ຂ່າວຫຼ້າສຸດ

ຫົວໜ່ວຍທຸລະກິດ ຊຸກຍູ້ກອງບັນຊາການປ້ອງກັນສູນກາງ

648 17 ທ.ວ. 2019 ຂ່າວໜ້າ​ໜຶ່ງ
ຫົວໜ່ວຍທຸລະກິດ ຊຸກຍູ້ກອງບັນຊາການປ້ອງກັນສູນກາງ

   ບໍ­ລິ­ສັດ ປາກ​ຊ່ອງ​ພັດ­ທະ­ນາ​ຂາ​ອອກ-ຂາ​ເຂົ້າ ຈຳ­ກັດ ແລະ ບໍ­ລິ­ສັດ ແກ້ວ​ທະ­ວີ­ຄູນ​ເພີ່ມ​ພູນ​ຊັບ ຂາ​ອອກ-ຂາ​ເຂົ້າ ຈຳ­ກັດ ໄດ້​ອຸ­ປະ­ຖຳ​ຊຸກ­ຍູ້​ເຄື່ອງ­ຮັບ​ໃຊ້​ກອງ​ປະ­ຊຸມ​ໃຫຍ່ ຄັ້ງ​ທີ VI ຂອງ​ອົງ­ຄະ​ນະ​ພັກ ກອງ​ບັນ­ຊາ​ການ​ປ້ອງ​ກັນ​ສູນ​ກາງ ກະ­ຊວງ​ປ້ອງ​ກັນ​ຄວາມ​ສະ­ຫງົບ​ທີ່​ຈະ​ຈັດ​ຂຶ້ນ​ໃນ​ບໍ່​ດົນ​ນີ້ ລວມ​ມູນ​ຄ່າ​ທັງ​ໝົດ 33 ລ້ານ​ກີບ.

   ພິ­ທີ​ມອບ-ຮັບ​ເຄື່ອງ​ອຸ­ປະ­ຖຳ​ດັ່ງ­ກ່າວ​ຈັດ​ຂຶ້ນ​ວັນ​ທີ 16 ທັນ­ວາ 2019 ທີ່​ສຳ­ນັກ­ງານ​ກອງ​ບັນ­ຊາ​ການ​ປ້ອງ​ກັນ​ສູນ​ກາງ ກ່າວ​ມອບ​ໂດຍ​ທ່ານ​ນາງ ອິນ​ແປງ ຊາ​ມຸນ­ຕີ ປະ­ທານ​ບໍ­ລິ­ສັດ ປາກ​ຊ່ອງ​ພັດ­ທະ­ນາ​ຂາ​ອອກ-ຂາ​ເຂົ້າ ຈຳ­ກັດ ແລະ ທ່ານ ແກ້ວ​ລຳ​ພອນ ແສງ​ສຸ​ລິ​ເດດ ປະ­ທານ​ບໍ­ລິ­ສັດ ແກ້ວ​ທະ­ວີ­ຄູນ​ເພີ່ມ​ພູນ​ຊັບ​ຂາ​ອອກ-ຂາ​ເຂົ້າ ຈຳ­ກັດ ແລະ ກ່າວ​ຮັບ​ໂດຍ​ທ່ານ ພັນ​ເອກ ຄຳ​ເກື່ອງ ຜິວ​ບັນ​ນາ ຮອງ​ຫົວ­ໜ້າ​ກອງ​ບັນ­ຊາ​ການ​ປ້ອງ​ກັນ​ສູນ​ກາງ ຫົວ­ໜ້າ​ອະ­ນຸ​ກຳ­ມະ­ການ​ພິ­ທີ­ການ​ກະ­ກຽມ​ໃຫ້​ແກ່​ກອງ​ປະ­ຊຸມ​ໃຫຍ່ ຄັ້ງ​ທີ VI ຂອງ​ອົງ­ຄະ​ນະ​ພັກ ກອງ​ບັນ­ຊາ​ການ​ປ້ອງ​ກັນ​ສູນ​ກາງ ມີ​ທີ່​ປຶກ­ສາ​ບໍ­ລິ­ສັດ ຄະ­ນະ​ອຳ­ນວຍ​ການ​ບໍ­ລິ­ສັດ ແລະ ຄະ­ນະ​ພັກ ຄະ­ນະ​ບັນ­ຊາ​ກອງ​ບັນ­ຊາ​ການ​ປ້ອງ​ກັນ​ສູນ​ກາງ ເຂົ້າ​ຮ່ວມ.

   ສຳ­ລັບ​ເຄື່ອງ​ທີ່​ສອງ​ບໍ­ລິ­ສັດ​ມາ​ຊຸກ­ຍູ້​ກອງ​ບັນ­ຊາ​ການ​ປ້ອງ​ກັນ​ສູນ​ກາງ ເພື່ອ​ຮັບ​ໃຊ້​ກອງ​ປະ­ຊຸມ​ໃຫຍ່ ຄັ້ງ​ທີ VI ຂອງ ອົງ­ຄະ​ນະ​ພັກ​ກອງ​ບັນ­ຊາ​ການ​ປ້ອງ​ກັນ​ສູນ​ກາງ​ຄັ້ງ​ນີ້ ຄື: ບໍ­ລິ­ສັດ ປາກ​ຊ່ອງ​ພັດ­ທະ­ນາ​ຂາ​ອອກ-ຂາ​ເຂົ້າ ຈຳ­ກັດ ໄດ້​ຊຸກ­ຍູ້​ກະ­ເປົາ​ຫິ້ວ 150 ໜ່ວຍ ແລະ ກາ­ເຟ 300 ຈອກ ລວມ​ມູນ​ຄ່າ 30 ລ້ານ​ກີບ ແລະ ບໍ­ລິ­ສັດ ແກ້ວ​ທະ­ວີ­ຄູນ​ເພີ່ມ​ພູນ​ຊັບ​ຂາ​ອອກ-ຂາ​ເຂົ້າ ຈຳ­ກັດ ຊຸກ­ຍູ້​ປຶ້ມ​ບັນ­ທຶກ 150 ຫົວ ແລະ ບິກ​ຂຽນ 150 ກ້ານ ລວມ​ມູນ​ຄ່າ 3 ລ້ານ​ກີບ.

ຂ່າວທີ່ກ່ຽວຂ້ອງ