ຂ່າວຫຼ້າສຸດ

ຫວຽດນາມ ເສຍ​ໃຫ້ ​ສປປ ເກົາຫຼີ ຕົກ​ຮອບ​ແບ່ງ​ກຸ່ມ​ເຕະບານ​ຊາຍ

542 20 ມ.ກ. 2020 ວົງຈອນກີລາ
ຫວຽດນາມ ເສຍ​ໃຫ້ ​ສປປ ເກົາຫຼີ ຕົກ​ຮອບ​ແບ່ງ​ກຸ່ມ​ເຕະບານ​ຊາຍ

   ການ​ແຂ່ງຂັນ​ເຕະບານ​ຊາຍ​ຮຸ່ນ​ອາຍຸ​ບໍ່​ເກີນ 23 ປີ ຊີງ​ແຊັມ​ອາຊີ 2020 ທີ່​ປະເທດ​ໄທ ເປັນ​ເຈົ້າພາບ ໃນ​ວັນ​ທີ 8–26 ມັງກອນ 2020 ການ​ແຂ່ງຂັນ​ນັດ​ສຸດ​ທ້າຍ​ຂອງ​ກຸ່ມ D ວັນ​ທີ 16 ມັງກອນ​ນີ້ ທີມ​ຊາດ​ຫວຽດນາມ ຮອງ​ແຊັມ​ຄັ້ງ​ຜ່ານ​ມາ​ຢຸດ​ພຽງ​ຮອບ​ແບ່ງ​ກຸ່ມ ເມື່ອ​ບໍ່​ສາມາດ​ຊະນະ ​ສປປ ເກົາຫຼີ ໂດຍ​ຫວຽດນາມ​ໄດ້​ປະຕູ​ນຳ​ກ່ອນ​ຈາກ ຫງວ​​ຽນ ທ່ຽນ​ລິ້ງ ນາທີໆ 16 ແຕ່​ຖືກ​ຍິງ​ແຊງ 2 ປະຕູ ຈາກ​ເຮັດ​ບານ​ເຂົ້າ​ປະຕູ​ຕົນ​ເອງ ນາທີໆ 27 ແລະ ເສຍ​ຈຸດ​ໂທດ​ນາທີໆ 90 ຈາກ​ການ​ສັງຫານ​ຂອງ ລີ​ຊຸງ​ຈູ ຈົບ​ເກມ ​ສປປ ເກົາຫຼີ ແຊງ​ຊະນະ ຫວຽດນາມ 2-1 ຕົກ​ຮອບ​ນຳ​ກັນ.

    ສ່ວນ​ຜົນ​ອີກ​ຄູ່​ໜຶ່ງ​ໃນ​ກຸ່ມ​ດຽວ​ກັນ ​ຊ​ອັກ​ດາ​ນີ້ ສະເໝີ​ກັບ​ສະຫະລັດ​ອາ​ຣັບ​ເອ​ມີ​ເຣດ 1-1 ກຸ່ມ​ນີ້​ຈົບ 3 ນັດ ສະຫະລັດ​ອາ​ຣັບ​ເອ​ມີ​ເຣດ ເປັນ​ທີ​ໜຶ່ງ​ຂອງ​ກຸ່ມ ມີ 5 ຄະແນນ ເທ​​ົ່​ກັບ ​ຊ​ອັກ​ດາ​ນີ້ ແຕ່​ປະຕູ​ໄດ້​ເສຍ​ດີ​ກວ່າ +2 ແລະ +1 ເຂົ້າ​ຮອບ 8 ທີມ​ສຸດ​ທ້າຍ​ທັງ​ສອງ​ທີມ ຂະນະ​ທີ່ ​ສປປ ເກົາຫຼີ ມີ 3 ຄະແນນ ແລະ ຫວຽດນາມ ມີ 2 ຄະແນນ​ຕົກ​ຮອບ.

    ສຳລັບ​ຮອບ 8 ທີມ​ສຸດ​ທ້າຍ ທີມ​ຊາດ​ໄທ ເຈົ້າພາບ​ເຂົ້າ​ຮອບ 8 ທີມ​ສຸດ​ທ້າຍ​ເປັນ​ຄັ້ງ​ທຳ​ອິດ​ພົບ​ກັບ​ທີມ​ຊາດ​ຊາ​ອຸ​ດິ​ອາ​ຣາ​ເບຍ ຈະ​ແຂ່ງຂັນ​ວັນ​ທີ 18 ມັງກອນ 2020 ທີ່​ສະໜາມ​ທຳ​ມະ​ສາດ ຂະນະ​ທີ່​ທີມ​ຊາດ​ອົດ​ສະ​ຕຣາ​ລີ ພົບ​ກັບ​ທີມ​ຊາດ ຊີ​ຣີ ຈະ​ແຂ່ງຂັນ​ໃນ​ວັນ​ດຽວ​ກັນ​ທີ່​ຣາ​​ຊ​ມັງ​ຄາ​ລາ.

                                                                                    

ຂ່າວທີ່ກ່ຽວຂ້ອງ