ຂ່າວຫຼ້າສຸດ

ທະຫານ ນວ ປະກາດການຈັດຕັ້ງຫຼາຍຕຳແໜ່ງງານ

1.403 15 ມ.ກ. 2020 ຂ່າວໜ້າ​ໜຶ່ງ

   ພິ­ທີ​ປະ­ກາດ​ການ­ຈັດ­ຕັ້ງ​ຮອງ​ຫົວ­ໜ້າ​ຫ້ອງ ຫົວ­ໜ້າ​ພະ​ແນກ ຮອງ​ພະ​ແນກ ຂອງ​ຫ້ອງ​ພະ­ລາ­ທິ­ການ ກອງ​ບັນ­ຊາ​ການ​ທະ­ຫານ ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 14 ມັງ­ກອນ 2020 ຢູ່​ກອງ​ບັນ­ຊາ​ການ​ດັ່ງ­ກ່າວ ໂດຍ​ມີ​ທ່ານ ພົນ​ຈັດ­ຕະ­ວາ ບຸນ​ສູງ ຢ່າ​ທໍ່​ຕູ້ ຮອງ​ຫົວ­ໜ້າ​ກົມ​ໃຫຍ່​ພະ­ລາ­ທິ­ການ​ກອງ­ທັບ ທ່ານ ພົນ​ຈັດ­ຕະ­ວາ ສີ​ພອນ ຈັນ​ສົມ​ວົງ ຫົວ­ໜ້າ​ການ­ເມືອງ ກອງ​ບັນ­ຊາ​ການ​ທະ­ຫານ ນວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

   ທ່ານ ພັນ​ໂທ ແສງ​ທະ­ວີ ບົວ​ລະ​ສາ ຫົວ­ໜ້າ​ພະ​ແນກ​ກໍ່­ສ້າງ​ກຳ­ລັງ ກົມ​ເສ­ນາ​ພະ​ລາ ກົມ​ໃຫຍ່​ພະ​ລາ ທິ​ການ​ກອງ­ທັບ ໄດ້​ຜ່ານ​ຂໍ້​ຕົກ­ລົງ​ຂອງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ວ່າ​ດ້ວຍ​ການ​ແຕ່ງ­ຕັ້ງ​ຮອງ​ຫົວ­ໜ້າ​ຫ້ອງ​ພະ­ລາ­ທິ­ການ ຂອງ​ກອງ​ບັນ­ຊາ​ການ​ທະ­ຫານ ນວ ມາດ­ຕາ 26 ວ່າ​ດ້ວຍ​ການ​ແຕ່ງ­ຕັ້ງ ຍົກ­ຍ້າຍ​ນາຍ​ທະ­ຫານ​ກອງ­ທັບ​ປະ­ຊາ­ຊົນ​ລາວ ແລະ ອີງ​ຕາມ​ທິດ​ທາງ ການ​ປັບ­ປຸງ​ບູ­ລະ­ນະ​ກົງ­ຈັກ​ການ­ຈັດ­ຕັ້ງ​ນຳ­ພາ-ບັນ­ຊາ​ໃນ​ກຳ­ລັງ​ປະ­ກອບ​ອາ­ວຸດ​ໃຫ້​ເຂັ້ມ­ແຂງ ໜັກ​ແໜ້ນ​ຮອບ­ດ້ານ ເພື່ອ​ເຮັດ​ສຳ­ເລັດ​ໜ້າ­ທີ່​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ ແລະ ມີ​ແບບ­ແຜນ​ທີ່​ທັນ​ສະ­ໄໝ​ຂຶ້ນ ໄດ້​ຕົກ­ລົງ​ແຕ່ງ­ຕັ້ງ​ທ່ານ ພັນ​ໂທ ນາດ ເທບ​ພະ​ວົງ ເປັນ​ຮອງ​ຫົວ­ໜ້າ​ຫ້ອງ​ພະ­ລາ­ທິ­ການ ກອງ​ບັນ­ຊາ​ການ​ທະ­ຫານ ນວ ທ່ານ ພັນ​ຕີ ພູ​ຂົງ ແສງ​ພູ​ວົງ ເປັນ​ຫົວ­ໜ້າ​ພະ​ແນກ​ແຜນ­ການ ຫ້ອງ​ພະ­ລາ­ທິ­ການ​ທະ­ຫານ ນວ ທ່ານ ຮ້ອຍ​ໂທ ຕົ້ນ​ຮັກ ອິນ​ພະ­ຈັນ ເປັນ​ຮອງ​ຫົວ­ໜ້າ​ພະ​ແນກ​ແຜນ­ການ​ທະ­ຫານ ນວ ທ່ານ ຮ້ອຍ​ເອກ ບຸນ​ຊົມ ແສງ​ພູ​ວົງ ເປັນ​ຮອງ​ຫົວ­ໜ້າ​ພະ​ແນກ​ອຸ­ປະ­ໂພກ ຫ້ອງ​ພະ­ລາ­ທິ­ການ​ທະ­ຫານ ນວ.

   ທ່ານ ພົນ​ຈັດ­ຕະ­ວາ ບຸນ​ສູງ ໄດ້​ເນັ້ນ​ໜັກ​ໃຫ້​ຜູ້​ທີ່​ໄດ້​ຮັບ​ໜ້າ­ທີ່​ໃໝ່​ຍົກ​ສູງ​ພາ­ລະ​ບົດ­ບາດ​ການ​ຊີ້​ນຳ-ນຳ ພາ​ບັນ­ຊາ​ຂອງ​ຕົນ​ໃຫ້​ມີ​ຄວາມ​ໜັກ​ແໜ້ນ ແລະ ເຂັ້ມ­ແຂງ ໂດຍ​ສະ­ເພາະ​ການ​ປະ­ຕິ­ບັດ​ໜ້າ­ທີ່​ວຽກ​ງານ​ໃຫ້​ມີ​ປະ​ສິດ­ທິ​ຜົນ​ສູງ ເອົາ­ໃຈ­ໃສ່​ສຶກ​ສາ​ອົບ­ຮົມ​ການ­ເມືອງ-ນຳ­ພາ​ແນວ​ຄິດ​ໃຫ້​ເຂັ້ມ­ແຂງ ມີ​ຄວາມ​ສາ­ມັກ­ຄີ ແໜ້ນ​ແຟ້ນ ປັບ­ປຸງ​ແບບ­ແຜນ​ການ​ນຳ­ພາ ເຮັດ​ວຽກ​ເປັນ​ໝູ່​ຄະ­ນະ​ລວມ​ສູນ​ປະ­ຊາ­ທິ­ປະ­ໄຕ ແບ່ງ​ໃຫ້​ບຸກ­ຄົນ​ຮັບ­ຜິດ­ຊອບ ເພື່ອ​ເຮັດ​ສຳ­ເລັດ​ໜ້າ­ທີ່ ທີ່ ພັກ-ລັດ ກໍ​ຄື ການ­ຈັດ­ຕັ້ງ​ມອບ​ໝາຍ​ໃຫ້.

ຂ່າວທີ່ກ່ຽວຂ້ອງ