ຂ່າວຫຼ້າສຸດ

ເຊ​ເຣ​ນ້າ ຄວ້າ​ແຊັມ WTA ທີ່​ນູ​ແວນ​ເຊ​ລັງ

1.061 15 ມ.ກ. 2020 ວົງຈອນກີລາ
ເຊ​ເຣ​ນ້າ ຄວ້າ​ແຊັມ WTA ທີ່​ນູ​ແວນ​ເຊ​ລັງ

   ເຊ​ເຣ​ນ້າ ວິນ​ລ້ຽມສ໌ ອະດີດ​ນັກ​ເທັນ​ນິ​​ສ ມື 1 ຂອງ​ໂລກ ຊາວ​ອາ​ເມ​ຣິ​ກາ ແຊັມ​ແກຣນ​ສະ​ແລມ 23 ສະໄໝ ເລີ່ມ​ຕົ້ນ​ດີ​ໃນ​ປີ 2020 ດ້ວຍ​ການ​ຄວ້າ​ແຊັມ​ເທັນ​ນິ​​ສ WTA ລາຍການ ASB Classic ຫຼື Auckland Open 2020 ທີ່​ນະຄອນ​ໂອກ​ແລນ ປະເທດ​ນູ​ແວນ​ເຊ​ລັງ ໃນ​ທ້າຍ​ອາທິດ​ຜ່ານ​ມາ.

   ຮອບ​ຊີງ​ຊະນະ​ເລີດ ເຊ​ເຣ​ນ້າ ໄວ 38 ປີ ມື 9 ຂອງ​ໂລກ ຊະນະ ເຈ​​ັສ​ຊີ​ກ້າ ເປ​ກູ​ລ້າ ຮຸ່ນ​ນ້ອງ​ເພື່ອນ​ຮ່ວມ​ຊາດ ໄວ 25 ປີ ອັນ​ດັບ 64 ຂອງ​ໂລກ 2-0 ເຊັດ: 6-3 6-4 ໄດ້​ແຊັມ​ລາຍການ​ນີ້ ເປັນ​ຄັ້ງ​ທຳ​ອິດ ຮັບ​ຂັນ​ແຊັມ ພ້ອມ​ເງິນ​ລາງວັນ 43.000 ໂດ​ລາ​ສະຫະລັດ ຫຼື ປະມານ 380 ລ້ານ​ກີບ ແລະ ຄະແນນ​ສະ​ສົມ 280 ຄະແນນ ເຊ​ເຣ​ນ້າ ໄດ້​ແຊັມ​ປະເພດ​ດ່ຽວ ລະດັບ WTA ເປັນ​ລາຍການ​ທີ 73.

ຂ່າວທີ່ກ່ຽວຂ້ອງ