ຂ່າວຫຼ້າສຸດ

ໄຟຟ້າ​ຫົງ​ສາ ສະໜັບສະໜູນ​ງົບປະມານ​ຈັດ​ງານ​ປະເພນີ​ບຸນຊ່ວງເຮືອ​ເມືອງ​ຊຽງ​ຮ່ອນ

1.869 15 ພ.ຈ. 2019 ວົງຈອນກີລາ
ໄຟຟ້າ​ຫົງ​ສາ ສະໜັບສະໜູນ​ງົບປະມານ​ຈັດ​ງານ​ປະເພນີ​ບຸນຊ່ວງເຮືອ​ເມືອງ​ຊຽງ​ຮ່ອນ

     ບໍລິສັດ​ ໄຟຟ້າ​ຫົງ​ສາ​ ຈຳກັດ ນຳ​ເງິນ 5 ລ້ານ​ກີບ ເສື້ອ​ສີພາຍ 17 ບ້ານ ແລະ ໂຄມໄຟ ລວມ​ມູນ​ຄ່າ 48.350.000 ກີບ ສະໜັບສະໜູນ​ປະເພນີ​ບຸນຊ່ວງເຮືອ​ເມືອງ​ຊຽງ​ຮ່ອນ ແຂວງ​ໄຊ​ຍະ​ບູ​ລີ ປະຈຳ​ປີ 2019 ວັນ​ທີ 12 ພະຈິກ 2019 ຢູ່​ຜາມໄຊ​ຊ່ວງ​ເຮືອ​ນ້ຳ​ໜອງ​ຊາງ ເຊິ່ງ​ມອບ​ໂດຍ​ທ່ານ ຄົມ​ເພັດ ແກ້ວ​ພິລາ ຜູ້​ຈັດການ​ສ່ວນ​ງານ​ຊຸມ​ຊົນ​ສຳພັນ ພະ​ແນກ​ປະຊາສຳພັນ ຝ່າຍ​ສື່ສານ​ອົງ​ກອນ ບໍລິສັດ ​ໄຟຟ້າ​ຫົງ​ສາ ​ຈຳກັດ ແລະ ຮັບ​ໂດຍ​ທ່ານ ບຸນ​ລ້ວນ ສົມ​ສີ​ປັນຍາ ເຈົ້າເມືອງ​ຊຽງ​ຮ່ອນ ມີ​ພາກສ່ວນ​ກ່ຽວຂ້ອງ ເຂົ້າ​ຮ່ວມ.

    ປະເພນີ​ບຸນຊ່ວງເຮືອ​ເມືອງ​ຊ່ຽງ​ຮ່ອນ ປີ​ນີ້​ຈັດ​ຂຶ້ນ​ວັນ​ທີ 11-12 ພະຈິກ 2019 ເພື່ອ​ສ້າງ​ຄວາມ​ສາມັກຄີ​ອັນ​ດີ ລະຫວ່າງ​ບໍລິສັດ ​ໄຟຟ້າ​ຫົງ​ສາ​ ຈຳກັດ ແລະ ເມືອງ​ຊຽງ​ຮ່ອນ ທັງ​ເປັນ​ການ​ໃຫ້​ຄວາມ​ສຳຄັນ​ກັບ​ກິດຈະກຳ​ຂອງ​ຊຸມ​ຊົນ ແລະ ຮ່ວມ​ອະນຸ​ຮັກ​ວັດທະນະທຳ​ອັນ​ດີງາມ​ຂອງ​ຊາວ​ເມືອງ​ຊຽງ​ຮ່ອນ ໃຫ້​ສືບຕໍ່​ໄປ. 

ຂ່າວທີ່ກ່ຽວຂ້ອງ