ຂ່າວຫຼ້າສຸດ

ກຽມເນື້ອໃນສຳຄັນ ທີ່ນຳເຂົ້າສະເໜີຕໍ່ກອງປະຊຸມສະພາ ນວ

1.439 17 ມ.ກ. 2020 ຂ່າວໜ້າ​ໜຶ່ງ
ກຽມເນື້ອໃນສຳຄັນ ທີ່ນຳເຂົ້າສະເໜີຕໍ່ກອງປະຊຸມສະພາ ນວ

   ວັນ​ທີ 16 ມັງ­ກອນ 2020 ທີ່​ຫ້ອງ​ວ່າ­ການ​ປົກ­ຄອງ ນະ­ຄອນ­ຫຼວງ​ວຽງ​ຈັນ (ນວ) ໄດ້​ຈັດ​ສຳ​ມະ​ນາ​ລະ­ຫວ່າງ​ອົງ­ການ​ປົກ­ຄອງ ແລະ ສະ­ພາ​ປະ­ຊາ­ຊົນ ນວ ເປັນ​ປະ­ທານ​ຮ່ວມ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ ນວ ແລະ ທ່ານ ອາ­ນຸ­ພາບ ຕຸ​ນາ​ລົມ ປະ­ທານ​ສະ­ພາ​ປະ­ຊາ­ຊົນ ນວ ມີ​ບັນ­ດາ​ຮອງ​ເຈົ້າ​ຄອງ ຫົວ­ໜ້າ​ພະ­ແນກ­ການ ອົງ­ການ​ທຽບ​ເທົ່າ ເມືອງ ແລະ ສາ​ມາ​ຊິກ​ສະ​ພາ­ເຂົ້າ​ຮ່ວມ.

   ກອງ​ປະ­ຊຸມ​ຄັ້ງ​ນີ້ ຜູ້​ເຂົ້າ​ຮ່ວມ​ໄດ້​ຮັບ​ຟັງ​ລາຍ​ງານ ແລະ ໃຫ້​ທິດ​ຊີ້​ນຳ​ກ່ຽວ​ກັບ​ຕົວ​ເລກ​ຄາດ­ໝາຍ​ໃຫຍ່​ຂອງ ນວ ປີ 2020 (ເສດ­ຖະ­ກິດ​ມະ­ຫາ​ພາກ ແລະ ຕົວ​ເລກ​ລາຍ​ຮັບ) ກວດ­ກາ​ຄືນ​ຄວາມ​ພ້ອມ​ຂອງ​ຮ່າງ​ນິ­ຕິ​ກຳ​ຂອງ ນວ ທີ່​ຈະ​ສະ­ເໜີ​ຕໍ່​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 8 ຂອງ​ສະ­ພາ​ປະ­ຊາ­ຊົນ ນວ ຊຸດ​ທີ I ຮັບ­ຮອງ​ປະ­ກອບ​ມີ: ການ​ປັບ­ປຸງ​ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ປະ​ເມີນ​ລາ­ຄາ​ທີ່​ດິນ​ທົ່ວ ນວ ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ສ້າງ ນວ ສະ­ຫວ່າງ ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ພັດ­ທະ­ນາ ນວ ໃຫ້​ເປັນ​ຕົວ​ເມືອງ​ສີ­ຂຽວ ແລະ ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ຄວບ​ຄຸມ​ສຽງ​ເນືອງ​ນັນ​ທີ່​ກະ­ທົບ​ໃສ່​ຊຸມ​ຊົນ​ໃນ​ຕົວ​ເມືອງ ແລະ ຊານ­ເມືອງ ຕາມ​ທິດ​ຊີ້​ນຳ​ຂອງ​ສະ­ພາ​ປະ­ຊາ­ຊົນ ນວ ຜ່ານ​ມາ ຈາກ​ນັ້ນ ຜູ້​ເຂົ້າ​ຮ່ວມ​ໄດ້​ພ້ອມ​ກັນ​ແລກ­ປ່ຽນ​ປະ­ກອບ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປ​ກົງ​ມາ ເພື່ອ​ເຮັດ​ໃຫ້​ຮ່າງ​ຂໍ້​ຕົກ­ລົງ​ມີ​ເນື້ອ​ໃນ​ຄົບ​ຖ້ວນ ຮັດ­ກຸມ ລະ­ອຽດ ຈະ­ແຈ້ງ ເພື່ອ​ຈະ​ນຳ­ໄປ​ສະ­ເໜີ​ຕໍ່​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 8 ຂອງ​ສະ­ພາ​ປະ­ຊາ­ຊົນ ນວ ຊຸດ​ທີ I ທີ່​ຈະ​ໄດ້​ຈັດ​ຂຶ້ນ​ໃນ​ອາ­ທິດ​ໜ້າ ໄດ້​ພິ­ຈາ­ລະ­ນາ​ຮັບ­ຮອງ​ເອົາ.

ຂ່າວທີ່ກ່ຽວຂ້ອງ