ຂ່າວຫຼ້າສຸດ

ຂຸນ​ເຫຼັກ ນັອກ​ນັກ​ມວຍ​ໄທ​ລາຍການ ນະຄອນຫຼວງ-ກໍ​ກຽດ​ແດນ​ຈຳປາ

1.010 15 ມ.ກ. 2020 ວົງຈອນກີລາ
ຂຸນ​ເຫຼັກ ນັອກ​ນັກ​ມວຍ​ໄທ​ລາຍການ ນະຄອນຫຼວງ-ກໍ​ກຽດ​ແດນ​ຈຳປາ

    ການ​ແຂ່ງຂັນ​ມວຍ​ລາຍການ​ລາຍການ​ນະຄອນຫຼວງ-ກໍ​ກຽດ​ແດນ​ຈຳປາ ມີ​ຄ້າຍ​ມວຍ​ດັງ ສໍສີ​ຣິນ​ທາ ຈາກ​ແຂວງ​ໜອງ​ຄາຍ ປະເທດ​ໄທ ຍົກ​ທັງຄ້າຍ​ມວຍ​ມາ​ປະ​ທະ​ກັບ​ນັກ​ຊົກ ນະຄອນຫຼວງ​ວຽງ​ຈັນ ທັງ​ໝົດ 6 ຄູ່ ໃນ​ວັນ​ທີ 11 ມັງກອນ 2020 ທີ່​ສັງວຽນ​ມວຍ ສະຫະພັນ​ມວຍ​ລາວ ນະ ຄອນ​ຫຼວງ​ວຽງ​ຈັນ (ນວ) ບ້ານ​ບຶງ​ຂະ​ຫຍອງ ເມືອງ​ສີ​ສັດຕະ​ນາກ ໃນ 6 ຄູ່ ມີ​ການ​ນັອກ​ກັນ​ເຖິງ 5 ຄູ່ ໂດຍ​ສະເພາະ​ມວຍ​ຄູ່​ເອກ ລະຫວ່າງ​ຂຸນ​ເຫຼັກ ສະໂມສອນ​ຄຳ​ເສັງ ເຈົ້າ​ຂອງ​ແຊັມ​ສາຍແອວ ຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີລາ ນວ ພົບ​ກັບ ເພັດ​ໂພ​ໄຊ ສໍສີ​ຣີນ​ທາ ຮຸ່ນ​ນ້ຳໜັກ 59 ກິ​ໂລ ຄູ່​ດັ່ງກ່າວ ຂຸນ​ເຫຼັກ ມີ​ການ​ຕໍ່​ນ້ຳໜັກ 1 ກິ​ໂລ.

    ຜ່ານ​ການ​ແຂ່ງຂັນ​ຜົນ​ປາກົດ​ວ່າ: ຂຸນ​ເຫຼັກ ສະໂມສອນ​ຄຳ​ເສັງ ເປັນ​ຝ່າຍ​ເອົາ​ຊະນະ​ນັອກ ເພັດ​ໂພ​ໄຊ ໄປ​ໃນ​ຍົກ​ທີ 3 ສ່ວນ​ຜົນ​ການ​ແຂ່ງຂັນ​ມວຍ​ອີກ 5 ຄູ່ ໃນ​ລາຍການ ປະກອບ​ມີ​ຄູ່​ທີ 1 ຮຸ່ນ 55 ກິ​ໂລ ໄຊ​ມ້ອນ ​ປກສ ຖືກ ມຸງຄຸນ​ເຫຼັກ ສໍສີ​ຣິນ​ທາ ນັອກ​ໃນ​ຍົກ​ທີ 3 ຄູ່​ທີ 2 ຮຸ່ນ 54 ກິ​ໂລ ຊົນ​ຊາດ ສິດ​ໂຕ້​ພາ​ລຸ້ງ ຊະນະ​ນັອກ ເພັດ​ໜອງ​ຄາຍ ສໍສີ​ຣິນ​ທາ ໃນ​ຍົກ​ທີ 2 ຄູ່​ທີ 3 ຮຸ່ນ 57 ກິ​ໂລ ເກົ້າ​ແສນ ຂວັນ​ໃຈ​ສີ​ໂຄດ ຖືກ ເພັດ​ຈະເລີນ ສໍສີ​ຣິນ​ທາ ນັອກ​ໃນ​ຍົກ​ທີ 2 ຄູ່​ທີ 5 ຮຸ່ນ 62 ກິ​ໂລ  ເຜົ່າ​ຂະມຸ ສິດ​ໂຕ້​ພາ​ລຸ້ງ ຊະນະ​ນັອກ ໂລ້​ເງິນ ສິດ​ຈານ​ເພັງ ໃນ​ຍົກ​ທີ 2 ແລະ ຄູ່​ທີ 6 ຮຸ່ນ 51 ກິ​ໂລ ກະ​ລຽງ ສິດ​ຂຸນ​ພົນ ເສຍ​ຄະແນນ​ໃຫ້ ເພັດ​ມະນຸດ.   

ຂ່າວທີ່ກ່ຽວຂ້ອງ