ຂ່າວຫຼ້າສຸດ

ຊຽງ​ຂວາງ ເກມ 2020 ກຳນົດ​ຊີງ 385 ຫຼຽນ​ຄຳ

344 22 ມ.ກ. 2020 ວົງຈອນກີລາ
ຊຽງ​ຂວາງ ເກມ 2020 ກຳນົດ​ຊີງ 385 ຫຼຽນ​ຄຳ

     ອີງ​ຕາມ​ຂໍ້​ມູນ​ຈາກ​ບົດ​ສັງ​ລວມ ລະບຽບ​ການ​ແຂ່ງຂັນ 28 ປະເທດ​ກີລາ​ງານ​ມະ​ຫະ​ກຳ​ກີລາ​ແຫ່ງ​ຊາດ ຄັ້ງ​ທີ XI ທີ່​ແຂວງ​ຊຽງ​ຂວາງ ເປັນ​ເຈົ້າພາບ ຂອງ​ກົມ​ກີລາ​ລະດັບ​ສູງ ກະຊວງ​ສຶກ​ສາ​ທິ​ການ ແລະ ກີລາ ແຈ້ງ​ໃຫ້​ຊາບ​ວ່າ: ສຳລັບ​ງານ​ມະ​ຫະ​ກຳ​ກີລາ​ແຫ່ງ​ຊາດ ຄັ້ງ​ທີ XI ທີ່​ແຂວງ​ຊຽງ​ຂວາງ ຮັບ​ກຽດ​ເປັນ​ເຈົ້າພາບ ລະຫວ່າງ​ວັນ​ທີ 22 ມີນາ ຫາ 1 ເມສາ 2020 ແມ່ນ​ກຳນົດ​ຈະ​ຊີງ​ໄຊ​ທັງ​ໝົດ 385 ຫຼຽນ​ຄຳ 385 ຫຼຽນ​ເງິນ ແລະ 627 ຫຼຽນ​ທອງ ໃນ 28 ປະເພດ ໃນ​ນີ້ ປະເພດ​ແລ່ນ-ລານ ມີ​ການ​ຊີງ​ໄຊ​ຫຼາຍ​ທີ່​ສຸດ​ເຖິງ 40 ຫຼຽນ​ຄຳ 40 ຫຼຽນ​ເງິນ ແລະ 40 ຫຼຽນ​ທອງ ສ່ວນ​ຮອງ​ລົງ​ມາ​ແມ່ນ​ປະເພດ​ກີລາ​ຍິງ​ປືນ ຊີງ​ໄຊ 32 ຫຼຽນ​ຄຳ 32 ຫຼຽນ​ເງິນ ແລະ 64 ຫຼຽນ​ທອງ ລອຍນ້ຳ 27 ຫຼຽນ​ຄຳ 27 ຫຼຽນ​ເງິນ ແລະ 27 ຫຼຽນ​ທອງ ເທ​ຄວັນ​ໂດ 25 ຫຼຽນ​ຄຳ 25 ຫຼຽນ​ເງິນ ແລະ 50 ຫຼຽນ​ທອງ ມວຍ​ລາວ 20 ຫຼຽນ​ຄຳ 20 ຫຼຽນ​ເງິນ ແລະ 42 ຫຼຽນ​ທອງ ມວຍ​ປ້ຳ 17 ຫຼຽນ​ຄຳ 17 ຫຼຽນ​ເງິນ ແລະ 34 ຫຼຽນ​ທອງ ປັນ​ຈັກ​ສີ​ລັດ 20 ຫຼຽນ​ຄຳ 20 ຫຼຽນ​ເງິນ ແລະ 40 ຫຼຽນ​ທອງ ຢູ​ໂດ 19 ຫຼຽນ​ຄຳ 19 ຫຼຽນ​ເງິນ ແລະ 38 ຫຼຽນ​ທອງ ລົດຖີບ 11 ຫຼຽນ​ຄຳ 11 ຫຼຽນ​ເງິນ ແລະ 11 ຫຼຽນ​ທອງ ໝາກ​ແລ້ 12 ຫຼຽນ​ຄຳ 12 ຫຼຽນ​ເງິນ ແລະ 24 ຫຼຽນ​ທອງ ມວຍ​ສາກົນ 12 ຫຼຽນ​ຄຳ 12 ຫຼຽນ​ເງິນ ແລະ 24 ຫຼຽນ​ທອງ.

     ສ່ວນ​ປະເພດ​ກີລາ​ບານເຕະ ຊີງ 2 ຫຼຽນ​ຄຳ 2 ຫຼຽນ​ເງິນ ແລະ 2 ຫຼຽນ​ທອງ ດອກ​ປີກ​ໄກ່ 7 ຫຼຽນ ຄຳ 7 ຫຼຽນ​ເງິນ ແລະ 12 ຫຼຽນ​ທອງ ບານສົ່ງ​ໃນ​ຮົ່ມ-ບານສົ່ງ​ຫາດ​ຊາຍ 4 ຫຼຽນ​ຄຳ  ຫຼຽນ​ເງິນ ແລະ 4 ຫຼຽນ​ທອງ (ບານສົ່ງ​ຫາດ​ຊາຍ 2 ຫຼຽນ​ຄຳ 2 ຫຼຽນ​ເງິນ ແລະ 2 ຫຼຽນ​ທອງ) ບານບ້ວງ 2 ຫຼຽນ​ຄຳ 2 ຫຼຽນ​ເງິນ ແລະ 2 ຫຼຽນ​ທອງ ເທັນ​ນິດ 7 ຫຼຽນ​ຄຳ 7 ຫຼຽນ​ເງິນ ແລະ 14 ຫຼຽນ​ທອງ ກະຕໍ້-ກະຕໍ້​ຊິນ​ລອນ 14 ຫຼຽນ​ຄຳ 14 ຫຼຽນ​ເງິນ ແລະ 28 ຫຼຽນ​ທອງ (ກະຕໍ້​ຊິນ​ລອນ 8 ຫຼຽນ​ຄຳ 8 ຫຼຽນ​ເງິນ ແລະ 16 ຫຼຽນ​ທອງ) ເປ​ຕັງ 11 ຫຼຽນ​ຄຳ 11 ຫຼຽນ​ເງິນ ແລະ 22 ຫຼຽນ​ທອງ  ປິ່ງ​ປ່ອງ 7 ຫຼຽນ​ຄຳ 7 ຫຼຽນ​ເງິນ ແລະ 14 ຫຼຽນ​ທອງ ຊ່ວງ​ເຮືອ 8 ຫຼຽນ​ຄຳ 8 ຫຼຽນ​ເງິນ ແລະ 8 ຫຼຽນ​ທອງ ຄາ​ຣາ​ເຕ​ໂດ 12 ຫຼຽນ​ຄຳ 12 ຫຼຽນ​ເງິນ ແລະ 24 ຫຼຽນ​ທອງ ວູ​ຊູ 17 ຫຼຽນ​ຄຳ 17 ຫຼຽນ​ເງິນ ແລະ 34 ຫຼຽນ​ທອງ ໜ້າ​ເກັກ-ຍິງ​ທະນູ 22 ຫຼຽນ​ຄຳ 22 ຫຼຽນ​ເງິນ ແລະ 32 ຫຼຽນ​ທອງ ຍິງ​ທະນູ 10 ຫຼຽນ​ຄຳ 10 ຫຼຽນ​ເງິນ ແລະ 20 ຫຼຽນ​ທອງ ໝາກ​ຂ່າງ 9 ຫຼຽນ​ຄຳ 9 ຫຼຽນ​ເງິນ ແລະ 9 ຫຼຽນ​ທອງ ​ກ໊ອຟ 4 ຫຼຽນ​ຄຳ 4 ຫຼຽນ​ເງິນ ແລະ 4 ຫຼຽນ​ທອງ;ໝາກເສິກ 9 ຫຼຽນ​ຄຳ 9 ຫຼຽນ​ເງິນ ແລະ 9 ຫຼຽນ​ທອງ ສະນຸກ​ເກີ 3 ຫຼຽນ​ຄຳ 3 ຫຼຽນ​ເງິນ ແລະ 3 ຫຼຽນ​ທອງ ໂບ​ລິງ 10 ຫຼຽນ​ຄຳ 10 ຫຼຽນ​ເງິນ ແລະ 10 ຫຼຽນ​ທອງ.

    ຂະນະ​ທີ່​ອີກ 1 ປະເພດ​ກີລາ ແມ່ນ​ເປັນ​ກີລາ​ສາທິດ​ຄື: ຣັກ​ບີ້ ເພື່ອ​ກຽມ​ຄວາມ​ພ້ອມ​ບັນຈຸ​ເຂົ້າ​ແຂ່ງຂັນ​ໃນ​ງານ​ມະ​ຫະ​ກຳ​ກີລາ​ແຫ່ງ​ຊາດ ຄັ້ງ​ທີ XII ທີ່​ນະຄອນຫຼວງ​ວຽງ​ຈັນ ຈະ​ຮັບ​ກຽດ​ເປັນ​ເຈົ້າພາບ​ຕໍ່​ໄປ.

                                      

ຂ່າວທີ່ກ່ຽວຂ້ອງ