ຂ່າວຫຼ້າສຸດ

ສິດທິເດດ ໄດ້ສິດເຂົ້າຮ່ວມແຂ່ງຂັນແຊັມດວນແຊັມ ຊະບາ ສະນຸກເກີຄັບ

611 06 ມ.ກ. 2020 ວົງຈອນກີລາ
ສິດທິເດດ ໄດ້ສິດເຂົ້າຮ່ວມແຂ່ງຂັນແຊັມດວນແຊັມ ຊະບາ ສະນຸກເກີຄັບ

   ສິດ­ທິ​ເດດ ສັກ​ບ່ຽງ ນັກ­ກີ­ລາ​ສະ­ນຸກ​ເກີ​ທີມ​ຊາດ​ລາວ ມື​ວາງ​ອັນ​ດັບ 1 ຂອງ ສປປ ລາວ ລາຍ​ງານ ໃຫ້​ຊາບ​ເມື່ອ​ບໍ່​ດົນ​ມາ​ນີ້ ວ່າ: ຫຼັງ​ຈາກ​ໄດ້​ຫຼຽນ​ຄຳ ສະ­ນຸກ​ເກີ ຊີ­ເກມ ປີ 2017 ຢູ່​ປະ­ເທດ​ມາ​ເລ​ເຊຍ ຫຼຽນ​ທອງ ຊີ­ເກມ 2019 ຢູ່​ປະ­ເທດ​ຟີ​ລິບ​ປິນ ຄອງ​ແຊັມ​ການ​ແຂ່ງ­ຂັນ​ກີ­ລາ​ສະ­ນຸກ​ເກີ 6 ແດງ ຊີ​ເຈ ສະ­ນຸກ​ເກີ ຄັບ 2019 ມິດ­ຕະ­ພາບ ລາວ-ໄທ ຢູ່​ແຂວງ​ສະ­ຫວັນ​ນະ​ເຂດ ວັນ​ທີ 17-20 ທັນ­ວາ 2019 ຈຶ່ງ​ໄດ້​ໂກ​ຕ້າ​ພິ­ເສດ​ເຂົ້າ​ຮ່ວມ​ແຂ່ງ­ຂັນ​ສະ­ນຸກ​ເກີ ລາຍ­ການ​ແຊັມ​ດວນ​ແຊັມ ຊະ­ບາ ສະ­ນຸກ​ເກີ ຄັບ 2020 ຢູ່​ປະ­ທຸມ​ທາ­ນີ ປະ­ເທດ​ໄທ ວັນ​ທີ 10-15 ມັງ­ກອນ 202

   ລາຍ­ການ​ນີ້ ເປັນ​ລາຍ­ການ​ທີ່​ທ້າ​ທາຍ ແລະ ຕື່ນ­ເຕັ້ນ ເຊິ່ງ​ເປັນ​ລາຍ­ການ​ທີ່​ຕົນ​ໄຝ່​ຝັນ​ຢາກ​ເຂົ້າ​ຮ່ວມ​ແຂ່ງ­ຂັນ​ທີ່​ສຸດ ເພາະ​ມີ​ນັກ­ກີ­ລາ​ສະ­ນຸກ​ເກີ ລະ­ດັບ​ມື​ຕົ້ນໆ​ຂອງ​ປະ­ເທດ​ໄທ ແລະ ນັກ​ສະ­ນຸກ​ເກີ​ມື​ອາ­ຊີບ​ລະ­ດັບ​ໂລກ​ເຂົ້າ​ຮ່ວມ​ຊີງ​ໄຊ​ຫຼາຍ​ຄົນ ເປັນ­ຕົ້ນ ເອັບ​ວັນ ຕ໋ອງ ຊິດ​ຊ່ອຍ ຊັນ​ນີ້ ສາຍ​ລໍ​ຟ້າ ນຸກ ສາ­ກົນ ເຈົ້າ​ຂອງ​ຫຼຽນ​ຄຳ ຊີ­ເກມ 2019 ແລະ ອີກ​ຫຼາຍ​ຄົນ ແຕ່​ການ​ຈັບ​ສະ­ຫຼາກ​ຕົວ​ຈິງ​ຕົນ​ຖືກ​ຈັດ​ຢູ່​ສາຍ B ຮ່ວມ​ກັບ ຕ໋ອງ ຊິດ​ຊ່ອຍ ຂວັນ ສະ­ລະ​ບູ​ລີ ແລະ ເຕັກ ຫົວ​ຫີນ ເຊິ່ງ​ຈະ​ພົບ​ກັບ​ຄົນ​ໃດ​ກໍ​ຕາມ​ຕົນ​ຈະ​ໃຊ້​ປະ­ສົບ​ການ​ທີ່​ສະ​ສົມ​ມາ​ເຂົ້າ​ໃນ​ການ​ແຂ່ງ­ຂັນ ເພື່ອ​ສານ​ຝັນ​ທີ່​ຢາກ​ກ້າວ​ໄປ​ເປັນ​ນັກ​ສະ­ນຸກ​ເກີ​ມື​ອາ­ຊີບ​ລະ­ດັບ​ສາ­ກົນ ໃຫ້​ປາ­ກົດ​ຜົນ​ເປັນ​ຈິງ.

ຂ່າວທີ່ກ່ຽວຂ້ອງ