ຂ່າວຫຼ້າສຸດ

ເປີດ “ປີ​ທ່ອງ​ທ່ຽວ​ຈີນ-ບຣູ​ໄນ” ແລະ “ປີ​ທ່ອງ​ທ່ຽວ ວັດທະນະທຳ​ຈີນ-ມາ​ເລ​ເຊຍ”

1.092 20 ມ.ກ. 2020 ຂ່າວຕ່າງປະເທດ
ເປີດ “ປີ​ທ່ອງ​ທ່ຽວ​ຈີນ-ບຣູ​ໄນ” ແລະ  “ປີ​ທ່ອງ​ທ່ຽວ ວັດທະນະທຳ​ຈີນ-ມາ​ເລ​ເຊຍ”

   ກະຊວງ​ວັດທະນະທຳ ແລະ ທ່ອງ​ທ່ຽວ​ຈີນ ເປີດເຜີຍ​ໃນ​ວັນ​ທີ 15 ມັງກອນ​ທີ່​ຜ່ານ​ມາ​ວ່າ ປີ 2020 ເປັນ “ປີ​ທ່ອງ​ທ່ຽວ​ຈີນ-ບຣູ​ໄນ” ແລະ  “ປີ​ທ່ອງ​ທ່ຽວ ວັດທະນະທຳ​ຈີນ-ມາ​ເລ​ເຊຍ”.

    ຕາມ​ນັ້ນແລ້ວ ໃນ​ວັນ​ທີ 17 ມັງກອນ ກະຊວງ​ວັດທະນະທຳ ແລະ ທ່ອງ​ທ່ຽວ​ຈີນ ຈັດ​ພິທີ​ເປີດ​ປີ​ທ່ອງ​ທ່ຽວ ແລະ ດຳເນີນ​ກິດຈະກຳ​ຕ່າງໆ ຮ່ວມ​ກັບ​ກະຊວງ​ຊັບພະຍາກອນ​ຂັ້ນ​ຕົ້ນ ແລະ ທ່ອງ​ທ່ຽວ​ບຣູ​ໄນ ໂດຍ​ຈັດ​ຂຶ້ນ​ຢູ່​ນະຄອນຫຼວງ​ບັນດາ​ເຊຣີ​ເບ​ກາ​ວັນ ຂອງ​ປະເທດ​ບຣູ​ໄນ ແລະ ຈັດ​ພິທີ​ເປີດ​ປີ​ທ່ອງ​ທ່ຽວ ແລະ ດຳເນີນ​ກິດຈະກຳ​ຕ່າງໆ ຮ່ວມ​ກັບ​ກະຊວງ​ທ່ອງ​ທ່ຽວ ສິລະ​ປະ ແລະ ວັດທະນະທຳ​ມາ​ເລ​ເຊຍ ໂດຍ​ຈັດ​ຂຶ້ນ​ທີ່​ນະຄອນຫຼວງ​ກົວ​ລາ​ລຳ​ເປີ ຂອງ​ມາ​ເລ​ເຊຍ ໃນ​ວັນ​ທີ 19 ມັງກອນ​ນີ້.

    ຕາມ​ວາລະ​ຂອງ​ພິທີ​ດັ່ງກ່າວ ແມ່ນ​ຈະ​ປະກອບ​ດ້ວຍ​ສອງ​ພາກສ່ວນ​ຄື ງານ​ໂຄສະນາ ແລະ ງານ​ປຶກສາ​ຫາລື​ການ​ຄ້າ​ລະຫວ່າງ​ຈີນ-ບຣູ​ໄນ ແລະ ມາ​ເລ​ເຊຍ ຊຶ່ງ​ຈະ​ຈັດ​ຂຶ້ນ​ຢູ່​ນະຄອນຫຼວງ​ຂອງ​ສອງ​ປະເທດ​ດັ່ງກ່າວ ໂດຍ​ຜູ້ຕາງໜ້າ​ທີ່​ມາ​ຈາກ​ອົງ​ການທ່ອງທ່ຽວ ແລະ ວິ​ສາ​ຫະ​ກິດ​ທ່ອງ​ທ່ຽວ​ທຸກ​ຂັ້ນ​ຂອງ​ຈີນ ຈະ​ເຂົ້າ​ຮ່ວມ​ງານ​ໂຄສະນາ ແລະ ການ​ປຶກສາ​ຫາລື​ກັບ​ຜູ້ຕາງໜ້າ​ຈາກ​ບຣູ​ໄນ ແລະ ມາ​ເລ​ເຊຍ ກາ​ໝາຍ “ປີ​ທ່ອງ​ທ່ຽວ​ຈີນ-ບຣູ​ໄນ” ແລະ  “ປີ​ທ່ອງ​ທ່ຽວ ວັດທະນະທຳ​ຈີນ-ມາ​ເລ​ເຊຍ” ກໍ​ຈະ​ເປີດເຜີຍ​ຕໍ່​ສາທາລະນະ​ຊົນ​ໃນ​ພິທີ​ເປີດ​ງານ​ດັ່ງກ່າວ.

ຂ່າວທີ່ກ່ຽວຂ້ອງ