ປັບປຸງການຈັດຕັ້ງກອງຄຸ້ມຄອງພາຫະນະ ແລະ ການຂັບຂີ່ ນວ

1.342 13 ທ.ວ. 2019 ຂ່າວໜ້າ​ໜຶ່ງ
ປັບປຸງການຈັດຕັ້ງກອງຄຸ້ມຄອງພາຫະນະ ແລະ ການຂັບຂີ່ ນວ

   ພິ­ທີ​ມອບ-ຮັບ​ໜ້າ­ທີ່​ຫົວ­ໜ້າ​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່ ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 12 ທັນ­ວາ 2019 ຢູ່​ກອງ​ດັ່ງ­ກ່າວ ລະ­ຫວ່າງ​ທ່ານ ນວນ​ໄຊ ພະ​ໄຊ​ສົມ­ບັດ ຫົວ­ໜ້າ​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່ ນວ (ຜູ້​ເກົ່າ) ແລະ ທ່ານ ບຸນ​ປອນ ບຸນ​ສົມ​ຫວັງ ຮອງ​ຫົວ­ໜ້າ​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່ ນວ ຜູ້​ໃໝ່ ໂດຍ​ມີ​ທ່ານ ບຸນ​ທອງ ພົມ­ມະ­ຈັນ ຫົວ­ໜ້າ​ຄະ­ນະ​ຈັດ​ຕັ້ງ ນວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

   ການ​ມອບ-ຮັບ​ໜ້າ­ທີ່​ຄັ້ງ​ນີ້ ແມ່ນ​ປະ­ຕິ­ບັດ​ຕາມ​ຂໍ້​ຕົກ­ລົງ​ວ່າ​ດ້ວຍ​ການ​ອະ­ນຸ­ມັດ​ໃຫ້​ພະ­ນັກ­ງານ​ລັດ­ຖະ­ກອນ ຮັບ​ອຸດ​ໜູນ​ບຳ­ນານ ແລະ ຂໍ້​ຕົກ­ລົງ​ວ່າ​ດ້ວຍ​ການ​ແຕ່ງ­ຕັ້ງ​ພະ­ນັກ­ງານ ໃນ​ນີ້ ໄດ້​ຕົກ­ລົງ​ໃຫ້​ທ່ານ ນວນ​ໄຊ ພະ​ໄຊ​ສົມ­ບັດ ຫົວ­ໜ້າ​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່ ນວ ຜູ້​ເກົ່າ ເຂົ້າ​ຮັບ​ອຸດ​ໜູນ​ບຳ­ນານ ແລະ ແຕ່ງ­ຕັ້ງ​ທ່ານ ບຸນ​ປອນ ບຸນ​ສົມ​ຫວັງ ຮອງ​ຫົວ­ໜ້າ​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່ ນວ ເປັນ​ຫົວ­ໜ້າ​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່ ນວ ຜູ້​ໃໝ່ ທ່ານ ວົງ​ໄຊ ແກ້ວ​ວໍ­ລະ​ຈັກ ແລະ ທ່ານ​ນາງ ຄຳ​ພາ ພົມ​ມີ​ວົງ ເປັນ​ຮອງ​ຫົວ­ໜ້າ ເພື່ອ​ສືບ­ຕໍ່​ດຳ­ເນີນ​ວຽກ​ງານ​ຂອງ​ກອງ​ຄຸ້ມ​ຄອງ​ພາ­ຫະ­ນະ ແລະ ການ​ຂັບ​ຂີ່​ສືບ­ຕໍ່​ເຄື່ອນ​ໄຫວ​ຕາມ​ພາ­ລະ​ບົດ­ບາດ ຖືກ­ຕ້ອງ​ຕາມ​ລະ­ບຽບ​ກົດ­ໝາຍ.

ຂ່າວທີ່ກ່ຽວຂ້ອງ