ຂ່າວຫຼ້າສຸດ

ສ້າງເຮືອນຄົວລວມ ໃຫ້ທະຫານນະຄອນຫຼວງ

1.273 17 ມ.ກ. 2020 ຂ່າວໜ້າ​ໜຶ່ງ
ສ້າງເຮືອນຄົວລວມ ໃຫ້ທະຫານນະຄອນຫຼວງ

   ພິ­ທີ ມອບ-ຮັບ ການ​ກໍ່­ສ້າງ​ເຮືອນ­ຄົວ​ລວມ​ຍິງ​ໂສດ ກອງ​ບັນ­ຊາ​ການ​ທະ­ຫານ ນະ­ຄອນ­ຫຼວງ​ວຽງ​ຈັນ(ນວ) ໂດຍ​ອີງ​ຕາມ​ການ​ຕົກ­ລົງ​ເຫັນ​ດີ​ຂອງ​ຄະ­ນະ​ພັກ ຄະ­ນະ​ບັນ­ຊາ ກອງ​ບັນ­ຊາ​ການ​ທະ­ຫານ ນວ ກ່ຽວ​ກັບ​ວຽກ​ງານ​ປັບ­ປຸງ​ລະ­ບົບ​ເຮືອນ­ຄົວ​ຂອງ​ເອື້ອຍ​ນ້ອງ​ຍິງ​ໂສດ​ໃຫ້​ເຂົ້າ​ສູ່​ລະ­ບົບ ລະ­ບຽບ ແລະ ຖືກ​ສຸ​ຂະ​ອາ­ນາ​ໄມ ຈັດ​ຂຶ້ນ​ວັນ​ທີ 14 ມັງ­ກອນ 2020 ກ່າວ​ມອບ​ໂດຍ​ທ່ານ ພູ​ວົງ ວົງ​ຄຳ​ຊາວ ຫົວ­ໜ້າ​ຫ້ອງ​ວ່າ­ການ ນວ ແລະ ກ່າວ​ຮັບ​ໂດຍ​ທ່ານ ພົ​ຈວ ສີ​ພອນ ຈັນ​ສົມ​ວົງ ຫົວ­ໜ້າ​ການ­ເມືອງ​ກອງ​ບັນ­ຊາ​ການ​ທະ­ຫານ ນວ ມີ​ຄະ­ນະ​ພັກ-ຄະ­ນະ​ບັນ­ຊາ ພະ­ແນກ­ການ​ທີ່​ກ່ຽວ­ຂ້ອງ​ພາຍ​ໃນ​ກົມ​ກອງ ແລະ ພາກ­ສ່ວນ​ອົງ­ການ​ປົກ­ຄອງ ນວ ເຂົ້າ​ຮ່ວມ.

   ທ່ານ ຈັນ​ເພັງ ສີ​ສຸ­ບັນ ຫົວ­ໜ້າ​ພະ​ແນກ​ກໍ່­ສ້າງ ກ່າວ​ວ່າ: ໂຄງ­ການ​ໄດ້​ເລີ່ມ​ກໍ່­ສ້າງ ວັນ​ທີ 12 ກັນ­ຍາ 2019 ເປັນ­ຕົ້ນ​ມາ ໂດຍ​ທຶນ​ຊ່ວຍ­ເຫຼືອ​ຂອງ​ອົງ­ການ​ປົກ­ຄອງ ນວ ມູນ​ຄ່າ 50 ລ້ານ​ກີບ ແລະ ກອງ​ບັນ­ຊາ​ການ​ທະ­ຫານ ນວ ໄດ້​ສົມ­ທົບ​ທຶນ​ໃນ​ການ​ປະ­ກອບ​ວັດ­ຖຸ ຊຸດ​ໂຕະ ຕັ່ງ 6 ຊຸດ ມູນ​ຄ່າ 572.000 ກີບ ສ່ວນ​ລັກ­ສະ­ນະ​ຂອງ​ເຮືອນ­ຄົວ​ເປັນ​ເຮືອນ​ກໍ່​ຊັ້ນ​ດຽວ ຂະ­ໜາດ​ກວ້າງ 4 ແມັດ ແລະ ຍາວ 9 ແມັດ ພື້ນ​ເບ​ຕົງ​ທຳ​ມະ​ດາ ຝາ​ກໍ່​ດ້ວຍ​ດິນ​ບ໋ອກ ໂຄງ​ຫຼັງ­ຄາ​ເຫຼັກ​ມຸງ​ດ້ວຍ​ກະ­ເບື້ອງ ປະ­ກອບ​ມີ: ໄຟ­ຟ້າ ແລະ ນ້ຳ​ປະ­ປາ ໂດຍ​ແມ່ນ​ອ້າຍ​ນ້ອງ​ຊາຍ​ກອງ­ຮ້ອຍ​ກໍ່­ສ້າງ​ເປັນ​ຜູ້​ກໍ່­ສ້າງ.

ຂ່າວທີ່ກ່ຽວຂ້ອງ