ຂ່າວຫຼ້າສຸດ

ການນຳນະຄອນຫຼວງ ລະນຶກຄຸນງາມຄວາມດີຂອງນັກຮົບປະຕິວັດ

945 21 ມ.ກ. 2020 ຂ່າວໜ້າ​ໜຶ່ງ
ການນຳນະຄອນຫຼວງ ລະນຶກຄຸນງາມຄວາມດີຂອງນັກຮົບປະຕິວັດ

   ວັນ​ທີ 18 ມັງ­ກອນ 2020 ການ​ນຳ​ນະ­ຄອນ­ຫຼວງ​ວຽງ​ຈັນ (ນວ) ນຳ​ພວງ­ມາ­ລາ​ໄປ​ວາງ​ຢູ່​ອະ­ນຸ­ສາ­ວະ­ລີ​ນັກ­ຮົບ​ນິ­ລະ­ນາມ ກອງ​ບັນ­ຊາ​ການ​ທະ­ຫານ ນວ ເນື່ອງ​ໃນ​ໂອ­ກາດ​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ 20 ມັງ­ກອນ ຄົບ­ຮອບ 71 ປີ ເພື່ອ​ສະ­ແດງ​ຄວາມ​ເຄົາ­ລົບ ກະ­ຕັນ­ຍູ ຮູ້​ບຸນ­ຄຸນ​ຢ່າງ​ສູງ​ຕໍ່​ນັກ­ຮົບ​ປະ­ຕິ­ວັດ ແລະ ຜູ້​ເສຍ­ສະ­ຫຼະ​ຊີ­ວິດ ເລືອດ​ເນື້ອ​ເພື່ອ​ພາ­ລະ­ກິດ​ການ​ປະ­ຕິ­ວັດ ແລະ ເຮັດ​ໃຫ້​ປະ­ເທດ​ຊາດ​ມີ​ຄວາມ​ຢູ່​ເຢັນ​ເປັນ​ສຸກ​ເຖິງ​ທຸກ​ວັນ​ນີ້.

   ການ​ເຂົ້າ​ວາງ​ພວງ­ມາ­ລາ​ຄັ້ງ​ນີ້ ປະ­ກອບ​ມີ ຄະ­ນະ​ອົງ­ການ​ປົກ­ຄອງ ນວ ເຊິ່ງ​ນຳ​ໂດຍ​ທ່ານ ສິນ​ລະ​ວົງ ຄຸດ​ໄພ­ທູນ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ເລ­ຂາ​ຄະ­ນະ​ພັກ ເຈົ້າ​ຄອງ ນວ ປະ­ທານ​ກຳ­ມະ­ການ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະ­ຫງົບ ນວ ແລະ ຄະ­ນະ​ກອງ​ບັນ­ຊາ​ການ​ທະ­ຫານ ນວ ນຳ​ໂດຍ​ທ່ານ ພັນ​ເອກ ບົວ​ເງິນ ຫົງ​ໄຂ ຄຳ ສະ­ມາ­ຊິກ​ສະ­ພາ​ແຫ່ງ​ຊາດ ຮອງ​ຫົວ­ໜ້າ​ກອງ​ບັນ­ຊາ​ການ ຫົວ­ໜ້າ​ຫ້ອງ​ການ­ເມືອງ ທະ­ຫານ ນວ.

ຂ່າວທີ່ກ່ຽວຂ້ອງ