ຂ່າວຫຼ້າສຸດ

ພະແນກ ຖວທ ສ້າງຂະບວນການອອກແຮງງານຕ້ອນຮັບວັນຊາດ

527 04 ທ.ວ. 2019 ຂ່າວໜ້າ​ໜຶ່ງ
ພະແນກ ຖວທ ສ້າງຂະບວນການອອກແຮງງານຕ້ອນຮັບວັນຊາດ

   ພະ­ນັກ­ງານ ແລະ ສະ­ມາ­ຊິກ ອົງ​ການ­ຈັດ­ຕັ້ງ​ມະ­ຫາ­ຊົນ ບັນ­ດາ​ຂະ­ແໜງ­ການ ກອງ​ວິ­ຊາ​ການ ແລະ ລັດ​ວິ​ສາ​ຫະ​ກິດ​ອ້ອມ​ຂ້າງ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) 100 ກວ່າ​ຄົນ ໄດ້​ພ້ອມ​ກັນ​ສ້າງ​ຂະ​ບວນ​ການ​ອອກ­ແຮງ​ງານ​ລວມ​ວັນ​ເສົາ​ແດງ​ໃນ​ວັນ​ທີ 30 ພະ­ຈິກ 2019 ນຳ­ພາ​ໂດຍ​ທ່ານ​ນາງ ວິ­ໄລ​ວອນ ຈັນ­ທະ​ລາ­ຕີ ຫົວ­ໜ້າ​ພະ​ແນກ ຖວ​ທ ນວ.

   ທ່ານ​ນາງ ວິ­ໄລ​ວອນ ຈັນ­ທະ​ລາ­ຕີ ກ່າວ​ວ່າ: ການ​ອອກ­ແຮງ​ງານ​ຄັ້ງ​ນີ້​ໄດ້​ພ້ອມ​ກັນ​ປັດ­ກວາດ ຊວ້ານ​ດິນ ແລະ ເກັບ​ຂີ້​ເຫຍື້ອ​ຢູ່​ໃນ​ຂອບ​ເຂດ​ບໍ­ລິ­ເວນ​ພາຍ​ໃນ​ເດີ່ນ​ສຳ­ນັກ­ງານ​ພະ​ແນກ ຖວ​ທ ນວ ແລະ ຕາມ​ເສັ້ນ­ທາງ​ຕັດ​ໃໝ່ ດົງ​ນາ​ໂຊກ-ໜອງ​ບຶກ ໂດຍ​ສະ­ເພາະ ແມ່ນ​ຂີ້​ເຫຍື້ອ​ຊະ­ຊາຍ​ທີ່​ຄົນ​ໄດ້​ນຳ​ມາ​ຖິ້ມ​ຕາມ​ແຄມ​ຖະ­ໜົນ​ຫົນ­ທາງ ເພື່ອ​ເຮັດ​ໃຫ້​ບໍ­ລິ­ເວນ​ເດີ່ນ​ພາຍ​ໃນ ແລະ ເສັ້ນ­ທາງ​ຕໍ່­ໜ້າ​ພະ​ແນກ​ມີ​ຄວາມ​ສະ­ອາດ​ຈົບ­ງາມ ທັງ​ນີ້ ເພື່ອ​ເປັນ​ການ​ສ້າງ​ຂະ​ບວນ​ການ​ຕ້ອນ­ຮັບ​ວັນ­ຊາດ​ທີ 2 ທັນ­ວາ ຄົບ­ຮອບ 44 ປີ ກອງ​ປະ­ຊຸມ​ໃຫຍ່ 3 ຂັ້ນ ກໍ​ຄື ກອງ​ປະ­ຊຸມ​ໃຫຍ່​ຄະ­ນະ​ພັກ​ຮາກ​ຖານ​ພະ​ແນກ ຖວ​ທ ນວ ທີ່​ຈະ​ໄຂ​ຂຶ້ນ​ໃນ​ມໍ່ໆ​ນີ້​ໃຫ້​ເປັນ​ຂະ​ບວນ​ຟົດ­ຟື້ນ ທັງ​ເປັນ​ການ​ປະ­ຕິ­ບັດ​ນະ­ໂຍ­ບາຍ 6 ສ ໂດຍ​ສະ­ເພາະ ສ ສະ­ອາດ ເຊິ່ງ​ໄລ­ຍະ​ຜ່ານ​ມາ ພະ​ແນກ​ຍັງ​ໄດ້​ເຂົ້າ​ຮ່ວມ​ຂະ​ບວນ​ການ​ອອກ­ແຮງ​ງານ ຂອງ​ສາມ​ອົງ​ການ­ຈັດ­ຕັ້ງ​ມະ­ຫາ­ຊົນ​ຢູ່​ຖະ­ໜົນ 450 ປີ ໄດ້​ຮັບ­ຜິດ­ຊອບ​ມີ​ຄວາມ​ຍາວ 2 ກິ​ໂລ ສຳ­ຄັນ​ແມ່ນ​ຢູ່​ຂອບ​ເຂດ​ບໍ­ລິ­ເວນ​ອ້ອມ​ຂ້າງ​ພິ​ພິ​ທະ​ພັນ​ພະ​ທາດ­ຫຼວງ​ວຽງ​ຈັນ ໄດ້​ເຕົ້າ­ໂຮມ​ເອົາ​ອົງ​ການ­ຈັດ­ຕັ້ງ​ມະ­ຫາ­ຊົນ​ພະ​ແນກ ບໍ­ລິ­ສັດ​ຜູ້​ສຳ​ປະ­ທານ ປະ­ຊາ­ຊົນ​ບ້ານ​ອ້ອມ​ຂ້າງ ແລະ ຫ້ອງ­ການ​ຄຸ້ມ​ຄອງ ແລະ ບໍ­ລິ­ການ​ເມືອງ​ໄຊ​ເສດ​ຖາ ອອກ­ແຮງ​ງານ​ອະ­ນາ­ໄມ​ເປັນ​ປົກ­ກະ­ຕິ​ໃນ​ທຸກໆ 3 ເດືອນ ເພື່ອ​ເຮັດ​ໃຫ້​ພິ​ພິ​ທະ​ພັນ​ພະ​ທາດ­ຫຼວງ​ວຽງ​ຈັນ ເປັນ​ສະ­ຖານ­ທີ່​ມີ​ຄວາມ​ສະ­ອາດ ໃຫ້​ສາ­ມາດ​ດຶງ​ດູດ​ນັກ​ທ່ອງ​ທ່ຽວ​ເຂົ້າ​ໄປ​ທ່ຽວ​ຊົມ​ນັບ​ມື້​ນັບ​ຫຼາຍ​ຂຶ້ນ.

ຂ່າວທີ່ກ່ຽວຂ້ອງ