ຂ່າວຫຼ້າສຸດ

ນັກ​ທ່ອງ​ທ່ຽວ​ຫຼາຍ​ຮ້ອຍ​ຄົນ ຕິດ​ຄ້າງ​ຢູ່​ເທິງ​ສາຍພູ​ແອ​​ລ

2.393 07 ມ.ກ. 2020 ຂ່າວຕ່າງປະເທດ
ນັກ​ທ່ອງ​ທ່ຽວ​ຫຼາຍ​ຮ້ອຍ​ຄົນ ຕິດ​ຄ້າງ​ຢູ່​ເທິງ​ສາຍພູ​ແອ​​ລ

   ນັກ​ທ່ອງ​ທ່ຽວ​ເກືອບ 1.000 ຄົນ ຊຶ່ງ​ເກືອບ​ທັງ​ໝົດ​ເປັນ​ຊາວ​ອັງກິດ ຖືກ​ຕິດ​ຄ້າງ​ຢູ່​ເທິງ​ສາຍພູ​ແອ​​ລ (Alps) ຂອງ​ຝຣັ່ງ ເມື່ອ​ຄຳ​ຄືນ​ຂອງ​ວັນ​ທີ 4 ມັງກອນ​ທີ່​ຜ່ານ​ມາ ຫຼັງ​ຈາກ​ທີ່​ບັນດາ​ຖ້ຽວ​ບິນ​ທີ່​ເຂົາເຈົ້າ​ຈອງ​ໄວ້​ນັ້ນ ຕ້ອງ​ໄດ້​ຍົກເລີກ​ການບິນ​ຍ້ອນ​ອາກາດ​ບໍ່​ເອື້ອ​ອຳນວຍ.

    ໝອກ​ໜາ​ຕຶບ​ໄດ້​ປົກ​ຄຸມ​ໄປ​ທົ່ວ​ເຂດ​ຫຼິ້ນ​ສະ​ກີ​ຫິມະ​ອ້ອມ​ແອມ​ເຂດ ແຊມ​ເບີ​ຣີ ເມື່ອ​ວັນ​ທີ 4 ມັງກອນ ເຮັດ​ໃຫ້ການ​ບິນ 4 ຖ້ຽວ​ທີ່​ບິນ​ຈາກ​ສະໜາມ​ບິນ​ໃນ​ທ້ອງຖິ່ນ ຕ້ອງ​ໄດ້​ຖືກ​ຍົກເລີກ ແລະ ອີກ​ຫຼາຍ​ຖ້ຽວ​ຕ້ອງ​ຖືກ​ໂຈະ. ນັກ​ທ່ອງ​ທ່ຽວ​ປະມານ 353 ຄົນ ຕ້ອງ​ໄດ້​ພັກ​ແຮມ​ຢູ່​ໃນ​ສູນ​ກອງ​ປະຊຸມ​ຢູ່​ໃນ​ເມືອງ Aix-les-Bains ໃນ​ຂະນະ​ທີ່​ອີກ 450 ຄົນ ຕ້ອງ​ໄດ້​ເຊົ່າ​ຫ້ອງ​ພັກ​ໃນ​ໂຮງແຮມ.

    ເຂດ ແຊມ​ເບີ​ຣີ ເປັນ​ທາງ​ອອກ​ທີ່​ສຳຄັນ​ໃນ​ການ​ເຂົ້າ​ໄປ​ຍັງ​ສາຍພູ​ແອ​​ລ (ພາກ​ເໜືອ​ຝຣັ່ງ) ໂດຍ​ທີ່​ບັນດາ​ບໍລິສັດ​ການບິນ ປະຕິບັດ​ຖ້ຽວ​ບິນ​ໂດຍ​ກົງ​ຈາກ​ນະຄອນຫຼວງ​ລອນ​​ອນ ແລະ ນະຄອນ​ອື່ນໆ​ຂອງ​ອັງກິດ ໄປ​ຍັງ​ທີ່​ນັ້ນ.

ຂ່າວທີ່ກ່ຽວຂ້ອງ