ຂ່າວຫຼ້າສຸດ

ນັກກີລາ​ຍິງ​ທະນູ​ລາວ ຮ່ວມ​ທົດ​ສອບ​ຄວາມ​ສາມາດ​ທີ່​ປະເທດ​ໄທ

536 20 ມ.ກ. 2020 ວົງຈອນກີລາ
ນັກກີລາ​ຍິງ​ທະນູ​ລາວ ຮ່ວມ​ທົດ​ສອບ​ຄວາມ​ສາມາດ​ທີ່​ປະເທດ​ໄທ

    ນັກກີລາ​ຍິງ​ທະນູ​ທີມ​ຊາດ​ລາວ 4 ຄົນ ແລະ 1 ຄູ​ເຝິກ ໄດ້​ເດີນທາງ​ໄປ​ແຂ່ງຂັນ​ທົດ​ສອບ​ຄວາມ​ສາມາດ​ລາຍການ Lampang Archery Open Championship 2020 ທີ່​ແຂວງ​ລຳ​ປາງ ປະເທດ​ໄທ ໃນ​ວັນ​ທີ 17-19 ມັງກອນ 2020.

    ສຳລັບ​ນັກກີລາ​ຍິງ​ທະນູ​ລາວ 4 ຄົນ​ປະກອບ​ມີ: ທ້າວ ແບັກ ທ່ຽມ​ພະ​ສອນ ທ້າວ ຄຳ​ມະນີ ອີນ​ສະຫຼອງ  ນາງ ບອຍ ທ່ຽມ​ພະ​ສອນ ແລະ ນາງ ລັດດາ​ວຽງ ທາດ​ຊຳ​ລອງ  ສ່ວນ ທ່ານ ຄຳ ຫວານ ວັນ​ລິ​ວົງ ເຈົ້າ​ຂອງ​ຫຼຽນ​ຄຳ ຍິງ​ທະນູ​ປະເພດ​ຄູ່​ປະສົມ ກີລາ​ຊີເກມ ປີ 2013 ຮັບ​ໜ້າທີ່​ເປັນ​ຜູ້​ຈັດການ​ທີມ ແລະ ຄູ​ເຝິກ.

    ການ​ເຂົ້າ​ຮ່ວມ​ແຂ່ງຂັນ​ຄັ້ງ​ນີ້ ໄດ້​ຮັບ​ການ​ສະໜັບສະໜູນ​ຈາກ​ຄະນະ​ອຳນວຍ​ການ​ໂຮງຮຽນ​ພອນ​ສະຫວັນ​ກີລາ-ກາ​ຍະ​ກຳ ກົມ​ກີລາ​ລະດັບ​ສູງ ກະຊວງ​ສຶກ​ສາ​ທິ​ການ ແລະ ກີລາ ສະຫະພັນ​ກີລາ​ຍິງ​ທະນູ​ແຫ່ງ​ຊາດ ແລະ ທ່ານ ພຸດ​ທະ​ສັກ ສຸກ​ອາ​ລຸນ ຜູ້ອຳນວຍການ​ສະໜາມ​ກີລາ​ເຝິກຊ້ອມ​ຍິງ​ປືນ 5 ເມສາ.

ຂ່າວທີ່ກ່ຽວຂ້ອງ