ສຸກັນ ຍາດຫຼຽນຄຳທຳອິດ ໃຫ້ທັບກີລາລາວ ໃນຊີເກມ 2019

1.978 12 ທ.ວ. 2019 ວົງຈອນກີລາ
ສຸກັນ ຍາດຫຼຽນຄຳທຳອິດ ໃຫ້ທັບກີລາລາວ ໃນຊີເກມ 2019

   ວັນ​ທີ 10 ທັນ­ວາ 2019 ທ້າວ ສຸ​ກັນ ໄຕ​ປັນ­ຍາ​ວົງ ນັກ­ກີ­ລາ Kickboxing ທີມ​ຊາດ​ລາວ​ໜຶ່ງ​ດຽວ ທີ່​ສາ­ມາດ​ຜ່ານ​ເຂົ້າ​ສູ່​ຮອບ​ຊີງ​ຊະ­ນະ​ເລີດ ຮຸ່ນ​ນ້ຳ­ໜັກ​ບໍ່​ເກີນ 60 ກິ​ໂລ ພົບ BONA TUA LUMBANTUNGKUP ນັກ­ກີ­ລາ​ຈາກ​ອິນ​ໂດ​ເນ​ເຊຍ ເຊິ່ງ ສຸ​ກັນ ເຕະ​ເຂົ້າ​ໜ້າ​ທ້ອງ ແຖມ​ດ້ວຍ​ໝັດ ຊະ­ນະ​ນັອກ​ໃນ​ຍົກ​ທີ 1 ຄວ້າ​ຫຼຽນ​ຄຳ ຫຼຽນ​ທຳ​ອິດ ແລະ ເປັນ​ຫຼຽນ​ຄຳ​ຫຼຽນ​ດຽວ​ໃຫ້​ທັບ​ນັກ­ກີ­ລາ​ລາວ ໃນ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ຢູ່​ປະ­ເທດ​ຟີ​ລິບ​ປິນ.

   ສຳ­ລັບ​ຜົນ­ງານ​ຂອງ ສຸ​ກັນ ໃນ​ການ​ແຂ່ງ­ຂັນ​ຊີ­ເກມ​ຄັ້ງ​ນີ້ ຈັບ​ສະ­ຫຼາກ​ຜ່ານ​ເຂົ້າ​ຮອບ​ໄປ​ລໍ­ຖ້າ​ໃນ​ຮອບ 8 ຄົນ​ສຸດ​ທ້າຍ ມາ​ໃນ​ຮອບ​ຮອງ​ຊະ­ນະ​ເລີດ ເອົາ​ຊະ­ນະ CHORK SIVIN ນັກ­ກີ­ລາ​ຈາກ ກຳ­ປູ­ເຈຍ 3-0 ຍົກ ແລະ ໃນ​ຮອບ​ຊີງ ຊະ­ນະ​ນັອກ ນັກ​ມວຍ​ຈາກ​ອິນ​ໂດ​ເນ​ເຊຍ ໃນ​ຍົກ 1 ເປັນ​ວິ­ລະ​ບູ​ລຸດ​ນັກ­ກີ­ລາ​ລາວ ໃນ​ຊີ­ເກມ​ຄັ້ງ​ນີ້.

   ກີ­ລາ Kickboxing ເປັນ​ກີ­ລາ​ໃໝ່​ໃນ​ຊີ­ເກມ​ຄັ້ງ​ນີ້ ມີ​ຊີງ 8 ຫຼຽນ​ຄຳ ຍິງ 2 ລາຍ­ການ ຊາຍ 6 ລາຍ­ການ ເຊິ່ງ​ລາວ​ຍາດ​ມາ​ໄດ້ 1 ຫຼຽນ​ຄຳ ຈາກ ສຸ​ກັນ ໄຕ​ປັນ­ຍາ​ວົງ 1 ຫຼຽນ​ທອງ ຈາກ​ນາງ ມາ­ລາ​ຈັນ ທະ​ລັກ​ສາ ຮຸ່ນ​ນ້ຳ­ໜັກ 48 ກິ​ໂລ.

ຂ່າວທີ່ກ່ຽວຂ້ອງ