ຂ່າວຫຼ້າສຸດ

ໄຈກາ ຊ່ວຍສົ່ງເສີມ ແລະ ຄຸ້ມຄອງການພັດທະນາຕົວເມືອງ

725 27 ມ.ກ. 2020 ຂ່າວໜ້າ​ໜຶ່ງ
ໄຈກາ ຊ່ວຍສົ່ງເສີມ ແລະ ຄຸ້ມຄອງການພັດທະນາຕົວເມືອງ

   ພິ­ທີ​ລົງ​ນາມ​ບົດ​ບັນ­ທຶກ​ໂຄງ­ການ​ຊ່ວຍ­ເຫຼືອ​ລ້າ ຈາກ​ອົງ­ການ​ໄຈ​ກາ (JICA) ກ່ຽວ​ກັບ​ການ​ສ້າງ ຄວາມ​ສາ­ມາດ​ໃນ​ການ​ສົ່ງ­ເສີມ ແລະ ຄຸ້ມ​ຄອງ​ການ​ພັດ­ທະ­ນາ​ຕົວ​ເມືອງ ຈັດ​ຂຶ້ນ​ວັນ​ທີ 24 ມັງ­ກອນ 2020 ຢູ່​ກົມ​ເຄ­ຫາ ແລະ ຜັງ­ເມືອງ ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ (ຍທຂ) ລະ­ຫວ່າງ ທ່ານ KAWABE Ryoichi ຫົວ­ໜ້າ​ຄະ­ນະ​ສຳ​ຫຼວດ​ອົງ­ການ JICA ປະ­ຈຳ​ລາວ ທ່ານ ຄຳ​ທະ­ວີ ໄທ​ພະ­ຈັນ ຫົວ­ໜ້າ​ກົມ​ເຄ­ຫາ ແລະ ຜັງ­ເມືອງ ທ່ານ ສຸ​ລິ​ວັນ ພົມ​ມະ­ຫາ​ໄຊ ຮອງ​ຫົວ­ໜ້າ​ພະ​ແນກ ຍທຂ ນະ­ຄອນ ຫຼວງ​ວຽງ​ຈັນ (ນວ) ແລະ ທ່ານ​ນາງ ພອນ​ສະ­ຫວັນ ແພງ​ສີ­ດາ ຫົວ­ໜ້າ​ສະ​ຖາ​ບັນ​ຄົ້ນ­ຄວ້າ ຍທຂ ໂດຍ​ມີ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

   ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ດັ່ງ­ກ່າວ ໂດຍ​ພາຍ­ຫຼັງ​ທີ່​ແຜນ­ຜັງ​ລວມ​ຂອງ ນວ ສະ­ບັບ​ເລກ​ທີ III ໄດ້​ຮັບ​ການ​ຮັບ­ຮອງ​ຈາກ​ລັດ­ຖະ­ບານ ແລະ ຢູ່​ໃນ​ຂັ້ນ​ຕອນ​ການ​ນຳ​ສະ­ເໜີ​ໄປ​ຫາ​ສະ­ພາ​ແຫ່ງ​ຊາດ​ພິ​ຈາ ລະ​ນາ ເຊິ່ງ​ອົງ­ການ JICA ໄດ້​ເຫັນ​ດີ​ໂດຍ​ຟື້ນ​ຖານ​ທີ່​ຈະ​ໃຫ້­ການ​ສືບ­ຕໍ່​ຊ່ວຍ­ເຫຼືອ​ດ້ານ​ວິ­ຊາ​ການ ເພື່ອ​ສ້າງ​ຄວາມ​ສາ­ມາດ​ໃນ​ການ​ສົ່ງ­ເສີມ ແລະ ຄຸ້ມ​ຄອງ​ການ​ພັດ­ທະ­ນາ​ຕົວ​ເມືອງ ໂດຍ​ສະ­ເພາະ ການ​ປະ ສານ​ຮ່ວມ​ມື​ກ່ຽວ​ກັບ​ກຳ­ນົດ​ສ້າງ​ກົນ​ໄກ ແລະ ແລກ­ປ່ຽນ​ຄຳ​ຄິດ​ເຫັນ​ກ່ຽວ​ກັບ​ນະ­ໂຍ­ບາຍ ແລະ ບັນ­ຫາ​ການ​ພັດ­ທະ­ນາ​ຕົວ​ເມືອງ ການ​ຍົກ​ລະ­ດັບ​ຄວາມ​ຮູ້-ຄວາມ​ສາ­ມາດ​ຂອງ​ວຽກ​ງານ​ການ​ຈັດ­ການ ແລະ ການ​ພັດ­ທະ­ນາ​ເພີ່ມ​ປະ​ສິດ­ທິ​ຜົນ ລວມ​ທັງ​ການ​ປັບ­ປຸງ ແລະ ຍົກ​ລະ­ດັບ​ຄວາມ​ຊຳ­ນານ​ງານ​ໃນ​ການ​ວິ­ເຄາະ ແລະ ບັນ­ຫາ​ການ​ຈັດ​ສັນ​ອາ­ຄານ​ໃນ​ຕົວ​ເມືອງ ແລະ​ອື່ນໆ.

   ໂຄງ­ການ​ນີ້ ໄດ້​ມອບ​ໃຫ້​ກົມ​ເຄ­ຫາ ແລະ ຜັງ­ເມືອງ ເປັນ​ເຈົ້າ​ການ​ຮ່ວມ​ກັບ​ສະ​ຖາ​ບັນ​ຄົ້ນ­ຄວ້າ ຍທຂ ແລະ ພະ​ແນກ ຍທຂ ນວ ສຳ­ລັບ​ການ­ຈັດ­ຕັ້ງ​ປະ­ຕິ­ບັດ​ໃຫ້​ສຳ­ເລັດ​ຕາມ​ເປົ້າ​ໝາຍ ໂດຍ​ມີ​ໄລ­ຍະ 3 ປີ (2020-2023) ແນ­ໃສ່​ເຮັດ​ໃຫ້­ການ​ເພີ່ມ​ທະ­ວີ​ການ​ຄຸ້ມ​ຄອງ​ຕົວ​ເມືອງ​ມີ​ຜົນ­ສຳ­ເລັດ​ເປັນ​ກ້າວໆ.

ຂ່າວທີ່ກ່ຽວຂ້ອງ