ເຊີນ​ຮ່ວມ​ບໍລິຈາກ​ເລືອດ ໃນ​ໂອກາດ​ຄ້າຍ​ວັນ​ເກີດ​ປະທານ ໄກສອນ ພົມວິຫານ

1.044 12 ທ.ວ. 2019 ຂ່າວໜ້າ​ໜຶ່ງ
ເຊີນ​ຮ່ວມ​ບໍລິຈາກ​ເລືອດ ໃນ​ໂອກາດ​ຄ້າຍ​ວັນ​ເກີດ​ປະທານ ໄກສອນ ພົມວິຫານ

    ເພື່ອ​ສືບຕໍ່​ຈັດ​ກິດຈະກຳ​ຮັບ​ບໍລິຈາກ​ເລືອດ ເພື່ອ​ຊ່ວຍເຫຼືອ​ສັງຄົມ ທັງ​ເປັນ​ການ​ສ້າງ​ຜົນງານ​ຊົມເຊີຍ​ວັນຊາດ ທີ 2 ທັນວາ ຄົບຮອບ 44 ປີ ແລະ ວັນ​ຄ້າຍ​ວັນ​ເກີດ​ຂອງ​ປະທານ ໄກສອນ ພົມວິຫານ ຄົບຮອບ 99 ປີ ສູນ​ເລືອດ​ແຫ່ງ​ຊາດ ອົງການ​ກາແດງ​ລາວ ຮ່ວມ​ກັບ​ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ (​ຊປປ ລາວ) ຈັດ​ກອງ​ປະຊຸມ​ປຸກລະດົມ​ຂົນຂວາຍ​ຜູ້​ບໍລິຈາກ​ເລືອດ ຂຶ້ນ​ວັນ​ທີ 10 ທັນວາ 2019 ຢູ່​ສູນ​ກາງ ​ຊປປ ລາວ ໂດຍ​ເປັນ​ປະ ທານ​ຂອງ​ທ່ານ ບັນ​ລິດ ປານ​ທອງ​ຈັນ ຮອງ​ຫົວໜ້າ​ກົມ​ຂະ​ບວນ​ການ ສູນ​ກາງ ​ຊປປ ລາວ ທ່ານ ຈັນທະ​ລາ ສຸກ​ສາຄອນ ຫົວໜ້າ​ສູນ​ເລືອດ​ແຫ່ງ​ຊາດ ມີ​ຜູ້ຕາງໜ້າ​ຄະນະ​ຊາວ​ໜຸ່ມ 18 ກະຊວງ 22 ອົງການ ເຂົ້າ​ຮ່ວມ.

    ຈຸດປະສົງ​ເພື່ອ​ກະກຽມ​ຄວາມ​ພ້ອມ​ໃຫ້ການ​ຈັດ​ກິດຈະກຳ​ບໍລິຈາກ​ເລືອດ ພາຍ​ໃຕ້​ຄຳ​ຂວັນ “ສິນ​ໄຊ​ແຫ່ງ​ຍຸກ​ສະ ໄໝ ຮ່ວມ​ໃຈ​ບໍລິຈາກ​ເລືອດ” ເຊິ່ງ​ຈະ​ມີ​ຂຶ້ນ​ວັນ​ທີ 20 ທັນວາ 2019 ຢູ່​ສູນ​ການ​ຄ້າ​ລາວ-ໄອ​ເຕັກ ຊັ້ນ 4 ແຕ່​ເວລາ 8:30-15:30 ໂມງ ເຊິ່ງ​ຄາດ​ວ່າ​ຈະ​ມີ​ຜູ້​ເຂົ້າ​ຮ່ວມ​ບໍລິຈາກ​ເລືອດ 999 ຄົນ ໂອກາດ​ນີ້​ຂໍ​ເຊີນຊວນ​ຜູ້​ທີ່​ສົນໃຈ ເຂົ້າ​ຮ່ວມ​ກິດຈະກຳ​ດັ່ງກ່າວ​ດ້ວຍ. 

ຂ່າວທີ່ກ່ຽວຂ້ອງ