ຂ່າວຫຼ້າສຸດ

ປະຊາຊົນ​ຊີ​ຣີ​ຫຼາຍ​ແສນ​ຄົນ ອົບ​ພະ​ຍົບ​ໜີ​ໄພ​ອອກ​ໄປ​ຈາກ​ແຂວງ​ອິດ​ລິບ

1.013 20 ມ.ກ. 2020 ຂ່າວຕ່າງປະເທດ
ປະຊາຊົນ​ຊີ​ຣີ​ຫຼາຍ​ແສນ​ຄົນ ອົບ​ພະ​ຍົບ​ໜີ​ໄພ​ອອກ​ໄປ​ຈາກ​ແຂວງ​ອິດ​ລິບ

   ສະຫະ​ປະຊາ​ຊາດ (​ສປຊ) ແຈ້ງ​ໃຫ້​ຮູ້ເມື່ອ​ວັນ​ທີ 16 ມັງກອນ​ທີ່​ຜ່ານ​ມາ​ວ່າ ປະຊາຊົນ​ຊີ​ຣີ ປະມານ 350.000 ຄົນ ຊຶ່ງ​ສ່ວນ​ຫຼາຍ​ເປັນ​ແມ່ຍິງ ແລະ ເດັກນ້ອຍ ຕ້ອງ​ໄດ້​ອົບ​ພະ​ຍົບ​ອອກ​ໄປ​ຈາກ​ແຂວງ​ອິດ​ລິບ ຂອງ​ຊີ​ຣີ ແລະ ຊອກ​ຫາ​ບ່ອນ​ລີ້​ຊ່ອນ​ຢູ່​ໃນ​ເຂດ​ໃກ້​ກັບ​ຊາຍ​ແດນ​ຕວກ​ກີ ຍ້ອນ​ເກີດ​ການ​ໂຈມ​ຕີ​ຈາກ​ຝ່າຍ​ຕ່າງໆ​ຢູ່​ໃນ​ແຂວງ​ດັ່ງກ່າວ.

    ຫ້ອງການ​ປະສານ​ງານ​ບັນດາ​ບັນຫາ​ດ້ານ​ມະນຸດສະທຳ ຂອງ​ສະຫະ​ປະຊາ​ຊາດ (OCHA) ແຈ້ງ​ໃຫ້​ຮູ້​ຢູ່​ໃນ​ແຈ້ງ​ການ​ໃໝ່​ຫຼ້າ​ສຸດ ວ່າ​ສະພາບ​ການ​ດ້ານ​ມະນຸດສະທຳ​ຢູ່​ໃນ​ແຂວງ​ອິດ​ລິບ ສືບຕໍ່​ຂີ້ຮ້າຍ​ລົງ ຍ້ອນ​ການ​ກະທຳ​ເປັນ​ປໍ​ລະ​ປັກ​ເພີ່ມ​ຂຶ້ນ​ດັ່ງກ່າວ.

ໃນ​ຂະນະ​ດຽວ​ກັນ ຂ່າວສານ AFP ລາຍ​ງານ​ວ່າ ອົງການ​ຕິດຕາມ​ສິດທິ​ມະນຸດ​ຊີ​ຣີ (SOHR) ແຈ້ງ​ໃຫ້​ຮູ້ເມື່ອ​ວັນ​ທີ 16 ມັງກອນ ວ່າການ​ຕໍ່ສູ້​ຮ້າຍ​ແຮງ ລະຫວ່າງ​ກອງ​ກຳລັງ​ທີ່​ເປັນ​ມິດ​ກັບ​ລັດຖະບານ​ຊີ​ຣີ ກັບ​ພວກ​ມື​ປືນ​ລຸກ​ຮື​ຂຶ້ນ​ຢູ່​ໃນ​ແຂວງ​ອິດ​ລິບ ໄດ້​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 39 ຄົນ.

ຂ່າວທີ່ກ່ຽວຂ້ອງ