ຂ່າວຫຼ້າສຸດ

ຄຳເຫັນສະທ້ອນບັນຫາ

4.297 27 ທ.ວ. 2019 ນານາສາລະ

   ຍຸກ​ເສດ­ຖະ­ກິດ​ພົບ​ບັນ­ຫາ​ທີ່​ລາຍ​ຮັບ​ລາຍ​ຈ່າຍ ທັງ​ພາກ​ລັດ ແລະ ປະ­ຊາ­ຊົນ ບັນ­ດາ​ສະ­ມາ­ຊິກ​ສະ­ພາ​ແຫ່ງ​ຊາດ ຫຼາຍ​ທ່ານ​ໄດ້​ປະ­ກອບ​ຄຳ​ຄິດ​ເຫັນ ແລະ ຄຳ​ຖາມ​ເຈາະ​ຈິ້ມ ເພື່ອ​ສະ­ທ້ອນ​ບັນ­ຫາ​ໃຫ້​ຝ່າຍ​ບໍ­ລິ­ຫານ​ແກ້​ໄຂ ໂດຍ​ລວມ​ກໍ​ແມ່ນ​ເນັ້ນ​ໃສ່​ການ​ຮົ່ວ​ໄຫຼ​ຂອງ​ລາຍ​ໄດ້​ລັດ​ໃນ​ແຕ່​ລະ​ຂົງ­ເຂດ ຜູ້​ຂຽນ​ຂໍ​ຊົມ­ເຊີຍ ບັນ­ດາ​ທ່ານ​ສະ­ມາ­ຊິກ​ສະ­ພາ​ແຫ່ງ​ຊາດ ທີ່​ເຮັດ​ໜ້າ­ທີ່​ເປັນ​ຕົວ​ແທນ​ປະ­ຊາ­ຊົນ ສະ­ທ້ອນ​ບັນ­ຫາ​ເລື່ອງ​ການ​ເປັນ​ຢູ່ ແລະ ປາກ​ທ້ອງ​ຂອງ​ປະ­ຊາ­ຊົນ ເຊິ່ງ​ການ​ສະ­ທ້ອນ​ອອກ​ໃນ​ກອງ​ປະ­ຊຸມ​ສະ­ພາ​ແຫ່ງ​ຊາດ ສະ­ໄໝ​ສາ­ມັນ​ເທື່ອ​ທີ VIII ນັ້ນ ຖື​ເປັນ​ການ​ສົ່ງ­ຕໍ່​ສຽງ​ຂອງ​ປະ­ຊາ­ຊົນ.

   ຜູ້​ຂຽນ​ຂໍ​ນຳ​ເອົາ​ບາງ​ຄຳ​ເຫັນ​ຂອງ​ສະ­ມາ­ຊິກ​ສະ­ພາ​ບາງ​ທ່ານ ສັງ​ລວມ​ຫຍໍ້​ນຳ​ສະ­ເໜີ​ຕື່ມ​ເຊັ່ນ: ທ່ານ ສາຍ­ທອງ ແກ້ວ​ດວງ​ດີ ສະ­ມາ­ຊິກ​ສະ­ພາ​ແຫ່ງ​ຊາດ ເຂດ​ເລືອກ​ຕັ້ງ​ທີ 1 ນະ­ຄອນ­ຫຼວງ ໄດ້​ປະ­ກອບ​ຄຳ​ເຫັນ​ວ່າ: ໄລ­ຍະ 3 ປີ­ຜ່ານ­ມາ ການ​ຈັດ​ເກັບ​ລາຍ​ຮັບ​ມີ​ຈຳ­ນວນ​ຫຼຸດ​ລົງ ແຕ່​ກົງ­ກັນ­ຂ້າມ​ກົດ­ໝາຍ ແລະ ນິ­ຕິ​ກຳ​ລຸ່ມ​ກົດ­ໝາຍ​ໄດ້​ເອົາ­ໃຈ­ໃສ່​ປະ­ຕິ­ບັດ​ດີ​ຂຶ້ນ ພື້ນ­ຖານ​ການ​ຜະ­ລິດ​ກະ­ສິ­ກຳ​ທ້ອງ­ຖິ່ນ​ດີ​ຂຶ້ນ ແຕ່​ເປັນ​ຫຍັງ​ການ​ເກັບ​ລາຍ​ຮັບ​ຜັດ​ບໍ່​ໄດ້​ເທົ່າ​ທີ່​ຄວນ ການ​ເກັບ​ລາຍ​ຮັບ​ເຂົ້າ​ງົບ­ປະ­ມານ​ຍັງ​ມີ​ການ​ເຊື່ອງ­ອຳ ກົດ­ໝາຍ​ເລີ່ມ​ເຂັ້ມ­ແຂງ ປະ­ຊາ­ຊົນ​ເລີ່ມ​ເຂົ້າ­ໃຈ ແລະ ນັບ­ຖື​ກົດ­ໝາຍ...ແຕ່​ຍັງ​ມີ​ຊ່ອງ​ຫວ່າງ​ຈຳ­ນວນ​ໜຶ່ງ​ບໍ່​ປະ­ຕິ­ບັດ​ຕາມ ໂດຍ​ສະ­ເພາະ​ຂອດ​ຕ່າງໆ ໃນ​ການ​ປະ­ຕິ­ບັດ​ຂອງ​ເຈົ້າ​ໜ້າ­ທີ່​ລັດ ຖ້າ​ເປັນ​ແບບ​ນີ້ ເສດ­ຖະ­ກິດ​ຂະ­ຫຍາຍ­ຕົວ​ຂຶ້ນ ປະ­ຊາ­ຊົນ​ປະ­ກອບ​ການ​ເສຍ​ພາ­ສີ​ອາ­ກອນ​ໃຫ້​ລັດ​ຢ່າງ​ເອົາ­ໃຈ­ໃສ່ ສູນ​ກາງ​ຜັດ​ມີ​ລາຍ​ຮັບ​ໜ້ອຍ​ລົງ ພະ­ນັກ­ງານ​ລັດ​ບາງ​ກຸ່ມ​ຄົນ​ຜັດ​ຮັ່ງ​ຂຶ້ນ ອັນ​ນີ້​ຖື​ວ່າ ຜິດ​ຫຼັກ­ການ... (ນສພ ວຽງ​ຈັນ​ໃໝ່ 27/11/2019 ໜ້າ​ທີ 2).

   ສຳ­ລັບ​ສະ­ມາ­ຊິກ​ສະ­ພາ​ຈຳ­ນວນ​ໜຶ່ງ ກໍ​ໄດ້​ເນັ້ນ​ໃສ່​ໃຫ້​ລັດ­ຖະ­ບານ​ແບ່ງ​ອັດ­ຕາ​ສ່ວນ​ງົບ­ປະ­ມານ​ໃຫ້​ທ້ອງ­ຖິ່ນ ເອົາ­ໃຈ­ໃສ່​ຊຸກ­ຍູ້​ຂະ­ແໜງ​ກະ­ສິ­ກຳ ເພາະ​ປະ­ຊາ­ຊົນ​ສ່ວນ​ໃຫຍ່ ເຮັດ​ອາ­ຊີບ​ກະ­ສິ­ກຳ ເຊັ່ນ: ສະ­ເໜີ​ໃຫ້​ລັດ­ຖະ­ບານ​ສ້ອມ­ແປງ ແກ້​ໄຂ​ລະ­ບົບ​ຊົນ­ລະ­ປະ­ທານ... (ນສພ ວຽງ​ຈັນ​ໃໝ່ 15/11/2019) ໜ້າ 2 ບັນ­ດາ​ຄຳ​ເຫັນ​ຂອງ​ສະ­ມາ­ຊິກ​ສະ­ພາ​ທີ່​ສະ­ເໜີ​ໃນ​ກອງ​ປະ­ຊຸມ ຖື​ເປັນ​ຂອດ​ສຳ­ຄັນ​ທີ່​ສະ­ທ້ອນ​ອອກ​ຫຼາຍ​ດ້ານ​ໃນ​ການ​ພັດ­ທະ­ນາ​ສັງ­ຄົມ ເຊັ່ນ: ໃນ​ດ້ານ​ຂົງ­ເຂດ​ສານ ແລະ ໄອ​ຍະ​ການ​ທີ່​ຫຼາຍ​ບັນ­ຫາ​ຍັງ​ແກ່­ຍາວ​ເວ­ລາ ການ​ເກັບ​ກຳ​ຂໍ້​ມູນ​ບໍ່​ມີ​ການ​ສົມ​ທຽບ​ກັບ​ຄວາມ​ເປັນ​ຈິງ​ຂອງ​ຄະ­ດີ ຄະ­ດີ​ອຸ­ບັດ­ເຫດ​ທາງ​ຖະ­ໜົນ ບາງ​ຄັ້ງ​ກໍ​ບໍ່​ເປີດ­ເຜີຍ​ຂໍ້​ມູນ​ຄວາມ​ເປັນ​ຈິງ​ໃຫ້​ຄູ່​ກໍ­ລະ­ນີ ຫຼື ສັງ­ຄົມ​ຮັບ​ຮູ້ (ນສພ ວຽງ​ຈັນ​ໃໝ່ 22/11/2019) ໜ້າ 1.

   ບັນ­ດາ​ຄຳ​ເຫັນ​ຂອງ​ສະ­ມາ­ຊິກ​ສະ­ພາ​ແຫ່ງ​ຊາດ​ນັ້ນ ເຫັນ​ວ່າ​ເປັນ​ການ​ສະ­ທ້ອນ​ບັນ­ຫາ ເພື່ອ​ໃຫ້​ພະ­ນັກ­ງານ​ລັດ​ບາງ​ແຫ່ງ​ຕ້ອງ​ຢຶດ​ໝັ້ນ​ຈັນ​ຍາ​ບັນ ແລະ ລະ­ບຽບ​ກົດ­ໝາຍ ປະ­ຕິ­ບັດ​ໜ້າ­ທີ່​ບໍ່​ໃຫ້​ເກີດ​ຊ່ອງ​ຫວ່າງ ເຊິ່ງ​ສະ­ທ້ອນ​ໃຫ້​ເຫັນ​ວ່າ ການ​ບໍ­ລິ­ຫານ ຄຸ້ມ​ຄອງ​ຕ້ອງ​ໂປ່ງ​ໃສ ແລະ ຍຸ­ຕິ​ທຳ...

   ສະ­ເໜີ​ແລກ­ປ່ຽນ

ຂ່າວທີ່ກ່ຽວຂ້ອງ