ຂ່າວຫຼ້າສຸດ

ນະຄອນຫຼວງ ພວມສຸມໃສ່ສອບເສັງພາກຮຽນໜຶ່ງ

981 16 ມ.ກ. 2020 ຂ່າວໜ້າ​ໜຶ່ງ
ນະຄອນຫຼວງ ພວມສຸມໃສ່ສອບເສັງພາກຮຽນໜຶ່ງ

   ທ່ານ ພູ­ທອນ ແສງ​ດາ​ວົງ ຮອງ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ (ນວ) ໃຫ້​ສຳ­ພາດ ວັນ​ທີ 14 ມັງ­ກອນ 2019 ວ່າ: ໂດຍ​ອີງ​ຕາມ​ຄຳ​ສັ່ງ​ຂອງ​ລັດ​ຖະ​ມົນ​ຖະ​ມົນ­ຕີ ກະ­ຊວງ​ສຶກ​ສາ​ທິ​ການ ແລະ ກີ­ລາ ການ​ສອບ­ເສັງ​ພາກ­ຮຽນ​ໜຶ່ງ​ສົກ­ຮຽນ 2019-2020  ນວ ໄດ້​ຈັດ​ກອງ​ປະ­ຊຸມ​ປຶກ­ສາ​ຫາ­ລື​ຈັດ​ຕັ້ງ​ຄະ­ນະ​ກຳ­ມະ­ການ​ຮັບ­ຜິດ­ຊອບ​ໜ້າ​ວຽກ​ແຕ່​ລະ​ວຽກ​ງານ​ມາ​ແຕ່​ຕົ້ນ​ສົກ­ຮຽນ ສະ­ເພາະ​ຊັ້ນ​ປະ­ຖົມ​ສຶກ​ສາ​ມອບ​ໃຫ້​ຫ້ອງ­ການ​ສຶກ​ສາ​ທິ​ການ ແລະ ກີ­ລາ​ເມືອງ​ຮັບ­ຜິດ­ຊອບ​ໂດຍ​ກົງ ແລະ ໄດ້​ດຳ­ເນີນ​ການ​ສອບ­ເສັງ​ວັນ​ທີ 13-17 ມັງ­ກອນ 2020 ມີ​ໂຮງ­ຮຽນ​ຊັ້ນ​ປະ­ຖົມ​ສຶກ​ສາ ທັງ​ໝົດ 484 ແຫ່ງ ໃນ​ນັ້ນ ໂຮງ­ຮຽນ​ລັດ 348 ແຫ່ງ ມີ​ນັກ­ຮຽນ 77.999 ຄົນ ຍິງ 37.423 ຄົນ ມີ 696 ຫ້ອງ.

   ສ່ວນ​ຊັ້ນ​ມັດ­ທະ­ຍົມ​ສຶກ​ສາ­ມີ​ໂຮງ­ຮຽນ​ທັງ​ໝົດ 180 ແຫ່ງ ໃນ​ນັ້ນ ພາກ​ລັດ 104 ແຫ່ງ ມີ​ນັກ­ຮຽນ​ທັງ​ໝົດ 83.445 ຄົນ ຍິງ 41.587 ຄົນ ມີ 2.281 ຫ້ອງ ຈະ​ສອບ­ເສັງ​ວັນ​ທີ 20-24 ມັງ­ກອນ 2020 ໂດຍ​ມອບ​ໃຫ້​ແຕ່​ລະ​ໂຮງ­ຮຽນ​ແຕ່ງ­ຕັ້ງ​ຄະ­ນະ​ກຳ­ມະ­ການ​ອອກ​ຫົວ​ບົດ ກຳ­ມະ­ການ​ກວດ​ບົດ ກຳ­ມະ­ການ​ຍາມ​ຫ້ອງ ເຂົ້າ​ຄະ­ແນນ ແລະ ກຳ­ມະ­ການ​ປ້ອງ​ກັນ​ຄວາມ​ສະ­ຫງົບ ພ້ອມ​ທັງ​ຕາ­ຕະ­ລາງ​ສອບ­ເສັງ​ແຕ່​ລະ​ຊັ້ນ​ຮຽນ​ຕາມ​ຫຼັກ­ສູດ​ຂອງ​ກະ­ຊວງ​ສຶກ​ສາ​ທິ​ການ ແລະ ກີ­ລາ ວາງ​ອອກ​ໃຫ້​ຄົບ​ຖ້ວນ ແລະ ໄລ­ຍະ​ດຳ­ເນີນ​ການ​ສອບ­ເສັງ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ໄດ້​ຈັດ​ຕັ້ງ​ຄະ­ນະ​ກຳ­ມະ­ການ​ຂັ້ນ ນວ ສົມ­ທົບ​ກັບ​ຫ້ອງ­ການ​ສຶກ​ສາ ແລະ ກີ­ລາ​ເມືອງ ລົງ​ຊຸກ­ຍູ້​ຕິດ­ຕາມ​ການ​ສອບ­ເສັງ​ຢ່າງ​ໃກ້­ຊິດ​ເພື່ອ​ເຮັດ​ໃຫ້­ການ​ສອບ­ເສັງ​ໄດ້​ຮັບ​ປະ​ສິດ­ທິ​ຜົນ.

ຂ່າວທີ່ກ່ຽວຂ້ອງ