ຂ່າວຫຼ້າສຸດ

ລາວ-ອາຊຽນ ແລກປ່ຽນບົດຮຽນວຽກງານວິຈິດສິນ

663 19 ພ.ຈ. 2019 ຂ່າວໜ້າ​ໜຶ່ງ
ລາວ-ອາຊຽນ ແລກປ່ຽນບົດຮຽນວຽກງານວິຈິດສິນ

   ພິ­ທີ​ເປີດ​ໂຄງ­ການ​ຕັ້ງ​ຄ້າຍ​ງານ​ແກະ­ສະ­ຫຼັກ​ປະ­ຈຳ​ຊາດ ຂອງ​ບັນ­ດາ​ນັກ​ສຶກ​ສາ​ວິ­ຈິດ​ສິນ​ອາ​ຊຽນ ຈັດ​ຂຶ້ນ​ວັນ​ທີ 18 ພະ­ຈິກ 2019 ທີ່​ສະ​ຖາ​ບັນ​ວິ­ຈິດ​ສິນ​ແຫ່ງ​ຊາດ ເປັນ​ປະ­ທານ​ຂອງ​ທ່ານ ໄມ​ສິງ ຈັນ​ບຸດ​ດີ ຜູ້­ອຳ­ນວຍ­ການ​ສະ​ຖາ​ບັນ​ວິ­ຈິດ​ສິນ​ແຫ່ງ​ຊາດ ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ມີ​ຜູ້­ຕາງ­ໜ້າ​ກອງ​ເລ­ຂາ​ອາ​ຊຽນ ນັກ​ສຶກ​ສາ​ຈາກ​ປະ­ເທດ​ອາ​ຊຽນ ນັກ​ສຶກ​ສາ​ລາວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

   ທ່ານ ໄມ​ສິງ ຈັນ​ບຸດ​ດີ ກ່າວ​ວ່າ: ເພື່ອ​ເປັນ​ການ​ແລກ­ປ່ຽນ​ບົດ­ຮຽນ​ເຊິ່ງ​ກັນ ແລະ ກັນ ການ​ຮ່ວມ​ມື​ທາງ​ດ້ານ​ວັດ­ທະ­ນະ­ທຳ ແລະ ວິ­ຈິດ​ສິນ ທັງ​ເປັນ​ການ​ສ້າງ​ເຄືອ​ຄ່າຍ​ການ​ຮ່ວມ​ມື ລະ­ຫວ່າງ​ນັກ​ສຶກ​ສາ​ວິ­ຈິດ​ສິນ​ລາວ-ອາ​ຊຽນ ໃຫ້​ນັບ​ມື້​ແໜ້ນ​ແຟ້ນ​ຍິ່ງ​ຂຶ້ນ ພ້ອມ​ກັນ​ພັດ­ທະ­ນາ​ວຽກ​ງານ​ວິ­ຈິດ​ສິນ​ໃຫ້​ທຽບ​ເທົ່າ​ກັບ​ພາກ​ພື້ນ ແລະ ສາ­ກົນ ເຊິ່ງ​ການ​ຕັ້ງ​ຄ້າຍ​ຄັ້ງ​ນີ້​ເປັນ​ຄັ້ງ​ທຳ​ອິດ​ທີ່​ໄດ້​ຮ່ວມ​ກັບ​ອາ​ຊຽນ ພາຍ​ໃນ​ງານ​ມີ​ກິດ­ຈະ­ກຳ​ຫຼາຍ​ຢ່າງ ເປັນ­ຕົ້ນ ການ​ແກະ­ສະ­ຫຼັກ​ໄມ້​ທີ່​ສື່​ເຖິງ​ເອ­ກະ­ລັກ​ຂອງ​ປະ­ເທດ​ຕົນ ແລະ​ອື່ນໆ ມີ​ນັກ​ສຶກ​ສາ​ເຂົ້າ​ຮ່ວມ​ທັງ​ໝົດ 35 ຄົນ.

   ສະ​ຖາ​ບັນ​ວິ­ຈິດ​ສິນ​ແຫ່ງ​ຊາດ ປະ­ກອບ​ມີ 5 ພາກ​ວິ­ຊາ ຄື: ພາກ​ວິ­ຊາ​ຈິດ­ຕະ­ກຳ ພາບ​ພິມ ສິ­ລະ​ປະ​ພື້ນ­ເມືອງ ແລະ ປະ­ຕິ­ສັງ­ຂອນ ອອກ​ແບບ​ນິ­ເທດ​ສິນ ແລະ ພາກ​ວິ­ຊາ​ປະ­ຕິ­ມາ​ກຳ ຫຼັກ­ສູດ ການ​ຮຽນ-ການ​ສອນ ມີ​ອະ­ນຸ​ປະ­ລິນ­ຍາ ປະ­ລິນ­ຍາ​ຕີ ແລະ ປະ­ລິນ­ຍາ​ໂທ ຖ້າ​ຫາ​ກວ່າ​ໂຄງ­ການ​ຕັ້ງ​ຄ້າຍ​ຄັ້ງ​ນີ້​ປະ­ສົບ​ຜົນ­ສຳ­ເລັດ ປີ​ຕໍ່​ໄປ​ຈະ​ສືບ­ຕໍ່​ຜັດ­ປ່ຽນ​ກັນ​ເປັນ​ເຈົ້າ­ພາບ ເຊິ່ງ​ການ​ຕັ້ງ​ຄ້າຍ​ຈັດ​ຂຶ້ນ​ວັນ​ທີ 17-21 ພະ­ຈິກ​ນີ້.

ຂ່າວທີ່ກ່ຽວຂ້ອງ