ຂ່າວຫຼ້າສຸດ

ໄຂ້ຍຸງລາຍປີ 2019 ເປັນປີລະບາດໃຫຍ່ຢູ່ຂົງເຂດອາຊີຕາເວັນອອກສຽງໃຕ້

1.969 17 ມ.ກ. 2020 ຂ່າວໜ້າ​ໜຶ່ງ

   ສະ­ພາບ​ໄຂ້­ຍຸງ​ລາຍ​ປີ 2019 ຖື​ເປັນ​ປີ​ລະ­ບາດ​ໃຫຍ່ ເຊິ່ງ​ບໍ່​ສະ­ເພາະ​ຢູ່​ໃນ​ລາວ ແຕ່​ເປັນ​ການ​ລະ­ບາດ​ຢູ່​ຂົງ­ເຂດ​ອາ­ຊີ​ຕາ ເວັນ​ອອກ­ສຽງ​ໃຕ້​ໂດຍ​ມີ​ຄົນ​ເຈັບ ແລະ ເສຍ​ຊີ­ວິດ​ໃນ​ຫຼາຍ​ປະ­ເທດ​ດັ່ງ­ນີ້: ປະ­ເທດ​ມາ​ເລ​ເຊຍ​ກໍ­ລະ­ນີ​ເຈັບ­ເປັນ 119.524 ກໍ­ລະ­ນີ ເສຍ​ຊີ­ວິດ 164 ຄົນ ປະ­ເທດ​ຟີ​ລິ​ປິນ ກໍ­ລະ­ນີ​ເຈັບ­ເປັນ 402.694 ກໍ­ລະ­ນີ ເສຍ​ຊີ­ວິດ 1.512 ຄົນ ປະ­ເທດ​ໄທ ກໍ­ລະ­ນີ​ເຈັບ­ເປັນ 125.235 ກໍ­ລະ­ນີ ເສຍ​ຊີ­ວິດ 131 ຄົນ ປະ­ເທດ​ສິງ­ກະ­ໂປ ກໍ­ລະ­ນີ​ເຈັບ­ເປັນ 14.657 ກໍ­ລະ­ນີ ເສຍ​ຊີ­ວິດ 9 ຄົນ ປະ­ເທດ​ຫວຽດ­ນາມ ກໍ­ລະ­ນີ​ເຈັບ­ເປັນ 241.863 ກໍ­ລະ­ນີ ເສຍ​ຊີ­ວິດ 43 ຄົນ ປະ­ເທດ​ມຽນ​ມາ ກໍ­ລະ­ນີ​ເຈັບ­ເປັນ 13.048 ກໍ­ລະ­ນີ ເສຍ​ຊີ­ວິດ 68 ຄົນ ປະ­ເທດ​ກຳ­ປູ­ເຈຍ ກໍ­ລະ­ນີ​ເຈັບ­ເປັນ 24.654 ກໍ­ລະ­ນີ ເສຍ​ຊີ­ວິດ 25 ຄົນ ແລະ ປະ­ເທດ​ລາວ​ມີ​ຄົນ​ເຈັບ 39.000 ຄົນ ເສຍ​ຊີ­ວິດ 76 ຄົນ.

   ກອງ​ປະ­ຊຸມ​ຖອດ​ຖອນ​ບົດ­ຮຽນ ການ­ຈັດ­ຕັ້ງ​ປະ­ຕິ­ບັດ​ການ​ກັນ ແລະ ຄວບ​ຄຸມ­ພະ​ຍາດ​ໄຂ້­ຍຸງ​ລາຍ​ທົ່ວ​ປະ­ເທດ ປີ 2019 ແລະ ທິດ​ທາງ​ແຜນ­ການ ປີ 2020 ຈັດ​ຂຶ້ນ​ວັນ​ທີ 15-16 ມັງ­ກອນ 2020 ທີ່​ທ່າ​ລາດ ແຂວງ​ວຽງ​ຈັນ ມີ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ຫົວ­ໜ້າ​ກົມ ສູນ ອ້ອມ​ຂ້າງ​ກະ­ຊວງ​ສາ​ທາ ກົມ​ສັງ­ຄົມ​ສະ­ພາ​ແຫ່ງ​ຊາດ ອົງ­ການ​ຈັດ ຕັ້ງ​ມະ­ຫາ­ຊົນ ອົງ​ການ­ຈັດ­ຕັ້ງ​ສາ­ກົນ ຫົວ­ໜ້າ ຮອງ​ຫົວ­ໜ້າ​ພະ​ແນກ​ສາ­ທາ­ລະ­ນະ​ສຸກ​ແຂວງ​ທົ່ວ​ປະ­ເທດ​ເຂົ້າ​ຮ່ວມ.

   ໂອ­ກາດ​ນີ້ ທ່ານ ບຸນ​ກອງ ສີ​ຫາ​ວົງ ໄດ້​ໃຫ້​ທິດ​ຊີ້​ນຳ​ພະ­ນັກ­ງານ-ລັດ­ຖະ­ກອນ​ສາ­ທາ­ລະ­ນະ​ສຸກ ໂດຍ​ໄດ້​ເນັ້ນ​ໃສ່​ຫຼາຍ​ບັນ ຫາ​ທີ່​ສຳ­ຄັນ ເຊັ່ນ: ອຳ­ນາດ​ການ​ປົກ­ຄອງ​ແຕ່​ລະ​ຂັ້ນ​ຕ້ອງ​ເອົາ­ໃຈ­ໃສ່ ຊີ້​ນຳ-ນຳ­ພາ​ປະ­ຊາ­ຊົນ ໃນ​ຂັ້ນ​ຂອງ​ຕົນ​ໃຫ້​ເປັນ​ເຈົ້າ​ການ​ໃນ​ການ​ປະ­ຕິ­ບັດ 5ປ ເພື່ອ​ປ້ອງ​ກັນ​ການ​ແຜ່­ພັນ​ຂອງ​ຍຸງ​ລາຍ ໂດຍ​ການ​ກຳ­ຈັດ​ແຫຼ່ງ​ເພາະ​ພັນ​ຍຸງ​ລາຍ​ໃນ​ເຮືອນ ແລະ ຊຸມ​ຊົນ​ຂອງ​ຕົນ​ເອງ ສຳ­ລັບ​ແພດ​ໝໍ​ໃຫ້​ເອົາ­ໃຈ­ໃສ່​ໃນ​ການ​ຄຸ້ມ​ຄອງ​ກໍ­ລະ­ນີ​ຄົນ​ເຈັບ​ຢູ່​ໃນ​ໂຮງ­ໝໍ ເວ­ລາ​ຄົນ​ເຈັບ​ມາ​ເຖິງ​ໂຮງ­ໝໍ​ໃຫ້​ສາ­ມາດ​ປິ່ນ­ປົວ​ໄດ້​ໂດຍ​ບໍ່​ໃຫ້​ມີ​ການ​ເສຍ​ຊີ­ວິດ ຫຼື ມີ​ກໍ​ໃຫ້​ໜ້ອຍ​ທີ່​ສຸດ ຍົກ​ລະ­ດັບ​ຄວາມ​ສາ­ມາດ​ຂອງ​ພະ­ນັກ­ງານ​ໃນ​ການ​ປິ່ນ­ປົວ​ໄຂ້­ຍຸງ​ລາຍ ລວມ​ທັງ​ການ​ໃຫ້​ຂໍ້​ມູນ​ຄົນ​ເຈັບ​ໃນ​ເວ­ລາ​ມາ​ປິ່ນ­ປົວ ເຮັດ​ການ​ໂຄ­ສະ­ນາ​ໃຫ້​ປະ­ຊາ­ຊົນ ຊຸມ​ຊົນ​ມີ​ຄວາມ​ເຂົ້າ­ໃຈ​ຕື່ນ​ຕົວ​ເປັນ​ເຈົ້າ​ການ​ໃນ​ການ​ປະ­ຕິ­ບັດ 5ປ ເພື່ອ​ປ້ອງ​ກັນ​ໄຂ້­ຍຸງ​ລາຍ ເພາະ​ການ​ປ້ອງ​ກັນ​ທີ່​ເຮັດ​ໄດ້ ແລະ ຖາ­ວອນ​ມີ​ແຕ່​ການ​ທຳ­ລາຍ​ແຫຼ່ງ​ເພາະ​ຂອງ​ຍຸງ​ລາຍ​ເທົ່າ​ນັ້ນ “ບໍ່​ມີ​ໜອນ​ນ້ຳ ບໍ່​ມີ​ຍຸງ​ລາຍ ບໍ່​ມີ​ໄຂ້­ຍຸງ​ລາຍ.

ຂ່າວທີ່ກ່ຽວຂ້ອງ