ທີມຊາດລາວ ເສຍ ອິນໂດເນເຊຍ 0-4 ຕົກຮອບ ຊີເກມ 2019

1.297 09 ທ.ວ. 2019 ວົງຈອນກີລາ
ທີມຊາດລາວ ເສຍ ອິນໂດເນເຊຍ 0-4 ຕົກຮອບ ຊີເກມ 2019

   ການ​ແຂ່ງ­ຂັນ​ເຕະ­ບານ​ຊາຍ ໃນ​ງານ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ທີ່​ປະ­ເທດ​ຟີ​ລິບ​ປິນ ໃນ​ວັນ​ທີ 5 ທັນ­ວາ 2019 ເປັນ​ນັດ​ທີ 5 ຫຼື ນັດ​ສຸດ​ທ້າຍ​ຂອງ​ກຸ່ມ B ແຂ່ງ​ພ້ອມ​ກັນ 3 ຄູ່ ເວ­ລາ 15:00 ໂມງ ທີມ​ຊາດ​ລາວ ທີ່​ຕົກ​ຮອບ​ແນ່­ນອນ​ແລ້ວ ພົບ​ກັບ​ອິນ​ໂດ​ເນ​ເຊຍ ທີ່​ຍັງ​ມີ​ລຸ້ນ​ເຂົ້າ​ຮອບ ຂະ­ນະ​ທີ່​ຄູ່​ບິກ​ແມັດ ຫວຽດ­ນາມ ພົບ​ກັບ ໄທ ແຊັມ​ເກົ່າ ຊີງ​ເຂົ້າ​ຮອບ​ທັງ​ສອງ​ທີມ ແລະ ບຣູ​ໄນ ພົບ ສິງ­ກະ­ໂປ ເຊິ່ງ​ທັງ​ສອງ​ທີມ​ຕົກ​ຮອບ​ແນ່­ນອນ​ແລ້ວ.

   ຜ່ານ​ການ​ແຂ່ງ­ຂັນ​ປາ­ກົດ​ວ່າ: ທີມ​ຊາດ​ອິນ​ໂດ​ເນ​ເຊຍ ຊະ­ນະ ທີມ​ຊາດ​ລາວ 3-0 ເຄິ່ງ​ເວ­ລາ​ທີ​ໜຶ່ງ​ນຳ 2 ປະ­ຕູ ແລະ ເຄິ່ງ​ຫຼັງ​ຍິງ​ເພີ່ມ​ອີກ 2 ປະ­ຕູ ຂະ­ນະ​ທີ່​ຫວຽດ­ນາມ ສະ­ເໝີ ໄທ​ແຊັມ​ເກົ່າ 2-2 ສ່ວນ ສິງ­ກະ­ໂປ ຊະ­ນະ ບຣູ​ໄນ 7-0.

   ສະ­ຫຼຸບ​ຕາ­ຕະ­ລາງ​ຄະ­ແນນ​ຈົບ 5 ນັດ​ກຸ່ມ​ນີ້: ອັນ​ດັບ​ທີ 1 ທີມ ຊາດ​ຫວຽດ­ນາມ ມີ 13 ຄະ­ແນນ ທີ 2 ອິນ​ໂດ​ເນ​ເຊຍ ມີ 12 ຄະ­ແນນ ທັງ​ສອງ​ທີມ​ເຂົ້າ​ຮອບ 4 ທີມ​ສຸດ​ທ້າຍ​ຕໍ່​ໄປ ຂະ­ນະ​ທີ່ ໄທ ແຊັມ​ເກົ່າ ມີ 10 ຄະ­ແນນ ລາວ ແລະ ສິງ­ກະ­ໂປ ມີ 4 ຄະ­ແນນ ເທົ່າ​ກັນ ແລະ ບຣູ​ໄນ ບໍ່​ມີ​ຄະ­ແນນ​ຕົກ​ຮອບ​ທັງ 4 ທີມ.

ຂ່າວທີ່ກ່ຽວຂ້ອງ