ຂ່າວຫຼ້າສຸດ

ຄວາມຈຳເປັນຂອງການສຶກສາວິໄຈ ວຽກງານການຮຽນ-ການສອນ

3.295 07 ມີ.ນ. 2011 ສຶກສາ

<p style="text-align: justify;"> ລັດ­ຖະ­ບານ​ແຫ່ງ ສປປ ລາວ ກໍ​ຄື​ກະ­ຊວງ​ສຶກ​ສາ​ທິ​ການ ໄດ້​ຮ່ວມ​ກັບ​ອົງ­ການ​ແພຼນ​ສາ­ກົນ ປະ­ຈຳ​ລາວ ຈັດ​ຕັ້ງ​ປະ­ຕິ­ບັດ​ໂຄງ­ການ​ສຶກ​ສາ​ວິ­ໄຈ ການ​ສິດ­ສອນ​ຂອງ​ຄູ ແລະ ຜົນ​ການ​ຮຽນ​ຮູ້​ຂອງ​ນັກ­ຮຽນ​ຢູ່ ສປປ ລາວ ເຊິ່ງ​ໂຄງ­ການ​ດັ່ງ­ກ່າວ ໄດ້​ເລີ່ມ​ຈັດ​ຕັ້ງ​ປະ­ຕິ­ບັດ​ຢູ່​ຊັ້ນ​ປະ­ຖົມ ປີ​ທີ 3 ຂອງ​ແຂວງ​ບໍ່​ແກ້ວ ໂດຍ​ມີ​ຈຸດ­ປະ­ສົງ​ເພື່ອ​ການ​ວິ­ໄຈ ເກັບ​ກຳ​ຂໍ້​ມູນ​ຫຼັກ​ຖານ ແລະ ອະ­ທິ­ບາຍ​ເຖິງ​ສະ­ພາບ​ການ​ຕົວ​ຈິງ​ຂອງ​ການ​ສິດ­ສອນ​ຂອງ​ຄູ ແລະ ຄວາມ​ຮັບ​ຮູ້​ຂອງ​ນັກ­ຮຽນ ຂັ້ນ​ປໍ 3 ຢູ່​ເຂດ​ຫ່າງ​ໄກ​ສອກ­ຫຼີກ ພ້ອມ​ນັ້ນ ຍັງ​ເປັນ​ຂໍ້​ມູນ​ພື້ນ­ຖານ​ໃຫ້​ທຸກ​ພາກ­ສ່ວນ​ກ່ຽວ­ຂ້ອງ ນັບ​ທັງ​ບັນ­ດາ​ຄູ່​ຮ່ວມ​ພັດ­ທະ­ນາ ໄດ້​ນຳ​ໃຊ້​ເປັນ​ຂໍ້​ມູນ​ອ້າງ​ອີງ ປະ­ກອບ­ສ່ວນ​ເຂົ້າ​ໃນ​ການ​ຕັດ­ສິນ​ໃຈ ເພື່ອ​ການ​ຊ່ວຍ­ເຫຼືອ​ດ້ານ​ຕ່າງໆ​ອີກ​ດ້ວຍ.</p> <p style="text-align: justify;"> ສຳ­ລັບ​ຄວາມ​ຈຳ­ເປັນ​ຂອງ​ການ​ສຶກ​ສາ​ວິ­ໄຈ​ຄັ້ງ​ນີ້ ແມ່ນ​ໄດ້​ຈັດ​ຕັ້ງ​ປະ­ຕິ­ບັດ​ພາຍ​ໃຕ້​ຄວາມ​ຮັບ­ຜິດ­ຊອບ​ຂອງ​ສູນ ຮັບ­ປະ­ກັນ​ຄຸນ​ນະ​ພາບ​ການ​ສຶກ​ສາ (ສປຄ) ກະ­ຊວງ​ສຶກ​ສາ​ທິ​ການ ໂດຍ​ໄດ້​ໝູນ​ໃຊ້​ບົດ­ຮຽນ​ໃນ​ການ​ປະ​ເມີນ​ຜົນ­ສຳ­ເລັດ ດ້ານ​ການ​ຮຽນ​ຮູ້​ຂອງ​ນັກ­ຮຽນ​ໃນ​ປີ 2007 ສະ​ຖາ​ບັນ​ຄົ້ນ​ຄ້ວ​າ​ວິ­ທະ­ຍາ­ສາດ​ການ​ສຶກ​ສາ (ສວ​ສ) ໄດ້​ສຶກ​ສາ​ວິ­ໄຈ​ຜົນ​ການ​ຮຽນ​ໃນ 3 ວິ­ຊາ​ຫຼັກ​ຂອງ​ຊັ້ນ​ປະ­ຖົມ​ປີ​ທີ 5 ຄື: ຄະ­ນິດ­ສາດ ພາ­ສາ​ລາວ ແລະ ໂລກ​ອ້ອມ​ຕົວ ຜົນ​ການ​ວິ­ໄຈ​ສະ­ແດງ​ໃຫ້​ເຫັນ​ວ່າ ນັກ­ຮຽນ​ຊັ້ນ ປໍ5 ເຮັດ​ໄດ້​ດີ ໃນ​ສອງ​ວິ­ຊາ​ຄື: ພາ­ສາ​ລາວ ແລະ ໂລກ​ອ້ອມ​ຕົວ ແຕ່​ສຳ­ລັບ​ວິ­ຊາ​ຄະ­ນິດ­ສາດ ຄະ­ແນນ​ສະ­ເລ່ຍ​ແມ່ນ​ຢູ່​ໃນ​ອັບ​ດັບ​ທີ 3 (ລະ­ດັບ​ກຽມ​ຄວາມ​ພ້ອມ) ຜົນ​ການ​ວິ­ໄຈ​ຍັງ​ໄດ້​ຍົກ​ໃຫ້​ເຫັນ​ເຖິງ ຄວາມ​ແຕກ​ຕ່າງ​ລະ­ຫວ່າງ​ແຂວງ ຊຸມ​ຊົນ ນັກ­ຮຽນ​ທີ່​ມາ​ຈາກ​ພື້ນ­ຖານ​ຄອບ­ຄົວ​ທີ່​ແຕກ​ຕ່າງ​ກັນ ສ່ວນ​ການ​ສຶກ​ສາ​ວິ­ໄຈ​ຂອງ (ສປຄ) ໃນ​ລະ­ດັບ​ຊັ້ນ​ປະ­ຖົມ​ປີ​ທີ 3 ແມ່ນ​ໄດ້​ເນັ້ນ​ໜັກ​ໃສ່​ການ​ສຶກ​ສາ ໃນ​ເຂດ​ຫ່າງ​ໄກ​ສອກ­ຫຼີກ ເຂດ​ຊົນ­ນະ­ບົດ ທີ່​ມີ​ນັກ­ຮຽນ​ມາ​ຈາກ​ຫຼາກ​ຫຼາຍ​ຊົນ­ເຜົ່າ ເຊິ່ງ​ສະ­ຖິ­ຕິ​ທາງ​ການ​ສຶກ​ສາ ສະ­ແດງ​ໃຫ້​ເຫັນ​ວ່າ ອັດ­ຕາ​ສະ­ເລ່ຍ​ໃນ​ທົ່ວ​ປະ­ເທດ​ຂອງ​ອັດ​ຕາ­ຄ້າງ​ຫ້ອງ​ເກົ່າ ແຕ່ ປໍ1-ປໍ5 ມີ​ດັ່ງ­ນີ້: ຊັ້ນ​ປະ­ຖົມ​ປີ​ທີ 1 ອັດ­ຕາ​ການ​ຄ້າງ​ຫ້ອງ​ມີ 30,9% ປະ­ຖົມ​ປີ​ທີ 2 ມີ 15,1% ຫ້ອງ ປໍ3 ມີ 10,0% ແລະ ປໍ4-ປໍ5 ມີ 6,0% ເຊິ່ງ ສປປ ລາວ ເຫັນ​ວ່າ​ແຂວງ​ຜົ້ງ​ສາ­ລີ ບໍ່​ແກ້ວ ສະ­ຫວັນ​ນະ​ເຂດ ແລະ ແຂວງ​ເຊ​ກອງ ມີ​ອັດ​ຕາ­ຄ້າງ​ຫ້ອງ​ສະ­ເລ່ຍ​ໃນ​ຊັ້ນ​ປະ­ຖົມ ຫຼາຍ​ກ່ວ​າ 20% ໃນ​ນັ້ນ ສະ­ເພາະ​ຊັ້ນ​ປະ­ຖົມ​ປີ​ທີ 1 ເຫັນ​ວ່າ​ແຂວງ​ເຊ​ກອງ ມີ​ອັດ​ຕາ­ຄ້າງ​ຫ້ອງ​ສູງ​ກ່ວ​າ​ໝູ່​ເຖິງ 46,8%     ຊັ້ນ​ປະ­ຖົມ​ປີ​ທີ 2-4 ແມ່ນ​ແຂວງ​ບໍ່​ແກ້ວ ມີ​ອັດ​ຕາ­ຄ້າງ​ຫ້ອງ​ສູງ​ກ່ວ​າ​ໝູ່​ເຖິງ 21,6% ແລະ ຊັ້ນ​ປະ­ຖົມ​ປີ​ທີ 5 ເຫັນ​ວ່າ​ແຂວງ​ຜົ້ງ​ສາ­ລີ ມີ​ອັດ­ຕາ​ສະ­ເລ່ຍ​ຕົວ​ເລກ​ຄ້າງ ຫ້ອງ​ສູງ​ກ່ວ​າ​ໝູ່ ແລະ ເປັນ​ແຂວງ​ດຽວ​ທີ່​ເກີນ 10%.</p> <p style="text-align: justify;"> ຂໍ້​ມູນ​ຂ້າງ​ເທິງ​ນີ້ ແມ່ນ​ອີງ­ໃສ່​ບົດ​ສຶກ​ສາ​ວິ­ໄຈ​ການ​ສິດ­ສອນ​ຂອງ​ຄູ ແລະ ຜົນ​ການ​ຮຽນ​ຮູ້​ຂອງ​ນັກ­ຮຽນ ຂັ້ນ​ປະ­ຖົມ​ປີ​ທີ 3 ແຂວງ​ບໍ່​ແກ້ວ ຂອງ​ກະ­ຊວງ​ສຶກ​ສາ​ທິ​ການ ແລະ ອົງ­ການ​ແພຼນ​ສາ­ກົນ ປະ­ຈຳ​ລາວ.</p> <p style="text-align: justify;"> <strong>ໂດຍ: ດາວ​ວອນ</strong></p>

ຂ່າວທີ່ກ່ຽວຂ້ອງ