ຂ່າວຫຼ້າສຸດ

ເມັກ​ຊິກ​ສະກັດ​ກັ້ນ​ຜູ້​ຍ້າຍ​ຖິ່ນ​ຖານ​ຢູ່​ໃນ​ເຂດ​ຊາຍ​ແດນ​ທີ່​ຕິດ​ກັບ​ກົວ​ເຕ​ມາລາ

970 21 ມ.ກ. 2020 ຂ່າວຕ່າງປະເທດ
ເມັກ​ຊິກ​ສະກັດ​ກັ້ນ​ຜູ້​ຍ້າຍ​ຖິ່ນ​ຖານ​ຢູ່​ໃນ​ເຂດ​ຊາຍ​ແດນ​ທີ່​ຕິດ​ກັບ​ກົວ​ເຕ​ມາລາ

    ເມື່ອ​ວັນ​ເສົາ​ທີ່​​ຜ່ານ​ມາ ທະຫານ​ຂອງ​ເມັກ​ຊິກ ໄດ້​ກີດ​ກັນ​ຜູ້​ຍ້າຍ​ຖິ່ນ​ຖານ​ຈາກ​ອາ​ເມ​ຣິກ​ກາງ ປະມານ 1.500 ຄົນ ທີ່​ເດີນທາງ​ຈາກ​ປະເທດ​ກົວ​ເຕ​ມາລາ ເຂົ້າ​ໄປ​ໃນ​ປະເທດ​ເມັກ​ຊິກ.

    ກອງ​ກຳລັງ​ປ້ອງ​ກັນ​ປະເທດ​ເມັກ​ຊິກ ກ່າວ​ຢືນຢັນ​ຕໍ່​ບັນດາ​ຜູ້​ຍ້າຍ​ຖິ່ນ​ຖານ ຢູ່​ເທິງ​ຂົວ​ຂ້າມ​ແມ່ນ້ຳ ຊູ​ເຈ​ເຕ ຊຶ່ງ​ເປັນ​ດ່ານ​ຊາຍ​ແດນ ລະຫວ່າງ​ເມັກ​ຊິກ ກັບ ກົວ​ເຕ​ມາລາ ວ່າ​ເຂົາເຈົ້າ (ຜູ້​ຍ້າຍ​ຖິ່ນ​ຖານ) ຈະ​ບໍ່​ສາມາດ​ເຂົ້າ​ເມືອງ​ໄດ້ ຖ້າ​ຫາ​ກວ່າ​ບໍ່​ມີ​ວີ​ຊາ ຫຼື​ໜັງສື​ການ​ເຂົ້າ​ຕັ້ງ​ຖິ່ນ​ຖານ ພ້ອມ​ກັນ​ນັ້ນ​ກໍ​ໄດ້​ກ່າວ​ເຕືອນ​ວ່າ ການ​ກະທຳ​ລັກລອບ​ຂ້າມ​ຊາຍ​ແດນ ເປັນ​ເລື່ອງ​ທີ່​ອັນຕະລາຍ.

    ຜູ້​ຍ້າຍ​ຖິ່ນ​ຖານ​ດັ່ງກ່າວ ສ່ວນ​ຫຼາຍ​ໄດ້​ອອກ​ເດີນທາງ​ຈາກ​ປະເທດ ຮົງ​ດູ​​ຣັສ ເມື່ອ​ວັນ​ທີ 14 ມັງກອນ​ທີ່​ຜ່ານ​ມາ ແລະ ໄປ​ເຖິງ​ຂົວ​ດັ່ງກ່າວ ໃນ​ລັດ ເຊຍ​ປາ​​ສ ໃນ​ວັນ​ທີ 18 ມັງກອນ.

ຂ່າວທີ່ກ່ຽວຂ້ອງ