ມອບ-ຮັບ​ໜ້າທີ່​ຜູ້ອຳນວຍການ​ໃຫຍ່ ​ລລທ

1.083 10 ທ.ວ. 2019 ຂ່າວໜ້າ​ໜຶ່ງ
ມອບ-ຮັບ​ໜ້າທີ່​ຜູ້ອຳນວຍການ​ໃຫຍ່ ​ລລທ

    ບໍລິສັດ​ລາວ​ໂທລະ​ຄົມມະນາຄົມ​ມະຫາຊົນ (​ລລທ) ຈັດ​ພິທີ​ປະກາດ​ການຈັດຕັ້ງ ແລະ ມອບ-ຮັບ​ໜ້າທີ່ ລະຫວ່າງ​ທ່ານ ຖາວອນ ສົມ​ສະກຸນ ຜູ້ອຳນວຍການ​ໃຫຍ່ ​ລລທ (ຜູ້​ເກົ່າ) ແລະ ທ່ານ ສຸ​ພົນ ຈັນທະ​ວີ​ໄຊ ຜູ້ອຳນວຍການ​ໃຫຍ່ ​ລລທ (ຜູ້​ໃໝ່) ຂຶ້ນ​ວັນ​ທີ 9 ທັນວາ 2019 ຢູ່ ​ລລທ ໂດຍ​ມີ​ທ່ານ ທັນ​ສະໄໝ ກົມ​ມະ​ສິດ ລັດຖະມົນຕີ​ກະຊວງ​ໄປສະນີ ໂທລະ​ຄົມມະນາຄົມ ແລະ ການ​ສື່ສານ (​ປທສ) ພ້ອມ​ດ້ວຍ​ພາກສ່ວນ​ກ່ຽວຂ້ອງ ເຂົ້າ​ຮ່ວມ.

    ການ​ປະກາດ​ການຈັດຕັ້ງ ແລະ ມອບ-ຮັບ​ໜ້າທີ່​ຜູ້ອຳນວຍການ​ໃຫຍ່ ​ລລທ ຜູ້​ເກົ່າ ແລະ ຜູ້​ໃໝ່ ຄັ້ງ​ນີ້​ແມ່ນ​ປະຕິບັດ​ຕາມ​ຂໍ້​ຕົກລົງ​ແຕ່ງຕັ້ງ​ຂອງ​ລັດຖະມົນຕີ​ກະຊວງ ​ປທສ ວ່າ​ດ້ວຍ​ການ​ແຕ່ງຕັ້ງ​ຜູ້​ຊ່ວຍ​ອຳນວຍ​ການ​ໃຫຍ່ ແລະ ຂໍ້​ຕົກລົງ​ຂອງ​ລັດຖະມົນຕີ​ກະຊວງ​ການ​ເງິນ ວ່າ​ດ້ວຍ​ການ​ແຕ່ງຕັ້ງ​ຄະນະ​ຜູ້ອຳນວຍການ ​ລລທ ຊຸດ​ໃໝ່ ກໍ​ຄື ປະຕິບັດ​ຕາມ​ຄວາມ​ຕ້ອງການ​ຂອງ​ໜ້າທີ່​ວຽກ​ງານ​ໃນ​ໄລຍະ​ໃໝ່.

    ທ່ານ ທັນ​ສະໄໝ ກົມ​ມະ​ສິດ ໄດ້​ສະແດງ​ຄວາມ​ຊົມເຊີຍ​ຕໍ່​ຜູ້​ໄດ້​ຮັບ​ໜ້າທີ່​ໃໝ່ ພ້ອມ​ທັງ​ໄດ້​ເນັ້ນ​ໃຫ້​ສືບຕໍ່​ຊີ້​ນຳ-ນຳພາ ສຶກ​ສາ​ອົບຮົມ​ການເມືອງ-ແນວ​ຄິດ ຂອງ​ສະມາຊິກ​ພັກ-ພະນັກງານ ສືບຕໍ່​ປັບປຸງ​ແກ້​ໄຂ​ດ້ານ​ອ່ອນ ແລະ ຂໍ້ຄົງຄ້າງ​ຕ່າງໆ ພ້ອມ​ທັງ​ຕັ້ງໜ້າ​ຈັດ​ຕັ້ງ​ປະຕິບັດ​ໜ້າທີ່​ວຽກ​ງານ​ໃຫ້​ໄດ້​ຮັບ​ຜົນສຳເລັດ ໂດຍ​ສະເພາະ​ດ້ານ​ການ​ດຳເນີນ​ທຸລະ​ກິດ​ໃຫ້​ມີ​ຄວາມ​ເຂັ້ມແຂງ ແລະ ທັນ​ສະໄໝ ຮັບປະກັນ​ໃຫ້​ດຳເນີນ​ໄປ​ຢ່າງ​ຖືກຕ້ອງ ມີ​ຄວາມ​ໂປ່ງ​ໃສ່ ແລະ ມີ​ປະ​ສິດທິ​ຜົນ. 

ຂ່າວທີ່ກ່ຽວຂ້ອງ