ພະ​ແນກ ຖວ​​ທ ນວ ປະ​ເມີນ​ແຜນ​ກຳນົດ​ພະນັກງານ​ນຳພາ-ຄຸ້ມ​ຄອງ

977 12 ທ.ວ. 2019 ຂ່າວໜ້າ​ໜຶ່ງ
ພະ​ແນກ ຖວ​​ທ ນວ ປະ​ເມີນ​ແຜນ​ກຳນົດ​ພະນັກງານ​ນຳພາ-ຄຸ້ມ​ຄອງ

    ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ (ຖວ​​ທ ນວ) ຈັດ​ກອງ​ປະຊຸມ​ປະ​ເມີນ​ແຜນ​ກຳນົດ​ພະນັກງານ​ນຳພາ-ຄຸ້ມ​ຄອງ ຂຶ້ນ​ວັນ​ທີ 11 ທັນວາ 2019 ຢູ່​ພະ​ແນກ​ດັ່ງກ່າວ ໂດຍ​ເປັນ​ປະທານ​ຂອງ​ທ່ານ​ນາງ ວິໄລ​ວອນ ຈັນທະ​ລາຕີ ຫົວໜ້າ​ພະ​ແນກ ຖວ​​ທ ນວ ມີ​ທ່ານ​ນາງ ດຳ​ດວນ ຈັນທະ​ວົງ ຮອງ​ຫົວໜ້າ​ຈັດ​ຕັ້ງ ນວ ພ້ອມ​ດ້ວຍ​ຮອງ​ພະ​ແນກ ຫົວໜ້າ​ຫ້ອງການ ຂະແໜງ ກອງ​ວິ ຊາ​ການ ແລະ ພະນັກງານ-ລັດຖະກອນ ເຂົ້າ​ຮ່ວມ.

    ທ່ານ​ນາງ ວິໄລ​ວອນ ຈັນທະ​ລາຕີ ກ່າວ​ວ່າ:  ການຈັດຕັ້ງ​ປະຕິບັດ​ປະ​ເມີນ​ແຜນ​ກຳນົດ​ພະນັກງານ​ນຳພາ-ຄຸ້ມ​ຄອງ​ຄັ້ງ​ນີ້ ເປັນ​ຄັ້ງ​ທີ 2 ໂດຍ​ມີ​ຈຸດປະສົງ​ເພື່ອ​ສຳ​ຫຼວດ​ກວດກາ ການ​ຕຳ​ນິ​ສົ່ງ​ຂ່າວ​ເຊິ່ງ​ກັນ ແລະ ກັນ ທັງ​ເປັນ​ການ​ປະ​ເມີນ​ການ​ກຳນົດ​ຕຳແໜ່ງ​ງານ​ໃຫ້​ມີ​ຄວາມ ເໝາະ​ສົມ ແລະ ຊອກ​ຫາ​ຜູ້​ທີ່​ມີ​ຄວາມ​ຮູ້​ຄວາມ​ສາມາດ​ມາ​ນຳພາ ພະນັກງານ-ລັດຖະກອນ​ຈະ​ຕ້ອງ​ໄດ້​ເອົາໃຈ​ຢ່າງ​ເຂັ້ມ​ງວດ​ຕໍ່​ຜູ້​ທີ່​ໄດ້​ຮັບ​ການ​ປະ​ເມີນ ແນໃສ່​ເລືອກເຟັ້ນ​ເອົາ​ພະນັກງານ​ນຳພາ​ທີ່​ມີ​ຄຸນ​ນະ​ພາບ ໂດຍ​ອີງໃສ່​ມາດຖານ ເງື່ອນໄຂ ຄຸນສົມບັດ ຄວາມ​ຫ້າວຫັນ ຄວາມ​ເປັນ​ແບບຢ່າງ ພ້ອມ​ທັງ​ສະເໜີ​ໃຫ້​ພະນັກງານ​ເອົາໃຈໃສ່​ບຸກ​ບືນ​ຫ້າວຫັນ​ໃນ​ການ​ເຮັດ​ວຽກ ຂຸດ​ຄົ້ນ​ຄວາມ​ຮູ້​ຄວາມ​ສາມາດ​ອອກ​ມາ​ນຳ​ໃຊ້​ໃນ ໜ້າທີ່​ຂອງ​ຕົນ​ຢ່າງ​ຕັ້ງໜ້າ ປ່ຽນ​ແນວ​ຄວາມ​ຄິດ​ແບບ​ດັ່ງ​ເດີມ ໄປ​ສູ່​ແບບ​ໃໝ່. 

ຂ່າວທີ່ກ່ຽວຂ້ອງ