ຂ່າວຫຼ້າສຸດ

ພື້ນຖານ​ເສດຖະກິດ ​ສປປ ເກົາຫຼີ ມີ​ຄວາມ​ແຈ່ມ​ໃສ

1.078 21 ມ.ກ. 2020 ຂ່າວຕ່າງປະເທດ
ພື້ນຖານ​ເສດຖະກິດ ​ສປປ ເກົາຫຼີ ມີ​ຄວາມ​ແຈ່ມ​ໃສ

   ໃນ​ບົດ​ລາຍ​ງານ​ກ່ຽວ​ກັບ​ຄວາມ​ຫວັງ ແລະ ສະພາບ​ການ​ເສດຖະກິດ​ໂລກ ທີ່​ໄດ້​ນຳ​ອອກ​ມາ​ເຜີຍແຜ່​ເມື່ອ​ບໍ່​ດົນ​ມາ​ນີ້ ກອງ​ປະຊຸມ​ສະຫະ​ປະຊາ​ຊາດ ກ່ຽວ​ກັບ​ການ​ຄ້າ ແລະ ການ​ພັດທະນາ (UNCTAD) ໃຫ້​ຮູ້​ວ່າ ພື້ນຖານ​ເສດຖະກິດ ​ສປປ ເກົາຫຼີ ໃນ​ປີ 2019 ເຕີບ​ໂຕ 1,8% ເມື່ອ​ທຽບໃສ່​ປີ 2018 ປີ 2019 ເປັນ​ຂີດ​ໝາຍ​ລະດັບ​ຄວາມ​ເຕີບ​ໂຕ ຂອງ​ຍອດ​ຜະລິດ​ຕະ​ພັນ​ພາຍ​ໃນ​ປະເທດ (GDP) ເປັນ​ເທື່ອ​ທຳ​ອິດ​ຂອງ ​ສປປ ເກົາຫຼີ ຫຼັງ​ຈາກ​ທີ່​ໄດ້​ຫຼຸດ​ລົງ 4,2% ແລະ  3,5% ຕາມ​ລຳດັບ​ໃນ​ປີ 2018 ແລະ  2017.

    ບັນດາ​ຊ່ຽວຊານ​ໃຫ້ການ​ຄາດ​ຄະເນ​ວ່າ ພື້ນຖານ​ເສດຖະກິດ ​ສປປ ເກົາຫຼີ ຈະ​ສືບຕໍ່​ເຕີບ​ໂຕ​ທີ່​ລະດັບ 2,2% ໃນ​ປີ 2020 ແລະ  2,8% ໃນ​ປີ 2021 GDP ຂອງ ​ສປປ ເກົາຫຼີ ໃນ​ໄລຍະ​ແຕ່​ປີ 1997 ຮອດ​ປີ 2011 ເພີ່ມ​ຂຶ້ນ​ໂດຍ​ສະເລ່ຍ​ທີ່ 0,8% ພື້ນຖານ​ເສດຖະກິດ ​ສປປ ເກົາຫຼີ ໄດ້​ບັນລຸ​ລະດັບ​ເຕີບ​ໂຕ 3,9% ໃນ​ປີ 2016 ແຕ່​ໄດ້​ຫຼຸດ​ລົງ​ເຖິງ 4,2% ໃນ​ປີ 2018 ຊຶ່ງ​ເປັນ​ຍ້ອນ​ຜົນ​ກະທົບ​ຂອງ​ບັນດາ​ມາດ​ຕະການ​ປິດ​ລ້ອມ​ຂອງ​ສາກົນ ທີ່​ພົວພັນ​ເຖິງ​ໂຄງການ​ພັດທະນາ​ນີວ​ເຄລຍ ແລະ ລູ​ກ​ສອນ​ໄຟ​ຂອງ​ປະເທດ​ນີ້.

    ບົດ​ລາຍ​ງານ​ຂອງ ​ສປຊ ກໍ​ໃຫ້​ຮູ້​ວ່າ ເງິນ​ເຟີ້​ກ່ຽວ​ກັບ​ລາຄາ​ບໍລິໂພກ​ຂອງ ​ສປປ ເກົາຫຼີ ເພີ່ມ​ຂຶ້ນ 4,8% ໃນ​ປີ 2019 ແລະ ໄດ້​ຮັບ​ການ​ຄາດ​ຄະເນ​ວ່າ​ຈະ​ສືບຕໍ່​ເພີ່ມ​ຂຶ້ນ 5% ໃນ​ປີ 2020 ແລະ  4,9% ໃນ​ປີ 2021.

ຂ່າວທີ່ກ່ຽວຂ້ອງ