ຫຼາຍພາກສ່ວນອຸປະຖຳນັກກີລາຄົນພິການລາວ ຮ່ວມພາຣາເກມ

1.230 12 ທ.ວ. 2019 ວົງຈອນກີລາ
ຫຼາຍພາກສ່ວນອຸປະຖຳນັກກີລາຄົນພິການລາວ ຮ່ວມພາຣາເກມ

   ພິ­ທີ​ມອບ-ຮັບ​ເຄື່ອງ­ນຸ່ງ ເຂົ້າ ອາ­ຫານ​ແຫ້ງ ເຄື່ອງ​ດື່ມ​ບຳ­ລຸງ ແລະ ອື່ນໆ​ຈາກ​ພາກ­ສ່ວນ​ຕ່າງໆ ມູນ​ຄ່າ 18.891.000 ກີບ ໃຫ້​ນັກ­ກີ­ລາ​ຄົນ​ພິ­ການ​ລາວ ທີ່​ຈະ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ອາ​ຊຽນ​ພາ​ຣາ​ເກມ ຄັ້ງ​ທີ X ຢູ່​ປະ­ເທດ​ຟີ​ລິບ​ປິນ ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້ ເຊິ່ງ​ຮັບ​ໂດຍ​ທ່ານ ສີ­ທາດ ຈັນ­ທະ​ບູ​ລີ ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ ຮອງ​ປະ­ທານ ຄະ­ນະ​ກຳ­ມະ­ການ​ພາ​ຣາ​ແລມ​ປິກ​ແຫ່ງ​ຊາດ​ລາວ ມີ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

   ທ່ານ ສີ­ທາດ ຈັນ­ທະ​ບູ​ລີ ໄດ້​ສະ­ແດງ​ຄວາມ​ຂອບ­ໃຈ​ຕໍ່​ການ​ມາ​ໃຫ້​ສະ­ໜັບ­ສະ­ໜູນ ແລະ ຊຸກ­ຍູ້​ຂອງ​ບັນ­ດາ​ບໍ­ລິ­ສັດ ຫ້າງ​ຮ້ານ ແລະ ສ່ວນ​ບຸກ­ຄົນ​ຄັ້ງ​ນີ້ ໂດຍ​ເຄື່ອງ​ດັ່ງ­ກ່າວ ຈະ​ໄດ້​ມອບ​ຕໍ່­ໃຫ້​ຄະ­ນະ​ຮັບ­ຜິດ­ຊອບ ນຳ­ໄປ​ແຈກ​ຢາຍ​ໃຫ້​ນັກ­ກີ­ລາ ທີ່​ຈະ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ອາ​ຊຽນ​ພາ​ຣາ​ເກມ ຄັ້ງ​ທີ X ວັນ​ທີ 18-25 ມັງ­ກອນ 2020 ເພື່ອ​ໃຫ້​ມີ​ກຳ­ລັງ​ໃຈ ແລະ ເຕັມ­ທີ່​ໃນ​ການ​ສ້າງ​ຜົນ­ງານ​ມາ­ສູ່​ປະ­ເທດ.

   ຜູ້​ໃຫ້­ການ​ສະ­ໜັບ­ສະ­ໜູນ​ຄັ້ງ​ນີ້ ປະ­ກອບ​ມີ​ຮ້ານ GXS LAOS 6 ລ້ານ​ກວ່າ​ກີບ ສ່ວນ​ບຸກ­ຄົນ 2.868.000 ກີບ ບໍ­ລິ­ສັດ​ບາ​ລະ​ມີ​ການ​ຄ້າ 1.343.000 ກີບ ຮ້ານ​ກາ­ເຟ​ແອັດ​ເອັດ​ເປຣ​ໂຊ​ຄອບ​ຟີ ບ້ານ​ມີ​ໄຊ ແລະ ຮ້ານ​ອາ­ຫານ​ເລີ​ເຕ​ລາດ ບ້ານ​ມີ​ໄຊ 6,6 ລ້ານ​ກີບ ຮ້ານ​ເຫຼັກ​ນາ­ນາ 2 ລ້ານ​ກີບ ລວມ​ມູນ​ຄ່າ 18.891.000 ກີບ.

   ການ​ເຂົ້າ​ຮ່ວມ​ງານ​ແຂ່ງ­ຂັນ​ກີ­ລາ​ອາ​ຊຽນ​ພາ​ຣາ​ເກມ​ຄັ້ງ​ນີ້ ນັກ­ກີ­ລາ​ລາວ ຈະ​ເຂົ້າ​ຮ່ວມ 6 ປະ­ເພດ ຄື: ຍົກ​ນ້ຳ­ໜັກ ລອຍ­ນ້ຳ ແລ່ນ-ລານ ລົດ­ຖີບ ໂກນ​ບານ ແລະ ບານ­ບ້ວງ​ລໍ້​ເລື່ອນ.

ຂ່າວທີ່ກ່ຽວຂ້ອງ