ຂ່າວຫຼ້າສຸດ

ນວ ວາງແຜນສູ້ຊົນປັກດຳນາແຊງ ໃຫ້ໄດ້ 14.300 ເຮັກຕາ

1.272 24 ມ.ກ. 2020 ຂ່າວໜ້າ​ໜຶ່ງ
ນວ ວາງແຜນສູ້ຊົນປັກດຳນາແຊງ ໃຫ້ໄດ້ 14.300 ເຮັກຕາ

   ປີ 2019 ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ (ນວ) ຊຸກ­ຍູ້​ການ​ປູກ​ເຂົ້າ​ໄດ້ 66.297 ເຮັກ­ຕາ ຜົນ​ຜະ­ລິດ 283.174 ໂຕນ ໃນ​ນີ້ ນາ­ແຊງ 66.706 ໂຕນ ນາ­ປີ 216.468 ໂຕນ ສ່ວນ​ເນື້ອ­ທີ່ ທີ່​ຖືກ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ ແລະ ແຫ້ງ­ແລ້ງ 2.366 ເຮັກ­ຕາ.

   ທ່ານ ໜຽວ​ຄຳ ຄຳ​ມີ­ນາ​ທີ ຫົວ­ໜ້າ​ຂະ­ແໜງ​ປູກ­ຝັງ ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໃຫ້​ສຳ­ພາດ​ເມື່ອ​ບໍ່​ດົນ​ມາ​ນີ້​ວ່າ: ເພື່ອ​ເປັນ​ການ​ຟື້ນ​ຟູ​ການ​ຜະ­ລິດ ແລະ ຕອບ​ສະ­ໜອງ​ຜົນ​ຜະ­ລິດ​ໃຫ້​ໄດ້​ຕາມ​ແຜນ­ການ ໂດຍ​ສະ­ເພາະ ການ​ຜະ­ລິດ​ໃນ​ປີ 2020 ສົ່ງ­ເສີມ​ການ​ຜະ ລິດ​ເປັນ​ສິນ­ຄ້າ ພະ​ແນກ​ກະ​ສິ ກຳ ແລະ ປ່າ­ໄມ້ ນວ ໄດ້​ກຳ­ນົດ​ຕົວ​ເລກ​ແຜນ­ການ​ສູ້​ຊົນ​ການ​ຜະ­ລິດ​ເຂົ້າ​ໃນ​ປີ 2020 ໃຫ້​ໄດ້ 66.380 ເຮັກ­ຕາ ຄາດ​ຄະ­ເນ​ຜົນ​ການ​ຜະ­ລິດ 310.984 ໂຕນ ໃນ​ນີ້ ນາ­ແຊງ​ແຜນ­ການ​ສູ້​ຊົນ 14.300 ເຮັກ­ຕາ  ໃນ 7 ຕົວ​ເມືອງ​ຂອງ ນວ ຍົກ­ເວັ້ນ​ເມືອງ​ສີ​ສັດ­ຕະ​ນາກ ແລະ ເມືອງ​ຈັນ­ທະ​ບູ​ລີ ຄາດ​ຄະ­ເນ​ຜົນ​ການ​ຜະ­ລິດ 75.123 ໂຕນ.

   ປັດ­ຈຸ­ບັນ ການ​ປັກ​ດຳ​ເຂົ້າ­ນາ­ແຊງ ມີ​ຫຼາຍ​ເຂດ​ສຳ­ເລັດ​ແລ້ວ ບາງ​ເຂດ​ກຳ­ລັງ​ຂຸ້ນ­ຂ້ຽວ​ປັກ​ດຳ ແຕ່​ບາງ​ເຂດ​ຍ້ອນ​ການ​ສະ­ໜອງ​ນ້ຳ​ຍັງ​ບໍ່​ພຽງ­ພໍ ກໍ​ມີ​ການ​ຊຸກ­ຍູ້​ໃຫ້​ເຮັດ​ນາ­ຫວ່ານ ເຊິ່ງ​ຄາດ​ວ່າ​ຈະ​ໃຫ້​ສຳ­ເລັດ​ໃນ​ເດືອນ​ມັງ­ກອນ​ນີ້.

ຂ່າວທີ່ກ່ຽວຂ້ອງ