ຂ່າວຫຼ້າສຸດ

ລາວ​ໂຕ​ໂຢ​ຕ້າ ໄດ້​ສິດ​ຢືນ​ຮອບ 8 ທີມ ລາຍການ​ລະດັບ​ນານາ​ຊາດ

575 17 ມ.ກ. 2020 ວົງຈອນກີລາ
ລາວ​ໂຕ​ໂຢ​ຕ້າ ໄດ້​ສິດ​ຢືນ​ຮອບ 8 ທີມ ລາຍການ​ລະດັບ​ນານາ​ຊາດ

    ລາວ​ໂຕ​ໂຢ​ຕ້າ ເອ​​ັຟ​ຊີ ແຊັມ​ເປບ​ຊີ ລາວ​ພຣີ​ເມຍ​ລີກ 2019 ກຽມ​ລົງ​ແຂ່ງຂັນ​ລາຍການ​ອຸ່ນ​ເຄື່ອງ​ທີ່​ມີ​ຄຸນ​ນະ​ພາບ ໃນ​ລາຍການ LEO PRE-SEASON CUP 2020 ເຊິ່ງ​ລາຍການ​ນີ້ ລາວ​ໂຕ​ໂຢ​ຕ້າ ເອ​​ັຟ​ຊີ ໄດ້​ສິດ​ຢືນ​ໃນ​ຮອບ 8 ທີມ​ສຸດ​ທ້າຍ​ມີ​ໂອກາດ​ພົບ​ກັບ ລໍຖ້າ​ພົບ​ທີມ​ຊັ້ນ​ນຳ​ຂອງ​ປະເທດ​ໄທ ໃນ​ວັນ​ທີ 26 ມັງກອນ 2020.

    ລາຍການ​ດັ່ງກ່າວ ທີ່​ຈະ​ເປີດ​ສາກ​ຂຶ້ນ​ໃນ​ວັນ​ທີ 18 ມັງກອນ 2020 ໄປ​ຈົນ​ເຖິງ 1 ກຸມພາ 2020 ໂດຍ​ມີ 16 ສະໂມສອນ​ຊັ້ນ​ນຳ​ຈາກ 5 ປະເທດ​ເຂົ້າ​ຮ່ວມ ປະກອບ​ມີ ທີມ​ຈາກ​ປະເທດ​ໄທ ນຳ​ໂດຍ ສິງ ຊຽງ​ຣາຍ ຢູ​ໄນ​ເຕັດ ແຊັມ​ໄທ​ລີກ 1 (ລີກ​ສູງ​ສຸດ​ຂອງ​ປະເທດ​ໄທ) ບີ​ຈີ ປະທຸມ ຢູ​ໄນ​ເຕັດ ແຊັມ​ໄທ​ລີກ 2 ການ​ທ່າເຮືອ ເອ​​ັຟ​ຊີ ແຊັມ​ເອ​ເອ​​ັຟ ຄັບ ປະເທດ​ໄທ ແລະ ປຣະ​ຈວບ ເອ​​ັຟ​ຊີ ແຊັມ​ລີກ​ຄັບ ລວມ​ເຖິງ​ສະໂມສອນ​ຊັ້ນ​ນຳ​ຂອງ​ປະເທດ​ໄທ ນຳ​ໂດຍ ເອ​​ັສ​ຊີ​ຈີ ເມືອງ​ທອງ ຢູ​ໄນ​ເຕັດ ນະ ຄອນ​ຣາດ​ຊະ​ສີມາ ມາ​​ສ​ດ້າ ເອ​​ັຟ​ຊີ ໄຊ​ນາດ ຮອນ​ບິ​​ລ ເອ​​ັຟ​ຊີ ຊຽງ​ໃໝ່ ເອ​​ັຟ​ຊີ ຣະ​ຢອງ ເອ​​ັຟ​ຊີ ອຸດອນ​ທານີ ເອ​​ັຟ​ຊີ ຂອນ​ແກ່ນ ເອ​​ັຟ​ຊີ ແລະ ໜອງ​ບົວ ພິ​ຊົນ ເອ​​ັຟ​ຊີ.

    ສ່ວນ​ສະໂມສອນ​ມາ​ຈາກ​ປະເທດ​ອື່ນໆ​ປະກອບ​ມີ: ເຊ​ເຣ​ໂຊ ໂອຊາ​ກ້າ ເອ​​ັຟ​ຊີ ທີ​ຈາກ​ຍີ່ປຸ່ນ ແທມ​ປະ​ເນ​​ສ ໂຣ​ເວີ ເອ​​ັຟ​ຊີ ທີມ​ຈາກ​ສິງກະໂປ ລາວ​ໂຕ​ໂຢ​ຕ້າ ເອ​​ັຟ​ຊີ ແຊັມ​ເປບ​ຊີ ລາວ​ພຣີ​ເມຍ​ລີກ 2019 ແລະ ພະນົມ​ເປັນ ຄຣາວ ເອ​​ັຟ​ຊີ ທີມ​ຈາກ​ກຳປູເຈຍ.

    ຂະນະ​ທີ່ ຣະ​ຢອງ ເອ​​ັຟ​ຊີ ຈະ​ລົງ​ສະໜາມ​ນັດ​ທຳ​ອິດ​ພົບ​ກັບ ພີ​ທີ ປຣະ​ຈວບ ເອ​​ັຟ​ຊີ 2 ທີມ​ໃນ​ໄທ​ລີກ 1 ໃນ​ຮອບ​ທີ 1 ວັນ​ທີ 19 ມັງກອນ 2020 ເພື່ອ​ຫາ​ທີມ​ຊະນະ​ໄປ​ພົບ​ກັບ ບີ​ຈີ ປະທຸມ ຢູ​ໄນ​ເຕັດ ແຊັມ​ໄທ​ລີກ 2 ໃນ​ວັນ​ທີ 23 ມັງກອນ 2020 ແລະ ທີມ​ຊະນະ​ຈະ​ໄດ້​ຜ່ານ​ເຂົ້າ​ຮອບ 8 ທີມ​ສຸດ​ທ້າຍ​ພົບ​ກັບ ລາວ​ໂຕ​​ຢ​ຕ້າ ເອ​​ັຟ​ຊີ ໃນ​ວັນ​ທີ 26 ມັງກອນ 2020.

ຂ່າວທີ່ກ່ຽວຂ້ອງ