ຂ່າວຫຼ້າສຸດ

ຈັບ​ສະຫຼາກ​ແບ່ງ​ສາຍ ບານສົ່ງ​ຫາດ​ຊາຍ​ທົ່ວ​ປະເທດ​ຊີງ​ຂັນ​ປະທານ ​ສບລ

1.950 15 ພ.ຈ. 2019 ວົງຈອນກີລາ
ຈັບ​ສະຫຼາກ​ແບ່ງ​ສາຍ ບານສົ່ງ​ຫາດ​ຊາຍ​ທົ່ວ​ປະເທດ​ຊີງ​ຂັນ​ປະທານ ​ສບລ

    ພິທີ​ຈັບ​ສະຫຼາກ​ແບ່ງ​ສາຍ​ການ​ແຂ່ງຂັນ​ກີລາ​ບານສົ່ງ​ຫາດ​ຊາຍ ປະເພດ ຍິງ-ຊາຍ ທົ່ວ​ປະເທດ ຊີງ​ຂັນ ທ່ານ​ປະທານ​ສະຫະພັນ​ບານສົ່ງ​ແຫ່ງ​ຊາດ​ລາວ (​ສບລ) ປະຈຳ​ປີ 2019 ຈັດ​ຂຶ້ນ​ວັນ​ທີ 12 ພະຈິກ ຜ່ານ​ມາ ຢູ່ ​ສບລ ໂດຍ​ມີ​ທ່ານ ປີ​ໄຊ ສຸວັນ​ໄຊ ຮອງ​ປະທານ ​ສບລ ພ້ອມ​ດ້ວຍ​ບັນດາ​ຄະນະ​ບໍລິຫານ​ງານ ​ສບລ ຄະ ນະ​ນຳ​ແຕ່​ລະ​ພາກສ່ວນ ແລະ ຄູ​ເຝິກ ເຂົ້າ​ຮ່ວມ.

    ຈຸດປະສົງ​ການ​ແຂ່ງຂັນ​ດັ່ງກ່າວ ເພື່ອ​ສ້າງ​ຂະ​ບວນ​ການ​ສະເຫຼີມສະຫຼອງ​ວັນຊາດ ຄົບຮອບ 44 ປີ ແລະ ສົ່ງເສີມ​ນັກກີລາ​ຮຸ່ນ​ສືບ​ທອດ ກ້າວ​ສູ່​ທີມ​ຊາດ ເຊິ່ງ​ການ​ແຂ່ງຂັນ​ຄັ້ງ​ນີ້​ມີ 19 ທີມ ໃນ​ນີ້​ທີມ​ຊາຍ 12 ທີມ ແບ່ງ​ເປັນ 4 ກຸ່ມ ທີມ​ຍິງ 7 ທີມ ແບ່ງ​ເປັນ 2 ກຸ່ມ ຈະ​ເລີ່ມ​ແຂ່ງຂັນ​ແຕ່​ວັນ ທີ 15-17 ພະຈິກ 2019 ຢູ່​ສະ   ໜາມ​ກີລາ​ບານສົ່ງ​ມະຫາວິທະຍາໄລ​ແຫ່ງ​ຊາດ ເຊິ່ງ​ຈະ​ແຂ່ງຂັນ​ພົບ​ກັນ​ໝົດ ຄັດ​ເອົາ​ທີມ​ອັນ​ດັບ 1-2 ທີ່​ມີ​ຄະ ແນນ​ດີ​ທີ່​ສຸດ ເຂົ້າ​ຮອບ​ຕໍ່​ໄປ.

    ສຳລັບ​ທີມ​ຊາຍ ກຸ່ມ A ມີ ລາວ​ເດີນ​ອາກາດ1 ອິນ​ທະ​ສອນ​ວີ​ຊີ ແລະ ໄຊ​ຍະ​ວົງ​ວີ​ຊີ ກຸ່ມ B ມີ ລາວ ເດີນ​ອາກາດ2 ທະນະ​ກອນ​ມິ​ນິ​ມາກ ແລະ ສະໂມສອນ​ຊາວ​ໜຸ່ມ​ຄະນະ​ສະ​ຖາ​ປັດ ມະຫາວິທະຍາໄລ​ແຫ່ງ​ຊາດ ກຸ່ມ C ມີ ລາວ​ເດີນ​ອາກາດ3 ຕາດ​ຖ້ຳ​ເສືອ2 ເຄ​ທີ​ດີ​ວີ​ຊີ ກຸ່ມ D ມີ ຕາດ​ຖ້ຳ​ເສືອ1 ແພດສາດ ແລະ ຟຣີ​ແມນ. 

ຂ່າວທີ່ກ່ຽວຂ້ອງ