ຂ່າວຫຼ້າສຸດ

ໝາກໄມ້ ຜົນຜະລິດລະດູແລ້ງຂອງປະຊາຊົນ

3.581 08 ມີ.ນ. 2011 ຫຼຸດຜ່ອນຄວາມທຸກຍາກ
ໝາກໄມ້ ຜົນຜະລິດລະດູແລ້ງຂອງປະຊາຊົນ

<p style="text-align: justify;"> ພືດ​ພັນ​ທັນ​ຍາ​ຫານ ໝາກ​ໄມ້​ຊະ­ນິດ​ຕ່າງໆ ທີ່​ເປັນ​ຜົນ​ຜະ­ລິດ​ຍາມ​ລະ­ດູ­ແລ້ງ​ຂອງ​ປະ­ຊາ­ຊົນ ໄດ້​ເລີ່ມ​ທະ­ຍອຍ​ອອກ​ສູ່​ຕະ­ຫຼາດ ນັບ​ແຕ່​ສິ້ນ​ສຸດ​ລະ­ດູ­ຝົນ ເວົ້າ​ສະ­ເພາະ​ໝາກ­ໂມ ເຊິ່ງ​ເປັນ​ພືດ​ເສດ­ຖະ­ກິດ​ສຳ­ຄັນ​ອີກ​ແນວ​ໜຶ່ງ ກໍ​ເລີ່ມ​ທະ­ຍອຍ​ສູ່​ຕະ­ຫຼາດ​ນັບ​ແຕ່​ຕົ້ນ​ເດືອນ​ສອງ ແລະ ຫຼາຍ​ຂຶ້ນ​ເລື້ອຍໆ ເມື່ອ​ຮອດ​ທ້າຍ​ເດືອນ ແລະ ຢ່ວງ​ເຂົ້າ​ຕົ້ນ​ເດືອນ​ມີ­ນາ ຈົນ​ຈະ​ເອີ້ນ​ວ່າ ລົ້ນ​ຕະ­ຫຼາດ​ກໍ​ໄດ້.</p> <p style="text-align: justify;"> ຜູ້​ຂຽນ​ມີ​ໂອ­ກາດ​ເດີນ­ທາງ​ລົງ​ພາກ​ໃຕ້ ໄດ້​ໄປ​ພົບ​ເຫັນ​ຕະ­ຫຼາດ​ຂາຍ​ໝາກ­ໂມ​ແຫ່ງ​ໜຶ່ງ ໃຫຍ່ ແລະ ຢູ່​ມໍ່​ໃກ້​ກັບ​ແຫຼ່ງ​ຜະ­ລິດ ຕາມ​ຄວາມ​ເປັນ​ຈິງ​ແລ້ວ ໝາກ­ໂມ​ສາ­ມາດ​ປູກ​ໄດ້​ເກືອບ​ທຸກ​ບ່ອນ​ຂອງ​ປະ­ເທດ ຍົກ­ເວັ້ນ​ບ່ອນ​ທີ່​ໜາວ ນ້ຳ​ອັ່ງ ເຊິ່ງ​ພືດ​ນີ້​ຕ້ອງ­ການ​ປັບ­ປຸງ​ດິນ ເພື່ອ​ໃຫ້​ອອກ​ໝາກ​ຫຼາຍ ແລະ ແນວ​ພັນ​ທີ່​ກົມ​ກືນ​ກັບ​ດິນ​ຟ້າ​ອາ­ກາດ ແລະ ມີ​ຄວາມ​ສາ­ມາດ​ຕ້ານ​ກັບ​ການ​ລະ­ບາດ​ຂອງ​ພະ­ຍາດ​ຕ່າງໆ​ອີກ​ດ້ວຍ.</p> <p style="text-align: justify;"> ໝາກ­ໂມ​ສອງ​ຄອນ ເປັນ​ໝາກ­ໂມ​ທີ່​ສ້າງ​ຊື່​ສຽງ ແລະ ລາຍ​ໄດ້​ໃຫ້​ແກ່​ຄົນ​ທ້ອງ­ຖິ່ນ​ດັ່ງ­ກ່າວ​ມາ​ຫຼາຍ​ສິບ​ປີ ເມື່ອ​ຕົກ​ຍາມ​ລະ­ດູ­ແລ້ງ ເຊິ່ງ​ສະ­ຖານ­ທີ່​ປູກ ກໍ​ແມ່ນ​ຢູ່​ແຖວ​ລະ​ຫາ​ນ້ຳ­ທ່າ​ປະ­ຊຸມ ແລະ ບ້ານ​ອື່ນໆ​ຂອງ​ເມືອງ​ສອງ​ຄອນ ແຂວງ​ສະ­ຫວັນ​ນະ​ເຂດ ນອກ­ຈາກ​ນີ້ ກໍ​ຍັງ​ມີ​ຢູ່​ຕາມ​ດອນ​ຕ່າງໆ​ຂອງ​ເມືອງ​ໂຂງ ແລະ ແຫ່ງ​ອື່ນໆ​ຕາມ​ທົ່ງ​ນາ​ທີ່​ກ່ຽວ​ເຂົ້າ​ແລ້ວ ແຕ່​ເໜືອ​ເຖິງ​ໃຕ້ ເຊິ່ງ​ຊ່ວຍ​ໃຫ້​ຊາວ​ກະ­ສິ­ກອນ ມີ​ລາຍ​ຮັບ​ເພີ່ມ​ເຕີມ​ຂຶ້ນ​ອີກ.</p> <p style="text-align: justify;"> ຈຸດ​ຂາຍ​ໝາກ­ໂມ​ກຸ່ມ​ໜາມ­ຄອງ ທີ່​ຂາຍ​ຢູ່​ບໍ­ລິ­ເວນ​ບ້ານ​ໜອງ​ກຸງ ເມືອງ​ສອງ​ຄອນ ແຂວງ​ສະ­ຫວັນ​ນະ​ເຂດ ໄດ້​ອະ­ທິ­ບາຍ​ໃຫ້​ຜູ້​ຂຽນ​ຟັງ​ເຖິງ​ກິດ­ຈະ­ກຳ​ຂາຍ​ໝາກ­ໂມ​ວ່າ: ພາຍ­ຫຼັງ​ຕົກ​ແລ້ງ ພວກ​ຕົນ​ເວົ້າ​ສະ­ເພາະ​ເພດ​ຍິງ ໄດ້​ພາ­ກັນ​ຕັ້ງ​ຕູບ​ຕັ້ງ​ເຕັນ​ເພື່ອ​ຮັບ​ໝາກ­ໂມ​ມາ​ຂາຍ ເພື່ອ​ມີ​ລາຍ​ໄດ້​ເສີມ ໝາກ­ໂມ​ທີ່​ຮັບ​ມາ ແມ່ນ​ຮັບ​ເອົາ​ຈາກ​ສວນ​ຂອງ​ຊາວ­ບ້ານ​ລະ​ຫາ​ນ້ຳ ແລະ ບ້ານ​ອື່ນໆ ຄັ້ງ​ລະ​ປະ­ມານ 200-500 ໜ່ວຍ ໂດຍ​ນັ່ງ​ຂາຍ​ແຄມ​ທາງ​ລົດ​ຜ່ານ ລາ­ຄາ​ຂາຍ​ກໍ​ແມ່ນ​ຕັ້ງ­ແຕ່​ໜ່ວຍ 10.000 ກີບ 2 ໜ່ວຍ 15.000 ກີບ 3 ໜ່ວຍ 20.000 ກີບ ຫຼື ຕາມ​ການ​ຕົກ­ລົງ​ລະ­ຫວ່າງ​ສອງ​ຝ່າຍ ລູກ​ຄ້າ​ກ່ອນ​ຈະ​ຊື້ ແມ່​ປ້າ​ນ້າ​ອາ​ເຫຼົ່າ­ນັ້ນ ມີ​ແນວ​ໃຫ້​ຊີມ​ກ່ອນ​ຈຶ່ງ​ຊື້ ໂດຍ​ຜ່າ​ສົດໆ​ໃຫ້​ກິນ ເຊິ່ງ​ມີ​ທັງ​ໃຈ​ແດງ ໃຈ​ເຫຼືອງ ແລະ ມີ​ສາຍ​ພັນ​ຈາກ​ຕ່າງ­ປະ­ເທດ ແມ່​ຄ້າ​ດັ່ງ­ກ່າວ​ຍັງ​ເວົ້າ​ໃຫ້​ຟັງ​ວ່າ: ປີ​ນີ້​ໝາກ­ໂມ​ອອກ​ຫຼາຍ ລາ­ຄາ​ອ່າວ​ຕົກ ເພາະ​ຜົນ​ຜະ­ລິດ​ຫຼາຍ​ບ່ອນ ກໍ​ອອກ​ໃນ​ໄລ­ຍະ​ດຽວ ຈຶ່ງ​ຂາຍ​ຂ້ອນ​ຂ້າງ​ຍາກ​ແດ່ ໃນ​ຈຳ­ນວນ 10 ປາຍ​ຜາມ ແຕ່​ລະ​ຜາມ​ສາ­ມາດ​ຂາຍ​ໄດ້ ໂດຍ​ສະ­ເລ່ຍ​ລະ­ຫວ່າງ​ແສນ​ໜຶ່ງ ຫາ​ສາມ​ແສນ​ກີບ​ຕໍ່​ວັນ ສະ­ເພາະ​ວັນ​ເສົາ​ອາ­ທິດ ສ່ວນ​ວັນ​ອື່ນໆ​ຄົນ​ໄປ​ທ່ຽວ​ນ້ອຍ​ກໍ​ໄດ້​ຂາຍ​ນ້ອຍ ຕໍ່​ຄຳ​ຖາມ​ທີ່​ວ່າ ການ​ເຮັດ​ໃຫ້​ໝາກ­ໂມ​ຫວານ ມີ­ໃຈ​ສີ­ແດງ​ເຂັ້ມ ຫຼື ເຫຼືອງ​ນັ້ນ ແມ່ນ​ການ​ໃຊ້​ຢາ ຫຼື ເຮັດ​ແນວ­ໃດ ກຸ່ມ​ແມ່​ຄ້າ​ດັ່ງ­ກ່າວ​ຕອບ​ເປັນ​ສຽງ​ດຽວ​ທັງ​ສົ່ງ​ສຽງ​ຫົວ​ວ່າ: ບໍ່​ມີ​ໃຜ​ເຮັດ​ແນວ​ນັ້ນ ຜູ້​ປູກ​ກໍ​ກິນ ຜູ້​ຂາຍ​ກໍ​ກິນ ພະ­ສົງ​ອົງ­ຄະ​ເຈົ້າ​ກໍ​ກິນ ແລະ ກໍ​ບໍ່​ມີ​ໃຜ​ໃຊ້​ເວ­ລາ​ອັນ​ຫຼວງ­ຫຼາຍ ໄປ​ເຮັດ​ໝາກ­ໂມ​ເປັນ​ແສນໆ​ໜ່ວຍ​ນັ້ນ​ໄດ້​ດອກ ເຫັນ​ງາມ​ກໍ​ວ່າ​ໃສ່​ຢາ​ນັ້ນ​ບໍ່​ຖືກ ສ່ວນ​ໃຫຍ່​ແມ່ນ​ການ​ໄຖ​ປັບ­ປຸງ​ດິນ ໃສ່​ຝຸ່ນ​ໃນ​ທົ່ງ​ນາ ທີ່​ປູກ​ເຂົ້າ​ປີ­ຜ່ານ­ມາ ໃຫ້​ຖືກ​ຕາມ​ຫຼັກ​ວິ­ຊາ​ການ ເບິ່ງ​ການ​ໃຫ້​ນ້ຳ​ພໍ​ເໝາະ ໃສ່​ຝຸ່ນ​ຕາມ​ໄລ­ຍະ ພຽງ​ເທົ່າ​ນັ້ນ​ການ​ໃຫ້​ໝາກ­ຜົນ​ກໍ​ຈະ​ຕາມ​ມາ ນອກ­ຈາກ​ກິນ​ໝາກ­ໂມ​ສຸກ​ສົດໆ​ແລ້ວ ບາງ​ບ່ອນ​ທີ່​ປູກ​ຫຼາຍ​ຍັງ​ເອົາ​ແກ່ນ​ໃນ​ໝາກ­ໂມ ແປ​ຮູບ​ໃຫ້​ຄົນ​ກິນ​ຄົນ​ເກັດ​ນຳ​ອີກ.</p>

ຂ່າວທີ່ກ່ຽວຂ້ອງ