ໃນ​ວັນ​ທີ 26 ມັງກອນ 2020 ທີ່​ສະໜາມ​ຣາ​​ຊ​ມັງ​ຄາ​ລາ ໃນ​ນະຄອນຫຼວງ​ບາງກອກ ທີມ​ຊາດ ສ ເກົາຫຼີ ອະດີດ​ຮອງ​ແຊັມ​ປີ 2016 ເອົາ​ຊະນະ ຊາ​ອຸ​ດິ​ອາ​ຣາ​ເບຍ ອະດີດ​ຮອງ​ແຊັມ​ປີ 2013 ໃນ​ໄລຍະ​ຕໍ່​ເວລາ​ພິເສດ 30 ນາທີ 1-0 ໃນ​ເວລາ​ປົກກະຕິ 90 ນາທີ ສະເໝີ​ກັນ 0-0.

    ສຳລັບ​ປະຕູ​ໄຊ​ຂອງ ທີມ​ຊາດ ສ ເກົາຫຼີ ໄດ້​ຈາກ Jeong Tae-wook ໃນ​ນາທີໆ 113 ເປັນ​ຄັ້ງ​ທຳ​ອິດ​ທີ່​ທັງ 2 ທີມ​ພົບ​ກັນ​ໃນ​ລາຍການ​ນີ້ ຕັ້ງແຕ່​ເລີ່ມ​ການ​ແຂ່ງຂັນ​ມາ 3 ຄັ້ງ ປີ 2013-2020   ສ ເກົາຫຼີ ສ້າງ​ປະຫວັດສາດ​ຄວ້າ​ແຊັມ​ເປັນ​ຄັ້ງ​ທຳ​ອິດ ເຊິ່ງ​ທັງ​ສອງ​ທີມ​ໄດ້​ສິດ​ໄປ​ໂອ​ແລມ​ປິກ​ເກມ 2020.

    ຂະນະ​ທີ່​ຄູ່​ຊີງ​ທີ 3 ໃນ​ວັນ​ທີ 25 ມັງກອນ 2020 ອົດ​ສະ​ຕຣາ​ລີ ເອົາ​ຊະນະ ອຸດ​ສະ​ເບ​ກິດ​ສະຖານ ແຊັມ​ເກົ່າ ແບບ​ຫວຸດ​ຫວິດ 1-0 ໄດ້​ຫຼຽນ​ທອງ ພ້ອມ​ຄວ້າ​ສິດ​ໄປ​ໂອ​ແລມ​ປິກ​ເກມ 2020 ທີ່​ຍີ່ປຸ່ນ ເປັນ​ຄັ້ງ​ທີ 2 ຕໍ່​ຈາກ​ປີ 2008 ທີ່​ປັກ​ກິ່ງ ​ສປ​ຈີນ.

                                                                                    

ຂ່າວທີ່ກ່ຽວຂ້ອງ