ຂ່າວຫຼ້າສຸດ

ອາສາສະໝັກໄຈກາ ກັບຄຸນຄ່າທາງດ້ານສິລະປະຂອງລາວ

2.654 08 ມີ.ນ. 2011 ສຶກສາ

<p style="text-align: justify;"> ສິ­ລະ​ປະ​ວັດ­ທະ­ນະ­ທຳ ແມ່ນ​ສໍ່​ສະ­ແດງ​ເຖິງ​ວິ­ຖີ​ຊີ­ວິດ​ຂອງ​ຄົນ​ພາຍ​ໃນ​ຊາດ ສະ­ແດງ​ໃຫ້​ເຫັນ​ປະ­ຫວັດ​ຄວາມ​ເປັນ​ມາ ການ​ດຳ­ລົງ​ຊີ­ວິດ​ຂອງ​ຜູ້​ຄົນ ລວມ​ໄປ​ເຖິງ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ຊາດ​ນັ້ນໆ ເຊັ່ນ​ດຽວ​ກັນ​ກັບ​ວິ­ວັດ­ທະ­ນາ​ການ​ຂອງ​ການ​ພັດ­ທະ­ນາ ສິ­ລະ​ປະ​ວັດ­ທະ­ນະ­ທຳ​ຂອງ​ຊາດ​ລາວ ກໍ​ມີ​ການ​ເຕີບ​ໃຫຍ່​ຂະ­ຫຍາຍ­ຕົວ ໄປ​ຕາມ​ຍຸກ​ສະ­ໄໝ.</p> <p style="text-align: justify;"> ທ່ານ ຮີ​ໂລ​ຊິ ໂຢ​ຊິ​ໂອ​ກະ ອາ­ສາ​ສະ­ໝັກ​ໄຈ​ກາ (ປະ­ເທດ​ຍີ່­ປຸ່ນ) ເປັນ​ຜູ້​ໜຶ່ງ ທີ່​ເຫັນ​ຄວາມ​ສຳ­ຄັນ ແລະ ໃຫ້​ຄວາມ​ສົນ­ໃຈ​ຕໍ່​ສິ­ລະ​ປະ​ວັດ­ທະ­ນະ­ທຳ​ຂອງ​ຊາດ​ລາວ ປັດ­ຈຸ­ບັນ ມາ​ເປັນ​ອາ­ສາ​ສະ­ໝັກ​ສອນ​ແຕ້ມ​ຮູບ​ພື້ນ­ເມືອງ ຢູ່​ວິ­ທະ­ຍາ­ໄລ​ສິ­ລະ​ປະ​ແຫ່ງ​ຊາດ ມາ​ໄດ້ 2 ປີ​ກ່ວ​າ​ແລ້ວ ເຊິ່ງ​ກ່ອນ​ໜ້າ​ນີ້ ແມ່ນ​ເປັນ​ຄູ​ສອນ​ສິ­ລະ​ປະ­ການ​ແຕ້ມ ຢູ່​ຊັ້ນ​ມັດ­ທະ­ຍົມ​ປະ­ເທດ​ຍີ່­ປຸ່ນ ແຕ່​ຍ້ອນ​ມີ​ຄວາມ​ສົນ­ໃຈ ແລະ ໄຝ່​ຝັນ​ຢາກ​ມາ​ສຳ​ພັດ​ກັບ​ສິ­ລະ​ປະ​ວັດ­ທະ­ນະ­ທຳ​ລາວ ກໍ​ເລີຍ​ມາ​ເປັນ​ອາ­ສາ​ສະ­ໝັກ​ໄຈ​ກາ ເພື່ອ​ມາ​ສອນ​ຢູ່ ສປປ ລາວ.</p> <p style="text-align: justify;"> ທ່ານ ຮີ​ໂລ​ຊິ ໂຢ​ຊິ​ໂອ​ກະ ໄດ້​ກ່າວ​ວ່າ ກ່ອນ​ໜ້າ​ນີ້​ໄດ້​ຍິນ ແລະ ເຫັນ​ຮູບ​ພາບ ສປປ ລາວ ກັບ​ໝູ່​ເພື່ອນ​ຊາວ​ຍີ່­ປຸ່ນ​ດ້ວຍ​ກັນ ກໍ​ຄິດ​ຢາກ​ຈະ​ມາ​ລາວ ພາຍ­ຫຼັງ​ໄດ້​ມາ​ສຳ​ພັດ ນັບ​ແຕ່​ບາດ­ກ້າວ​ທຳ​ອິດ​ຂອງ​ການ​ຢຽບ​ດິນ​ລາວ ກໍ​ໄດ້​ຮັບ​ການ​ຕ້ອນ­ຮັບ​ອັນ​ອົບ​ອຸ່ນ ເປັນ​ກັນ​ເອງ ປຽບ​ສະ​ເໝືອນ​ຢູ່​ບ້ານ​ຂອງ​ຕົນ ເຊິ່ງ​ເຫັນ​ໄດ້​ຮອຍ​ຍິ້ມ ແລະ ກິ­ລິ­ຍາ​ມາ­ລະ­ຍາດ​ອັນ​ໜ້າ​ປະ​ທັບ​ໃຈ ພໍ​ມີ​ໂອ­ກາດ​ໄດ້​ເຂົ້າ​ມາ​ສິດ­ສອນ​ຢູ່​ວິ­ທະ­ຍາ­ໄລ​ແຫ່ງ​ນີ້ ກໍ​ຍິ່ງ​ຮູ້­ສຶກ​ວ່າ​ຮັກ​ລາວ ຮັກ​ສິ­ລະ​ປະ​ວັດ­ທະ­ນະ­ທຳ​ຂອງ​ຊາດ​ລາວ​ຫຼາຍ​ຂຶ້ນ ເພາະ​ເປັນ​ວັດ­ທະ­ນະ­ທຳ ສິ­ລະ​ປະ​ໂດດ​ເດັ່ນ ເປັນ​ເອ­ກະ­ລັກ​ສະ­ເພາະ​ໂຕ ບໍ່​ຄື​ຊາດ​ອື່ນ​ໃດ ໂດຍ​ສະ­ເພາະ​ການ​ນຸ່ງ​ຖື ແລະ ມາ­ລະ­ຍາດ​ຂອງ​ແມ່­ຍິງ​ລາວ ລວມ​ໄປ​ເຖິງ​ຜືນ​ສີ້ນ​ທີ່​ນຸ່ງ​ກໍ​ມີ​ລວ­ດລາຍ ເປັນ​ເອ­ກະ­ລັກ​ປະ­ຈຳ​ຊາດ​ທີ່​ງົດ​ງາມ​ລະ­ອຽດ​ອ່ອນ ທັງ​ວິ­ຈິດ​ບັນ­ຈົງ ມີ​ຄຸນ­ຄ່າ​ອັນ​ຫາ​ປຽບ​ໄດ້​ຍາກ.</p> <p style="text-align: justify;"> ດ້ານ​ສິ­ລະ​ປະ​ລວ­ດລາຍ​ການ​ແຕ້ມ​ຂອງ​ລາວ​ກໍ​ບໍ່​ຄື​ໃຜ ມີ​ເອ­ກະ­ລັກ​ສະ­ເພາະ​ໂຕ ນັກ­ຮຽນ-ນັກ​ສຶກ​ສາ​ກໍ​ມີ​ທັດ­ສະ­ນະ​ອັນ​ດີ ມີ​ຄວາມ​ສົນ­ໃຈ​ສຶກ​ສາ​ຄົ້ນ​ຄ້ວ​າ ທີ່​ສຳ­ຄັນ ມັກ​ນ້ຳ­ໃຈ​ຂອງ​ຄົນ​ລາວ ມີ​ຄວາມ​ອົດ­ທົນ ອັດ​ທະ​ຍາ​ໃສ​ດີ ມີ​ຄວາມ​ຮູ້​ຄວາມ​ສາ­ມາດ​ແຕກ​ຕ່າງ​ກັບ​ຊາວ​ຕ່າງ​ດ້າວ ນັກ­ຮຽນ​ຄົນ​ໜຶ່ງ​ສາ­ມາດ​ເຮັດ​ໜ້າ­ທີ່​ໄດ້​ຫຼາຍ​ຢ່າງ ໂດຍ​ສະ­ເພາະ ການ​ດຳ­ລົງ​ຊີ­ວິດ​ປະ­ຈຳ​ວັນ​ທຸກ​ຢ່າງ​ແຕ່­ລະ­ຄົນ ກໍ​ສາ­ມາດ​ດູ​ແລ​ຕົນ​ເອງ​ໄດ້ ສ່ວນ​ໜຶ່ງ​ອາດ​ເປັນ​ວັດ­ທະ­ນະ­ທຳ​ອັນ​ໜຶ່ງ​ຂອງ​ລາວ​ສືບ​ທອດ​ກັນ​ມາ ສອນ​ໃຫ້​ຮູ້­ຈັກ​ກຸ້ມ​ຕົນ​ເອງ​ເພິ່ງ​ຕົນ​ມາ​ແຕ່​ເຍົາ​ໄວ.</p> <p style="text-align: justify;"> ທ່ານ​ກ່າວ​ຕື່ມ​ວ່າ ມີ​ສິ່ງ​ໜຶ່ງ​ທີ່​ໜ້າ​ທ້າ​ທາຍ​ກໍ​ຄື ຢູ່ ສປປ ລາວ ຍັງ​ຂາດ​ການ​ເອົາ­ໃຈ­ໃສ່​ຢ່າງ​ເຕັມ​ເມັດ​ເຕັມ​ໜ່ວຍ ຂາດ​ວິ­ຊາ​ການ ຂາດ​ວັດ­ຖຸ​ດິບ ລວມ​ເຖິງ​ການ​ສ້າງ​ມູນ​ຄ່າ​ຂອງ​ມັນ ເຊັ່ນ: ໃນ​ເມື່ອ​ແຕ້ມ​ຮູບ 1 ແຜ່ນ​ອອກ​ມາ​ແລ້ວ ກໍ​ປະ​ເປັນ​ແຜ່ນ​ເໝືອນ​ເດີມ ບໍ່​ຮູ້​ຈະ​ມາ​ປະ­ດິດ​ປັບ­ປຸງ ແລະ ດັດ­ແປງ​ແປ​ຮູບ​ໃຫ້​ເປັນ​ຢ່າງ​ອື່ນ ເພື່ອ​ສ້າງ​ມູນ​ຄ່າ​ໃຫ້​ສູງ​ກ່ວ​າ​ເກົ່າ ດ້ວຍ​ເຫດ​ດັ່ງ­ກ່າວ ອີກ​ກິດ­ຈະ­ກຳ​ໜຶ່ງ​ທີ່​ອາ­ສາ​ສະ­ໝັກ​ໄຈ​ກາ ກໍ​ຄື​ການ​ປະ­ດິດ​ເປັນ​ວີ ໂດຍ​ໃຊ້​ຮູບ­ແຕ້ມ​ຈາກ​ບັນ­ດາ​ນັກ­ຮຽນ ນັກ​ສຶກ​ສາ ມາ​ປະ­ດິດ​ເປັນ​ວີ ເພື່ອ​ເພີ່ມ​ມູນ​ຄ່າ​ຂອງ​ຮູບ­ແຕ້ມ​ແຜ່ນ​ນັ້ນ ໃຫ້​ມີ­ຄ່າ​ສູງ​ຂຶ້ນ.</p> <p style="text-align: justify;"> ນອກ­ຈາກ​ນີ້ ກໍ​ຍັງ​ມີ​ກິດ­ຈະ­ກຳ​ອື່ນໆ ທີ່​ໄດ້​ເຮັດ​ໃນ​ວິ­ທະ­ຍາ­ໄລ​ແຫ່ງ​ນີ້ ຮ່ວມ​ກັບ​ຄູ-ອາ­ຈານ ແລະ ນັກ­ຮຽນ ນັກ​ສຶກ​ສາ​ຄົນ​ລາວ ເຖິງ​ຢ່າງ­ໃດ​ກໍ​ດີ ສິ­ລະ​ປະ​ວັດ­ທະ­ນະ­ທຳ​ຂອງ​ຊາດ ຈະ​ຢູ່​ຄົງ​ຕົວ​ໄດ້ ກໍ​ຕໍ່​ເມື່ອ​ເຮົາ​ມີ​ການ​ປົກ​ປັກ​ຮັກ­ສາ ສືບ​ທອດ​ວິ­ຊາ​ຄວາມ​ຮູ້ ໂລກ​ຈະ​ມີ​ການ​ພັດ­ທະ­ນາ​ໄປ​ໄກ​ເທົ່າ­ໃດ ສິ­ລະ​ປະ​ວັດ­ທະ­ນະ­ທຳ ກໍ​ພັດ­ທະ­ນາ​ໄປ​ໄກ​ເທົ່າ​ນັ້ນ ແຕ່​ກໍ​ຍັງ​ຮັກ­ສາ​ກົກ​ເຄົ້າ​ດັ່ງ​ເດີມ​ໄວ້​ໃຫ້​ເຊັ່ນ​ລູກ​ເຊັ່ນ​ຫຼານ ໄດ້​ພູມ­ໃຈ​ໃນ​ຄວາມ​ເປັນ​ລາວ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ