ຂ່າວຫຼ້າສຸດ

ພຊສ ນວ ອອກໃບຕາດິນເປັນລະບົບ ໄດ້ລື່ນແຜນການ

583 17 ທ.ວ. 2019 ຂ່າວໜ້າ​ໜຶ່ງ

    ທ່ານ ບຸນ​ທາມ ພຸດ​ທະ​ວົງ­ສາ ຫົວ­ໜ້າ​ພະ​ແນກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ​ນະ ຄອນ​ຫຼວງ​ວຽງ​ຈັນ (ຊສ ນວ) ໃຫ້​ສຳ­ພາດ​ວັນ​ທີ 9 ທັນ­ວາ 2019 ວ່າ: ການ­ຈັດ­ຕັ້ງ​ປະ­ຕິ­ບັດ​ແຜນ­ການ ໃນ​ປີ 2019 ຂອງ​ພະ​ແນກ ຊສ ນວ ມາ​ເຖິງ​ເດືອນ​ທັນ­ວາ 2019 ແຜນ­ການ​ສູ້​ຊົນ​ຕົວ​ເລກ​ອອກ​ໃບ​ຕາ­ດິນ​ເປັນ​ລະ­ບົບ​ຕາມ​ຕົວ​ເລກ​ມອບ​ໝາຍ​ໃຫ້​ທີ່ ນວ ໄດ້​ຮັບ­ຮອງ 10.000 ຕອນ ປັດ­ຈຸ­ບັນ​ປະ­ຕິ­ບັດ​ໄດ້ 11.774 ຕອນ ໄດ້​ລື່ນ​ແຜນ­ການ 1.774 ຕອນ ສ່ວນ​ຕົວ​ເລກ​ຄາດ­ໝາຍ​ທີ່​ກະ­ຊວງ ຊສ ມອບ​ໝາຍ​ໃຫ້ 12.000 ຕອນ ຄາດ​ວ່າ​ຈະ​ປະ­ຕິ­ບັດ​ໄດ້ 12.400 ຕອນ ລື່ນ​ແຜນ 400 ຕອນ.

    ສຳ­ລັບ​ຕົວ​ເລກ​ແຜນ­ການ​ຈັດ​ເກັບ​ລາຍ​ຮັບ​ເຂົ້າ​ງົບ­ປະ­ມານ​ກໍ​ເຊັ່ນ​ດຽວ​ກັນ ຄາດ​ວ່າ​ຈະ​ສາ­ມາດ​ບັນ­ລຸ​ຄາດ­ໝາຍ​ໄດ້ ແລະ ວຽກ​ພົ້ນ​ເດັ່ນ​ອີກ​ອັນ​ໜຶ່ງ​ແມ່ນ​ກົງ­ຈັກ​ການ­ຈັດ­ຕັ້ງ​ໄດ້​ມີ​ຄວາມ​ພະ­ຍາ­ຍາມ​ປັບ­ປຸງ​ກົງ­ຈັກ​ການ­ຈັດ­ຕັ້ງ ເພື່ອ​ເຮັດ​ໃຫ້​ມີ​ຄວາມ​ຄ່ອງ​ຕົວ ແກ້​ໄຂ​ປາ­ກົດ­ການ​ຫຍໍ້­ທໍ້​ຕ່າງໆ​ໃນ​ຂົງ­ເຂດ​ນີ້ ປັດ­ຈຸ­ບັນ​ໄດ້​ສຳ­ເລັດ​ການ​ປັບ­ປຸງ​ກົງ­ຈັກ​ການ­ຈັດ­ຕັ້ງ​ຢູ່​ຂັ້ນ​ຂະ­ແໜງ­ການ ແລະ ຂັ້ນ​ເມືອງ ແລະ ມີ​ຄາດ­ໝາຍ​ປັບ­ປຸງ​ແກ້​ໄຂ​ຂອດ​ອາ­ສາ​ສະ­ໝັກ ໂດຍ​ອີງ­ໃສ່​ມະ­ຕິ​ຕົກ­ລົງ​ຂອງ​ຄະ­ນະ​ພັກ-ຄະ­ນະ​ພະ​ແນກ ປັດ­ຈຸ­ບັນ​ກຳ­ລັງ​ກຽມ​ປະ​ເມີນ​ອາ­ສາ​ສະ­ໝັກ​ທີ່​ເຮັດ​ວຽກ​ຢູ່​ພະ​ແນກ ແລະ ຫ້ອງ­ການ ຊສ 9 ເມືອງ 100 ກວ່າ​ຄົນ ເຊິ່ງ​ຈະ​ໄດ້​ປະ​ເມີນ ຈັດ​ປະ­ເພດ​ອາ­ສາ​ສະ­ໝັກ ພາຍ­ຫຼັງ​ຈັດ​ປະ­ເພດ​ແລ້ວ​ຈະ​ໄດ້​ມອບ​ໃບ​ຍ້ອງ­ຍໍ ແລະ ໃບ​ຊົມ­ເຊີຍ ມອບ​ໃບ​ຜ່ານ​ງານ ແລະ ໃບ­ຢັ້ງ­ຢືນ​ອົງ​ການ­ຈັດ­ຕັ້ງ​ມະ­ຫາ­ຊົນ ພ້ອມ​ມອບ​ບຳ​ເນັດ​ຈຳ­ນວນ​ໜຶ່ງ ແລະ ຈະ​ໄດ້​ປະ­ກາດ​ປົດ​ປ່ອຍ​ພະ­ນັກ­ງານ​ອາ­ສາ​ສະ­ໝັກ​ເປັນ​ທາງ​ການ ​ໃນ​ທ້າຍ​ເດືອນ​ທັນ­ວາ 2019 ພາຍ­ຫຼັງ​ການ​ປະ​ເມີນ​ໄດ້​ຜູ້​ທີ່​ດີ­ເດັ່ນ ທີ່​ມີ​ຄວາມ​ຮູ້-ຄວາມ​ສາ­ມາດ ຈະ​ຂຶ້ນ​ບັນ­ຊີ​ຈຳ­ນວນ​ດັ່ງ­ກ່າວ​ໄວ້ ຖ້າ​ຫາກ​ມີ​ໂຄງ­ການ​ສະ­ເພາະ​ກິດ​ຈາກ​ຂັ້ນ​ເທິງ ກໍ​ຈະ​ໄດ້​ເອີ້ນ​ຈຳ­ນວນ​ດັ່ງ­ກ່າວ ມາ​ເຮັດ​ສັນ­ຍາ​ເຮັດ​ວຽກ​ນຳ​ພວກ​ເຮົາ ແລະ ຖ້າ​ມີ​ໂຄ​ຕ້າ​ລັດ­ຖະ­ກອນ ກໍ​ຈະ​ໃຫ້​ບຸ­ລິ­ມະ­ສິດ​ອາ­ສາ​ສະ­ໝັກ​ມາ​ສອບ­ເສັງ​ບັນ­ຈຸ.

    ປັດ­ຈຸ­ບັນ​ກຳ­ລັງ​ກະ­ກຽມ​ດຳ­ເນີນ​ກອງ​ປະ­ຊຸມ​ໃຫຍ່ 3 ຂັ້ນ ໄດ້​ປັບ­ປຸງ​ກົງ­ຈັກ​ລັດ​ສຳ­ເລັດ ແລະ ສືບ­ຕໍ່​ສູ້​ຊົນ​ປັບ­ປຸງ​ກົງ­ຈັກ​ການ­ຈັດ­ຕັ້ງ​ພັກ ໂດຍ​ໄດ້​ສ້າງ­ຕັ້ງ​ໜ່ວຍ​ພັກ​ໄປ​ຕາມ​ຂະ­ແໜງ­ການ​ສາຍ​ຕັ້ງ ມີ 8 ໜ່ວຍ​ພັກ ສະ­ເໜີ​ຂໍ­ອະ­ນຸ­ຍາດ​ແຕ່ງ­ຕັ້ງ​ບົ່ງ​ຕົວ​ສຳ­ເລັດ ໄດ້​ເປີດ​ບັ້ນ​ດຳ­ເນີນ​ຊີ­ວິດ​ການ­ເມືອງ ໂດຍ​ເປີດ​ຂະ​ບວນ​ການ​ເຜີຍ ແຜ່​ແນະ­ນຳ​ການ​ກະ­ກຽມ​ກອງ​ປະ­ຊຸມ​ໃຫຍ່ 3 ຂັ້ນ ໃນ​ເດືອນ​ທັນ­ວາ​ນີ້ ຈະ​ດຳ­ເນີນ​ກອງ​ປະ­ຊຸມ​ໃຫຍ່​ອົງ­ການ ຈັດ​ຕັ້ງ​ມະ­ຫາ­ຊົນ ແລະ ເດືອນ​ມັງ­ກອນ 2020 ຈະ​ເລີ່ມ​ດຳ­ເນີນ​ກອງ​ປະ­ຊຸມ​ໃຫຍ່​ໜ່ວຍ​ພັກ.

    ສຳ­ລັບ​ວຽກ​ງານ​ໂຄງ­ການ​ທີ່​ໄດ້​ມີ​ສ່ວນ​ຮ່ວມ ເປັນ­ຕົ້ນ ໂຄງ­ການ​ທາງ​ດ່ວນ ນວ ໝາຍ​ເລກ 1 ສຳ­ເລັດ​ການ​ສຳ​ຫຼວດ​ຂໍ້​ມູນ​ພື້ນ­ຖານ​ໃຫ້­ການ​ຊົດ​ເຊີຍ ຜູ້​ມີ​ສ່ວນ​ຮ່ວມ​ກັບ​ໂຄງ­ການ​ແມ່ນ​ໄດ້​ຮັບ​ຄ່າ​ຊົດ​ເຊີຍ 2 ຄັ້ງ ໃນ​ນີ້​ຄັ້ງ​ທີ 1 ມີ 19 ຄົນ 19 ຕອນ​ດິນ ມູນ​ຄ່າ 4 ຕື້​ກວ່າ​ກີບ ຄັ້ງ​ທີ 2 ມີ 90 ກວ່າ​ຕອນ ມູນ​ຄ່າ 40 ຕື້​ກວ່າ​ກີບ ແລະ ຈະ​ສູ້​ຊົນ​ໃຫ້​ສຳ­ເລັດ​ການ​ຊົດ​ເຊີຍ​ໂດຍ​ໄວ ເພື່ອ​ໃຫ້​ສາ­ມາດ​ດຳ­ເນີນ​ໂຄງ­ການ​ຕາມ​ເປົ້າ​ໝາຍ.

ຂ່າວທີ່ກ່ຽວຂ້ອງ