ຂ່າວຫຼ້າສຸດ

ສຳເລັດ​ແຂ່ງຂັນ​ກີລາ-ສິລະ​ປະ ທົ່ວ​ເມືອງ​ສີ​ສັດຕະ​ນາກ

418 07 ມ.ກ. 2020 ວົງຈອນກີລາ
ສຳເລັດ​ແຂ່ງຂັນ​ກີລາ-ສິລະ​ປະ ທົ່ວ​ເມືອງ​ສີ​ສັດຕະ​ນາກ

    ຫ້ອງການ​ສຶກ​ສາ​ທິ​ການ ແລະ ກີລາ​ເມືອງ (​ສກມ) ສີ​ສັດຕະ​ນາກ ໄດ້​ສຳເລັດ​ແຂ່ງຂັນ​ກີລາ ແລະ ສິລະ​ປະ​ນັກຮຽນ​ສາມັນ​ທົ່ວ​ເມືອງ​ສີ​ສັດຕະ​ນາກ ປະຈຳ​ສົກຮຽນ 2019-2020 ໃນ​ວັນ​ທີ 3 ມັງກອນ 2020 ຢູ່​ໂຮງຮຽນ ​ມ​ປາຍ ສີ​ສັດຕະ​ນາກ ມີ​ທ່ານ ດາ​ວັນ ທັນ​ນະ​ວົງສາ ຮອງ​ເຈົ້າເມືອງ​ສີ​ສັດຕະ​ນາກ ທ່ານ ຄຳ​ສິງ ດວງ​ດາລາ ຫົວໜ້າ​ຫ້ອງການ​ສຶກ​ສາ​ທິ​ການ ແລະ ກີລາ​ເມືອງ​ສີ​ສັດຕະ​ນາກ ຫົວໜ້າ​ຮອງ​ຫົວໜ້າ​ຂະແໜງ ຜູ້ອຳນວຍການ​ໂຮງຮຽນ ຄະນະ​ກຳມະການ ຄູ​ອາຈານ ນັກຮຽນ ແລະ ຜູ້​ປົກຄອງ​ເຂົ້າ​ຮ່ວມ.

     ກິດຈະກຳ​ຄັ້ງ​ນີ້​ຈັດ​ຂຶ້ນ​ເພື່ອ​ປະຕິບັດ​ຕາມ​ແຜນ​ຍຸດ​ທະ​ສາດ​ການ​ສຶກ​ສາ​ຂອງ​ກະຊວງ​ສຶກ​ສາ​ທິ​ການ ແລະ ກີລາ​ວາງ​ອອກ ໃຫ້​ປາກົດ​ຜົນ​ເປັນ​ຈິງ ໂດຍ​ສະເພາະ​ປະຕິບັດ​ຕາມ 5 ຫຼັກ​ມູນ​ການ​ສຶກ​ສາ ປະຕິບັດ​ຕາມ​ແຜນ​ພັດທະນາ​ການ​ສຶກ​ສາ​ປະຈຳ​ສົກຮຽນ​ປີ 2019-2020 ຂອງ​ພະ​ແນກ​ສຶກ​ສາ​ທິ​ການ ແລະ ກີລາ​ນະຄອນຫຼວງ​ວຽງ​ຈັນ ແລະ ປະຕິບັດ​ຕາມ​ແຜນການ​ປີຮຽນ​ຂອງ​ຫ້ອງການ​ສຶກ​ສາ​ທິ​ການ ແລະ ກີລາ​ເມືອງ​ສີ​ສັດຕະ​ນາ​ກວາງ​ອອກ ເປັນ​ການ​ສ້າງ​ຂະ​ບວນ​ການ​ຕ້ອນຮັບ​ວັນ​ສຳຄັນ​ຕ່າງໆ​ຂອງ​ຊາດ​ຂອງ​ພັກ ຕ້ານ​ຢາ​ເສບ​ຕິດ ສ້າງ​ຄວາມ​ສາມັກຄີ ແລກປ່ຽນ​ບົດຮຽນ ສ້າງ​ຄວາມ​ຊຳນິ​ຊຳນານ ແລະ ມີ​ປະສົບ​ການ​ຫຼາຍ​ຂຶ້ນ​ໃຫ້​ນັກຮຽນ​ໄດ້​ສະແດງ​ຄວາມ​ສາມາດ ແລະ ພອນ​ສະຫວັນ​ຂອງ​ຕົນ​ອອກ​ມາ​ໃຫ້​ສັງຄົມ​ໄດ້​ເຫັນ ເຊິ່ງ​ການ​ແຂ່ງຂັນ​ຈັດ​ຂຶ້ນ​ວັນ​ທີ 6-28 ພະຈິກ 2019 ມີ 5 ປະເພດ​ກີລາ​ຄື:ແລ່ນ-ລານ ບານເຕະ ກະຕໍ້​ຫວາຍ ບານສົ່ງ ແລະ ເປ​ຕັງ ສ່ວນ​ລາຍການ​ແຂ່ງຂັນ​ສິລະ​ປະ-ວັນນະຄະດີ ຈັດ​ແຂ່ງຂັນ​ວັນ​ທີ 3 ມັງກອນ 2020 ມີ​ອະນຸບານ ປະຖົມ ແລະ ມັດທະຍົມ ປະກອບ​ມີ 3 ປະເພດ​ຄື ຟ້ອນ 23 ລາຍການ ຮ້ອງເພງ 21 ລາຍການ ແລະ ລຳ 21 ລາຍການ.

    ຜ່ານ​ການ​ແຂ່ງຂັນ​ຜົນ​ປາກົດ​ວ່າ: ບານເຕະ ຊັ້ນ​ອະນຸບານ ທີ1 ກຽດ​ຕິ​ສັກ ປະຖົມ ປັນຍາ​ທິບ ມ ຕົ້ນ ຊາຍ ທີ1 ກຽດ​ຕິ​ສັກ ມ ຕົ້ນ ຍິງ ທີ1 ຈອມ​ເພັດ ​ມ​ປາຍ ຊາຍ-ຍິງ ທີ1 ສີ​ສັດຕະ​ນາກ ກະຕໍ້ ຊັ້ນ​ປະຖົມ​ຊາຍ ທີ1 ໄຊ​ສະຖານ ​ມ​ຕົ້ນ​ຊາຍ ທີ1 ສວນ​ມອນ ​ມ​ຕົ້ນ​ຍິງ ທີ1 ຈອມ​ເພັດ ​ມ​ປາຍ ຊາຍ-ຍິງ ທີ1 ສີ​ສັດຕະ​ນາກ ບານສົ່ງ ຊັ້ນ ​ມ​ຕົ້ນ​ຊາຍ ທີ1 ແສງ​ດາ​ຣາ ມ ຕົ້ນ​ຍິງ ທີ1 ທາດ​ຂາວ ​ມ​ປາຍ​ຊາຍ ທີ1 ສີ​ສັດຕະ​ນາກ ​ມ​ປາຍ ຍິງ ທີ1 ເພຍ​ວັດ ເປ​ຕັງ ​ມ​ຕົ້ນ​ຍິງ ທີ1 ສະຖາພອນ ແລະ ​ມ​ປາຍ​ຊາຍ ທີ1 ຈັນທະ​ວີ​ພອນ ປະເພດ​ແລ່ນ 30 ແມັດ ຊັ້ນ​ອະນຸບານ​ຊາຍ ທີ1 ສີ​ວັດທະນາ ຊັ້ນ​ອະນຸບານ​ຍິງ ທີ1 ສະຖາພອນ ແລ່ນ 50 ແມັດ ຊັ້ນ​ອະນຸບານ​ຊາຍ ທີ1 ນິ​ຣະ​ດາ​ຈອມ​ເພັດ ຊັ້ນ​ອະນຸບານ​ຍິງ ທີ1 ປັນຍາ​ທິບ ແລ່ນ 60 ແມັດ ຊັ້ນ​ປະຖົມ​ຊາຍ ທີ1 ຈອມ​ເພັດ ຊັ້ນ​ປະຖົມ​ຍິງ ທີ1 ໄຊ​ມຸງຄຸນ ແລ່ນ 100 ແມັດ ຊັ້ນ​ປະຖົມ​ຊາຍ-ຍິງ ທີ 1 ໄຊ​ມຸງຄຸນ.

      ສ່ວນ​ຜົນ​ການ​ແຂ່ງຂັນ​ສິລະ​ປະ-ວັນນະຄະດີ​ຊັ້ນ​ອະນຸບານ ລາຍການ​ຮ້ອງເພງ ທີ1 ນິ​ຣະ​ດາ​ຈອມ​ເພັດ ຊັ້ນ​ປະຖົມ ທີ1 ສ້າງ​ເຫວີຍ ຊັ້ນ ​​ມ​ຕົ້ນ ທີ1 ສະຖາພອນ ຊັ້ນ ​​ມ​ປາຍ ທີ1 ສີ​ສັດຕະ​ນາກ ຊັ້ນ​ອະນຸບານ ລາຍການ​ຟ້ອນ ທີ1 ສະຖາພອນ ຊັ້ນ​ປະຖົມ ທີ1 ທົ່ງ​ກາງ ຊັ້ນ ​ມ​ຕົ້ນ ທີ1 ແສງ​ສະໄໝ ຊັ້ນ ​ມ​ປາຍ ທີ1 ເພຍ​ວັດ ລາຍການ​ຂັບ​ລຳ ຊັ້ນ​ອະນຸບານ ທີ1 ສະຖາພອນ ຊັ້ນ​ປະຖົມ ທີ1 ສີ​ວັດທະນາ ຊັ້ນ ​ມ​ຕົ້ນ ທີ1 ໄຊ​ມຸງຄຸນ ແລະ ຊັ້ນ ​ມ​ປາຍ ທີ1 ສີ​ສັດຕະ​ນາກ.

                           

ຂ່າວທີ່ກ່ຽວຂ້ອງ