ຂ່າວຫຼ້າສຸດ

ທະນາຄານເອັສທີ ຊ່ວຍເຫຼືອມູນນິທິກູ້ໄພ

594 22 ມ.ກ. 2020 ຂ່າວໜ້າ​ໜຶ່ງ
ທະນາຄານເອັສທີ ຊ່ວຍເຫຼືອມູນນິທິກູ້ໄພ

   ພິ­ທີ​ມອບ​ລົດ​ສຸກ​ເສີນ ແລະ ເງິນ​ຊ່ວຍ­ເຫຼືອ​ໃຫ້​ມູນ​ນິ­ທິ​ກູ້​ໄພ 5 ເມືອງ ນະ­ຄອນ­ຫຼວງ​ວຽງ​ຈັນ ຈັດ​ຂຶ້ນ​ວັນ​ທີ 20 ມັງ­ກອນ 2020 ທີ່​ສຳ­ນັກ­ງານ ບໍ­ລິ­ສັດ​ເອັສ​ທີ​ກຣຸບ ກ່າວ​ມອບ​ໂດຍ​ທ່ານ ໄຊ​ຍາ ໄຊ​ສຸ​ລິ​ວົງ ຮອງ​ປະ­ທານ​ສະ­ພາ​ບໍ­ລິ­ຫານ​ທະ­ນາ­ຄານ​ເອັສ​ທີ ຈຳ­ກັດ ແລະ ກ່າວ​ຮັບ​ໂດຍ​ຕາງ­ໜ້າ​ມູນ​ນິ­ທິ​ກູ້​ໄພ 5 ເມືອງ ມີ​ບັນ­ດາ​ຮອງ​ເຈົ້າ­ເມືອງ ຄະ­ນະ​ບໍ­ລິ­ຫານ ພ້ອມ​ພະ­ນັກ­ງານ​ທະ­ນາ­ຄານ​ເອັສ​ທີ ແລະ ພະ­ນັກ­ງານ​ໜ່ວຍ​ກູ້​ໄພ​ເຂົ້າ​ຮ່ວມ.

   ໃນ​ໂອ­ກາດ​ວັນ​ສ້າງ­ຕັ້ງ​ທະ­ນາ­ຄານ​ເອັສ​ທີ ຄົບ­ຮອບ 10 ປີ (2009-2019) ທາງ​ທະ­ນາ­ຄານ​ເອັສ​ທີ ຈຳ­ກັດ ໂດຍ​ສະ­ເພາະ ທ່ານ ສີ​ທັດ ໄຊ​ສຸ​ລິ​ວົງ ປະ­ທານ​ສະ­ພາ​ບໍ­ລິ­ຫານ​ທະ­ນາ­ຄານ​ເອັສ​ທີ ຈຳ­ກັດ ໄດ້​ເຫັນ​ເຖິງ​ຄວາມ​ສຳ­ຄັນ​ຂອງ​ວຽກ​ງານ​ກູ້​ໄພ​ທີ່​ຊ່ວຍ­ເຫຼືອ​ສັງ­ຄົມ​ໂດຍ​ຕະ­ຫຼອດ ຈຶ່ງ​ໄດ້​ນຳ​ເອົາ​ທຶນ​ສ່ວນ​ຕົວ​ຈຳ­ນວນ​ໜຶ່ງ ແລະ ໄດ້​ມີ​ບັນ­ດາ​ບໍ­ລິ­ສັດ​ໃນ​ເຄືອ​ເອັສ​ທີ ກຣຸບ ພ້ອມ​ດ້ວຍ​ລູກ​ຄ້າ​ທະ­ນາ­ຄານ​ເອັສ​ທີ ຮ່ວມ​ແຮງ​ຮ່ວມ​ໃຈ​ສົມ ທົບ​ເປັນ​ທຶນ​ຊ່ວຍ­ເຫຼືອ​ໜ່ວຍ​ກູ້​ໄພ 5 ເມືອງ ຄື: ທະ­ນາ­ຄານ​ເອັສ​ທີ ມອບ​ລົດ​ຕູ້ 5 ຄັນ ມູນ​ຄ່າ 1,6 ຕື້​ກີບ ບໍ­ລິ­ສັດ ໂອ­ສົດ​ສະ­ພາ (M150) 15 ລ້ານ​ກີບ ບໍ­ລິ­ສັດ ມິດ­ຕະ­ພາບ​ກະ­ສິ­ກຳ 3 ບໍ­ລິ­ສັດ ເມ​ຈິ ແລະ ທະ­ນາ­ຄານ​ການ​ຄ້າ​ຕ່າງ­ປະ­ເທດ​ລາວ ມະ­ຫາ­ຊົນ ພາກ­ສ່ວນ​ລະ 3 ລ້ານ​ກີບ ທະ­ນາ­ຄານ​ອຸດ­ສາ­ຫະ­ກຳ ແລະ ການ​ຄ້າ​ຈີນ 7 ແສນ​ກີບ ກົມ​ຈັດ​ຕັ້ງ​ພະ­ນັກ­ງານ​ທະ­ນາ­ຄານ ແຫ່ງ ສປປ ລາວ 3 ແສນ​ກີບ ລວມ​ທັງ​ໝົດ 25 ລ້ານ​ກີບ ແບ່ງ​ໃຫ້​ໜ່ວຍ​ກູ້​ໄພ​ພາກ­ສ່ວນ​ລະ 5 ລ້ານ​ກີບ ທັງ​ນີ້ ກໍ​ເພື່ອ​ອຳ­ນວຍ​ຄວາມ​ສະ­ດວກ ແລະ ນຳ​ສົ່ງ​ຄົນ​ເຈັບ​ໃຫ້​ທັນ​ເວ­ລາ.

ຂ່າວທີ່ກ່ຽວຂ້ອງ