ຂ່າວຫຼ້າສຸດ

ຮ່ວມມືພັດທະນາຊັບພະຍາກອນມະນຸດ ແລະ ດ້ານວິຊາການ

1.271 24 ມ.ກ. 2020 ຂ່າວໜ້າ​ໜຶ່ງ
ຮ່ວມມືພັດທະນາຊັບພະຍາກອນມະນຸດ ແລະ ດ້ານວິຊາການ

   ສະ​ຖາ​ບັນ​ເຕັກ​ໂນ​ໂລ​ຊີ​ການ​ສື່­ສານ​ຂໍ້​ມູນ​ຂ່າວ­ສານ ແລະ ບໍ­ລິ­ສັດ ລາວ​ໂທລະ​ຄົມມະ​ນາ​ຄົມ​ມະ­ຫາ­ຊົນ ລົງ​ນາມ​ຮ່ວມ​ມື​ກັນ​ດ້ານ​ວິ­ຊາ​ການ ເພື່ອ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ແລະ ດ້ານ​ວິ­ຊາ​ການ​ເຊິ່ງ​ກັນ ແລະ ກັນ ແນ­ໃສ່​ຍົກ​ລະ­ດັບ​ຄວາມ​ຮູ້-ຄວາມ​ສາ­ມາດ ເພື່ອ​ສາ­ມາດ​ແຂ່ງ­ຂັນ​ໃນ​ຍຸກ​ປັດ­ຈຸ­ບັນ ໂດຍ​ມີ​ໄລ­ຍະ​ການ​ຮ່ວມ​ມື 5 ປີ.

   ພິ­ທີ​ລົງ​ນາມ​ບົດ​ບັນ­ທຶກ​ການ​ຕົກ­ລົງ ວ່າ​ດ້ວຍ​ການ​ຮ່ວມ​ມື​ດັ່ງ­ກ່າວ ຈັດ​ຂຶ້ນ​ວັນ​ທີ 22 ມັງ­ກອນ 2020 ຢູ່​ບໍ­ລິ­ສັດ ລາວ​ໂທລະ​ຄົມ­ມະ­ນາ­ຄົມ​ມະ­ຫາ­ຊົນ ລະ­ຫວ່າງ​ທ່ານ ສາຍ​ຝົນ ບຸດ​ຈັນ­ທະ​ລາດ ຫົວ­ໜ້າ​ສະ​ຖາ​ບັນ​ເຕັກ​ໂນ​ໂລ​ຊີ​ການ​ສື່­ສານ​ຂໍ້​ມູນ​ຂ່າວ­ສານ ແລະ ທ່ານ ສຸ​ພົນ ຈັນ­ທະ​ວິ​ໄຊ ຜູ້­ອຳ­ນວຍ­ການ​ໃຫຍ່ ບໍ­ລິ­ສັດ ລາວ​ໂທລະ​ຄົມ­ມະ­ນາ­ຄົມ​ມະ­ຫາ­ຊົນ ມີ​ຄະ­ນະ​ອຳ­ນວຍ​ການ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

   ສຳ­ລັບ​ເນື້ອ​ໃນ​ການ​ຮ່ວມ​ມື ແມ່ນ​ຈະ​ພັດ­ທະ­ນາ​ບຸ​ຄະ­ລາ​ກອນ​ຮ່ວມ​ກັນ ແລກ­ປ່ຽນ ແລະ ພັດ­ທະ­ນາ​ດ້ານ​ວິ­ຊາ​ໃດ​ໜຶ່ງ​ໃນ​ຂອບ​ເຂດ​ວຽກ​ງານ​ຂອງ​ສອງ​ຝ່າຍ ຮ່ວມ​ມື​ດ້ານ​ການ​ຈັດ​ເຝິກ­ອົບ­ຮົມ​ບຸ​ຄະ­ລາ​ກອນ ເຊິ່ງ​ກັນ ແລະ ກັນ ເພື່ອ​ພັດ­ທະ­ນາ​ບຸ​ຄະ­ລາ​ກອນ​ໃຫ້​ເກີດ​ມີ​ຄວາມ​ຮູ້-ຄວາມ​ສາ­ມາດ ແນ­ໃສ່​ການ​ດຳ­ເນີນ​ວຽກ​ງານ​ຢ່າງ​ມີ​ປະ​ສິດ­ທິ​ຜົນ ແລະ ຕໍ່​ເນື່ອງ ຮ່ວມ​ກັນ​ແລກ­ປ່ຽນ​ບົດ­ຮຽນ ຄວາມ​ຮູ້ ແລະ ປະ­ສົບ​ການ​ຂອງ​ແຕ່​ລະ​ຝ່າຍ ແລກ­ປ່ຽນ​ດ້ານ​ວິ­ຊາ​ການ ການ​ບໍ­ລິ­ຫານ-ຈັດ­ການ ການ​ດຳ­ເນີນ​ກິດ­ຈະ­ກຳ​ຕ່າງໆ ເພື່ອ​ສົ່ງ­ເສີມ​ທັກ​ສະ​ຄວາມ​ຮູ້​ຂອງ​ສອງ​ຝ່າຍ​ໃຫ້​ມີ​ຫຼາຍ​ຮູບ​ຫຼາຍ​ສີ ແລະ ມີ​ປະ​ສິດ­ທິ​ຜົນ​ສູງ​ຂຶ້ນ ພ້ອມ​ນີ້ ຍັງ​ຈະ​ຮ່ວມ​ມື​ວິ­ໄຈ​ພັດ­ທະ­ນາ​ໂຄງ­ການ ເພື່ອ​ຕອບ​ສະ­ໜອງ​ການ​ສ້າງ​ຜະ­ລິດ​ຕະ​ພັນ ແລະ ການ​ບໍ­ລິ­ການ​ຕື່ມ​ອີກ.

   ທ່ານ ສາຍ​ຝົນ ບຸດ​ຈັນ­ທະ​ລາດ ກ່າວ​ວ່າ: ການ​ລົງ​ນາມ​ບົດ​ບັນ­ທຶກ​ຄັ້ງ​ນີ້ ເປັນ​ນິ­ມິດ​ໝາຍ​ອັນ​ດີ ແລະ ເປັນ​ບາດ­ກ້າວ​ສຳ­ຄັນ ທີ່​ຈະ​ສາ­ມາດ​ເຕີມ​ເຕັມ​ແຜນ­ການ ກໍ​ຄື ຄາດ­ໝາຍ​ການ​ພັດ­ທະ­ນາ​ສະ​ຖາ​ບັນ​ໃຫ້​ມີ ຄວາມ​ກ້າວ­ໜ້າ​ດ້ານ​ວິ­ຊາ​ການ ການ​ພັດ­ທະ­ນາ ແລະ ການ​ຄົ້ນ­ຄວ້າ ການ​ສ້າງ Start-up ທີ່​ສາ­ມາດ​ຕອບສະ­ໜອງ​ຄວາມ​ຕ້ອງ­ການ​ບັນ­ຫາ​ຕ່າງໆ​ຂອງ​ເສດ­ຖະ­ກິດ-ສັງ­ຄົມ.

ຂ່າວທີ່ກ່ຽວຂ້ອງ